|
|
مساء الخير حبيباتي
اشلونكم
قاعده تصير معاي شغلات صج مصدوووووووووومه منها والي اهي
بنتي مريومه
انا الي اعرفه الطفل من بعد ما ايي ياهل وراه اهنيه تبلش الغيره والزعل
مريومه غيييييييييييييييير
مريومه من الحين زعلانه وصايره شيطااااااااااااااااااااااااااانه حيل تحاول لفت الانتباه
ولي درجة الشي المرفوض صار عندها مرغوب
واذا قلنا لها لا انا وابوها ترجع تكرر نفس الشي
وتبجي طوووووووووووووووول الوقت وتحن
اذا نزلت تحت عند يدتها تبجي ابي ماما وتقعد خمس دقايق او 10 دقايق ترجع تبجي ابي أيديده مادري لما تشوف بطني تتضايق ونفس الطريقه من بعد ماتنزل عند يدتها بعد 10 دقايق ترجع ابي ماما
قبل جم يوم قعدت تسوي نفسها تبي تشيل البيبي من بطني انا استانست لانها بالبدايه كانت تبوس بطني وتسوي نفسها كأنها بتشيل البيبي وكانت تستانس لما تحس بحركة البيبي في بطني وتقولي ماما البيبي يطقني واهي مستانسه
الشي هذا تغير الحين لما قربت ادش شهري
بس الي استغربت منه انها قاعده تحاول تشيل بطني وتسوي بيدها حركه كأنها قاعده تقط الياهل على الارضضضضضضضضضضضضضضضضضضض
يننتني وعذبتني بتصرفاتها وموعارفه شسوي وياها
زعلانه طوووووووووووووووووووووووووول الوقت واذا قاعده راضيه ماتطول اكثر من 10 دقايق
اوديها الالعاب واطيب خاطرها وحتى لما نبي تنام تنام على صدري واكون قاعده اشوف معاها رسوم متحركه
مادري الشي هذا راح يستمر لي متى
خانقتني العبره عليها
هذا الي قاعده اسويه معاها الحين
بس صايره تخووووووووووووووف احس اعصابها مشدوده طول الوقت
اخذيها معاج السوق خليها تختار للبيبي
وانتي اشتري لها هديه واذا ولدتي بالسلامه عطي الهديه لمريومه قوليلها ان البيبي يابتلج هديه علشان اتحببينها بالبيبي
وخليها بحضنها واتساعدج علشان ماتحقد وتغار من البيبي
وفعلا غيرة وبجي وما ياكل مع اني عطيته كل اهتمامي وتعبت نفسيتي منه وشركته بحضانة بس مافي فايدة بس للامانة الحضانة ما كانت مناسبة له يعني مو ذاك الزود كانت.
وكبر وهو يحاول يطق اخته وكذا مرة كفخها كفخ الله العالم فيه وكنت ما اطقه عندها بس افهمه انه حرام لازم تكسر خاطره وغالبية الوقت ما اخليه ينتبه انها موجودة بيننا باني ابوسها او اشيلها والله كنت امطنشتها نوعا ما.
وبعدين تقريبا لما صك عمره 3 سنين حسيت انه يحن عليها اكثر واذا طقها عن غير قصد راح وباسها وصرت اقدر ابوسها واشيلها والعبها خلاص حس ان الغلا كله له وانها اخته وتقبل وجودها معانا.
الله يعينج راح تتعبين في البداية بس ان شالله راح ترتاحين بعدين