|
|
🌺✋☺🌺السلام عليكم ورحمة ورحمة الله وبركاته🌺☺✋🌺
مساء/ صباح *الورد*
امهات انا اليوم بنتي فديتها والله يطول بعمرها خلصت الشهر الثالث واليوم اول يوم بالرابع
هل تاكل بهالعمر؟
وشنو تاكل؟
وانا بديت بسيريلاك مره وحده قبل لاتنام
وبنص الرابع بديت بخضار بسيطه
بعدين امي زفتني هههههههههههههه
وقطعت ووكلتها بالسابع
بس ما كانت تعطيه كل يوم جذي جمر مره بالسبوع بس
بس انا ناويه البيبي الثاني ما اوكله الا لين يكمل ال6 شهور
لان الكل يقول من 6شهور احسن
وبنت خالتي راحت حق دكتوره وقالت لها لي كمل 6شهور عطيه
اول يوم بطاطه مسلوقه
ثاني يوم جزره مسلوقه
ثالث يوم قرع
يعني جذي كل يوم شي عرفتي
بس خالتي عيالها وعيال عيالها لول كلهم كانت توكلهم من الشهر الرابع وكاهم الحمدالله مافيهم شي عاد بس مايندرا
كل واحد يقولج شي
اهو كاتب شنو مناسب بهالعمر
وبالنسبة حق كلام العضوة q8 kanosha ع اساس تعطي كل يوم نوع خضار
ترا الافضل ان كل اسبوع تدخلين نوع يديد من الاكل يعني مثلا عطيتيها بطاط ظلي عطيها اياه لمدة اسبوع بعدين دخلي الجزر
عشان اذا طلع عنده حساسية من اي نوع راح تعرفين ع طول بهالاسبوع من الاعراض اما اذا دخلتي كذا نوع ماراح تعرفين حساسيته من شنو وهذا كلام الدكتور احمد الخباز ودكتوري بالكلية
وتقدرين تعطينها من الحين بس مو كل شي الدكتور كاتب بموضوعه تدريج الاكل بس عادي مو شرط تمشين عليه بالضبببط
لان اهو كاتب ع اساس لا يصير بالياهل حساسية بس في يهال اسم الله عليهم ياكلون وماصار فيهم شي يعني من باب الاحتياط بس
يعني كاتب الافضل ان ما تعطين الياهل سمج لي عمر السنتين بس في وايد يهال ياكلون من عمر السنة وماصار فيهم شي
وشزينهم يهال اول كل شي ياكلون من 4 شهور بس مادري شفيهم عيال هالوقت كله مرضى
بعدين بنص الرابع قمت اعطيها عيش ماركة بيبيلاك وعطيتها بطاط مع جزر مخلوط مافصلته الحمدااله ماصارلها حساسيه
واعطيها تفاح مطبوخ ومطحون
ومن تدخل ااسادس راح اعطيها سيريلاك وموز وهالسوالف
بس قالولي يسبب امساك
مايندرا
بثاني اسبوعين عطيت ( جزر + كوسة + بطاطا ) اسلقهم و اهرسهم و اوكل بالقفشة
الكمية شوية بس قفشتين ملوت الاكل اللي ناكلهم احنا
و الحين ما بقى شي و يخلص الرابع و يدش بالخامس
ببدي بالعصير ان شاء الله
الله يخليلج بنوتج و يحفظها :d
والله انا بنتي بديت اوكلها من الشهر الخامس مو من الرابع
وبديت بربع بسكوت فيرليز احطه مع رضعتها الحليب وبعدها بجم يوم بديت اعطيها وجبه عشا وهي كوسه وبطاط وجزر أفوحه كله مع بعض واحطه بالخلاط واحط عليه شوي ماي
من نص الثالث مو أنا شغالتي الله يهديها كل هذا من زود حبها لها بس البنت ربربتها زادت وأمي زفتني بقوووة وزعلت علي وقالت لي أهتمي ببنتك لا تكبر معدتها كثييير وحذفت البطاطا وقللت لها الكمية والله يحفظها ويحفظ عيالكم يااارب " كثرت هرجه هاااااه "