|
|
السلام عليكم بنات
بنتي عمرها 4 سنوات وايد وايد ماذيتها الكحة ووايد وايد مأذيها البلغم لدرجة ان احيانا ترجع بلغم مكرم السامع
مع ان صار لنا شهر دوا البروسبان مال الكحة ماوققف عندنا بشكل يومي وصار لي 3 ايام بديت اعطيها الميكوسولفانت اللي مضاد للبلغم وهم ماكو فايدة
تكسر خاطري وايد
بالليل ماتقدر تنام بس تكحكح
فياليت اللي عندها وصفة مفيدة تفيدني
والله يعطيكم العافية
غير الأدوية اللي عندج
عليج بالحلبه ونتفة زنجبيل نقعيهم وعطيها مثل الدوا استكانة صغيرونه 3 مرات باليوم
وراح ترتاح بالليل ان شاءالله
وقبل لا تنام دهني قاعة ريولها بفكس فابوراب حطي وايد مال اليهال ولبسيها دلاق
وبالشفا يارب
وعندج ورق الجوافه زين
وعندج ورق الجوافه زين …
خليها تتدفا زيييين وحطيلها بالغرفة البخار ..وبالنسبة لي وللي مجربته وانفع مع وليدي اسم الله عليه عمره سنة ونص ..عندج قفشة زيت زيتون تماام ماادري شيسوي يذوب البلغم او شنو بس وايد خففه وريحه من التكحكح و عندج بعد التيليو اهوا جاي تي باق تلقينه بالجمعية وعند بعض الحوايين اهوا عبارة عن ورق الجوافة مفيد وايد ..خليها تشربه دافي ..هم الزنجبيل تمام بس طعمه ما يحبونه الصغار ..اييييي تذكرت ..ابوي بعد عمري كان دايما يحطلنا قلاص ماي مغلي يذوب فيه قفشة عسل ونص قفشة خل او اقل …تطهر البلعوم وتخفف البلغم والعسل يزيد المناعة عطيها قلاص عالريج وثاني بالليل
الله يشافي بنتج
حالي من حالها انا كبيره وتعبت وزهقت
ابي علاج غيرهاالاوديه الي عذبتني
ملها شر
بس ياحياتي الادويه اللي ذكرتيها كلها تهيج الصدر انصحك تغيرينهم لأن ادوية المستوصف ماتفيد
جربي شراب ( لومال ) بالزعتر والاعشاب عجييييييييييييب طبيعي ويريح
بالاضافه الى ملعقة الشاي زيت زيتون ونفس المقدار عسل تخلطينهم وتعطينها خاصه لي كانت تكح شنه *** اطخ الكحه واحيانا
يطرد حشاك البلغم عن طريق الترجيع ينظف الصدر وماعليها الا العافيه
جيبي لبان مر ونقعيه بماء حار وخليه شويه يبرد
واستخدميه مره في الليل ومره في الصباح مقدار ملعقة الشاي باذن الله بتشوف العافيه
ايضا زيت السمسم عطيها منه بيخفف من الكحه عطيها مقدار ملعقة عاديه مره صبح ومره ليل وعلى فكره زيت السمسم مفيد للجسم
ايضا سخني زيت زيتون او السمسم مع شوية فلفل اسود وزنجبيل ودهني جسمها في الليل ودفيها زين ولازم تنام بعدها ماينفع تقوم عشان ماتاخذ برد زياده ومع التدهن تتفتح المسام عشان كذا دهنينها ودفيها هذا اذا كانت ماخذه برد
حرارتها مو ثابته تخرع ترتفع وتنزل واحس الادويه مافادتنا
اسوي نفس اللي قلتووووه ولا مو زين لها
الله يشافي بنج اختي بلاك روووس اسمحيلي على التطفل بس شسوي ؟؟
|
المشاركة الأصلية كتبت بواسطة وسايم القصيم
 بالنسبه لبنتي والله مانفعها غير البخار يوميا 6 مرات وعلى فكرة ترى مافي مضره من كثرته وهويفيد ولايضر ولاتستعملين اي دوا لان اللي فبها حساسية الصدر من البرودة وحاولي ماتسبحينه الا في الاسبوع مرة ولا تخلينها تطلع برة الا بعد اليوم الثاني وممكن تستعملين مع البخار شراب الاكسيلين للاطفال 5 مل وادعيلي والله مجربه وبلا مضادات وخرابيط ترى كثرة الادويه تعمل لها حساسيه انتبهي
|
شوفي أنا إختي طبعاً كبيرة بالعمر لكن والله شافت لأوراق الجوافة الناشفة تغلينها وتصفينها وتشربها( بس الأفضل الخضراء)
لك بعد اللبان تنقعينه ليلة وتشربه .
تدهنين رجلها بالفكس وفيه ناس يحطون معاه زنجبيل بس اهي طفلة لا تحطين لها لأنها صغيرونة وتلبس الدلاغ بس لاتنام فيه .