تأيدين الفطور بشقتج عن الاحراج ولا ويا الحمولة؟

مرحبا كويتيات

بغيت استشيركم بشغلة هي بالاصح تخص رفيجتي
هي محتارة شتسوي برمضان تفطر بشقتها اوتحت عند خالتها تقول مشكلتي ماحب انزل اكل بعدين اصعد شقتي من غيرمااشارك باعداد الفطور احس احراج ومشكلتها انه خالتها عندها طباخه شاطرة تقول لو شسوي ماوصل مستواها في الطبخ وعلى فكرة هي موظفة 0
انا عن نفسي ما انصح الوحده تفطر بروحها بشقتها حلاة الفطور جماعي
شرايكم؟

خل تسويلها طبق حلو وتنزله معاها او تقلي كبب وسمبوسك وتنزلها ما يبيلها طباخ وترى حلاة رمضان باللمة وتنوع الاكل مو شرط تكون طباخة يعني ..

الافضل تنزل تتفطر مع خالتها

ومو لازم يوميا تسوي شي اذا في طباخ واهي موظفه

ورمضان الفطور حلاته يمعه

شوفي اول يوم انزلي والباقي خليه كل اجازه سوي شئ يسوى يترس العين وانزلي فيه احسن لج انا عن نفسي ما احب انزل الا اذا مسوي شئ والا اقعد بروحي عاد انا برمضان احب بروحي قولي ليش عشان اختم القران والتراويح لان اذا نزلت جمعه وقرقه وتلفزيون وتلتهين وانتي وكيفج

حلاة رمضان لمه ووناسه وماايد اللي تفطر بروحها اشلون تحس بجو رمضان اللمه حلووه وخليها تنزل اي شي لقيات حلي بارد يعني واذا مالها خلق مولازم تنزل شي يعني جذيه وجذيه

مو مشكله تسوي طبق حلو ولا تسوي العصير والشربت عليها مااعتقد اكو اسهل من الفيمتو ولا العصير لليمون

حلات رمضان باللمه مع الاهل وانا اقول تسوي طبق خفيف وتنزله مو حلو ابروحها تستاحش

اللمه حلوه (دانة الكويت ههههههههههههههههه اعجبتني تستاحش اي والله تستاحش )

البنات ما قصروا وانا رايي من رايهم دام انها ساكنه مع خالتها تاخذ فيها اجر وتفطر معاها

الله يبلغنا رمضان صيامه وقيامه .. اللهم آمين

انا ايد الجمعه ماهم عساس تحسين بجو رمضان وبعدين اذا اهي يايبه طباخه تبي راحتكم واذا قدرتي تسوين طبق وتنزلينه معاج احسن بعد و او اذا تعبانه بعد الفطور سوي لهم حلو قهوه سريع عساس يحسون انج تبينهم وودج بقربهم

انا لما كنت بروحي احب الفطور بشقتي مع زوجي والله وايد وايد وناسه
اما الحين انا ساكنه ببيت الحموله ولازم لازم انزل على الفطور وانزل ايد جدام وايد ورا ههههههههههه
والله صج ماعندي مطبخ ولاشي بس عاد انزل اسنع معاهم وازهب واحنا مو وايد بس اناوزوجي وخالتي وحماي وانتهى الموضوع يعني ما احتاج الخبه

نزلي ليش تقعدين بروحج ومثل ما قالوا البنات لو صحن حلو او اشوية مقالي
والله يعينج حبوبه

ماشاءالله البنات ماقصرو خووووش ردود

انا عن نفسي احب الجمعه..

و مو لازم تسوين طبق اسكت سوي اطباق سهله وتفنتكي فيها وبالتزين..

مره سوي سلطه او 2 مره مقالي سمبوسه كبه قطايف..

مره اشتري شي جاهز مثل ملفوف من مره ..

مره نزلي حلو..

مره مسكي ايد ريلج خخخخخخ يعني مو تنزلين ايدج فاضيه..

بس المهم ماتكلفين ع عمرج..

مع البنات صح

اكيد عند الحموله احسن مع اليمعه… وبعدين مدام انتي موضفه يعني عذرج معاج… مو شرط كل يوم تنزلين معاج شي يعني كل يومين نزلي صنف, و شوفي اختاري الاصناف اللي مايسونها وانت سويها … او تعلمي من الطباخه مدام شاطره