|
السلام عليكم
بنات فيدوني الله يعافيكم عن الطريقه الصحيحه لقيام الليل
احس اني اصلي غلط
جم ركعه ؟؟
والساعه جم ؟؟
والايات شنو اقرا ؟؟
كل شي يعني
تكفون ساعدوني
والعدد الي تبينه بس لازم زوجي ركعتين اربع ست ثمان
جذي
بس سلامتج
وكل ركعتين اسلم ؟؟؟؟؟
وشنو اقرا ايات ؟؟
اي كل ركعتين تسلمين
وتختمينها بالشفع والوتر تصلين اخر شي ركعتين تقرين بالركعه الاولى الفاتحه بعدين سورة الاعلى والركعه الثانيه الفاتحه بعدين الكافرين
وتسلمين وبعدها تصلين ركعه وحده بس تقرين الفاتحه بعدين المعوذات ( قل هو الله احد ،، قل اعوذ برب الفلق ،، قل اعوذ برب الناس )) او الاخلاص بس وتركعين بعدها تدعين او بالسجود تدعين اللي تبينه ..
واهم شي بالقيام الشفع والوتر ..
وباجي القيام عادي الايات اللي تبينها مافي ايات محددهـ
والله يثبتج ويهدينا جميعا
انا ياحبيبتى اقوم الليل كل يوم بسوره البقره تقدرين اطبقين اللى انا اسويه بس بسورة قصيره
جعله الله في ميزان حسناتكم يارب
ايه تسلمين او اذا تبينها اربع كيفج الي يريحج
واختميها بالشفع والوتر نسيت اقولج الله يلعن ابليس
بارك الله فيييكم بنات ماقصرتوووو بتوجيييه الخير
الله يثبتج
قولي اذا الله ارااد الاجور عند الله
البنات ما قصروا
بغيت أضيف كم شغلة
يستحب بقيام الليل انج تطولين بالقراءة بخشوع وواكثار من الدعاء بالسجود .. يعني مو مهم كم ركعة المهم الخشوع ممكن بس ركعتين لكن اطول وانا بالقراءة والركوع والسجود
بالأخير تختمينها بالشفع والوتر
السور اللي تقرينها بقيام الليل .. ممكن اي سورة وتقدرين تحملين المصحف و تقرين منه أثناء الصلاة .. او تسميع محفوظج من القرآن
يفضل الترتيل والتدبر اثناء القراءة وممكن يكون الصوت مسموع لكن مو عالي ..
يفضل الصلاة بالثلث الأخير من الليل يعني بعد الـ 1 .. وبس يدخل وقت صلاة الفجر خلاص أو قبل دخول وقت الصلاة
من بعد 12 ونص