بنات ساعدوني ابي حل حق مشكلتي المحرجه

السلام عليكم بنات طلبتكم للي مرت بمشكلتي اوصار عند اهلها نفس المشكله تفيدني الله يعطيها العافيه منحرجهاقولها وهي ريحة الحلج وعرسي بعد كم شهر ساعدوني تكفون توقعت الريحه من الاسنان او اللثة بس طبيب الاسنان قالي سليمه اسنانج احبطت اكثر وماني عارفه شسوي

شوفي حبيبتي …. روحي حق دكتور انف و اذن و حنجرة لان احتمال كبير يكون السبب من البلاعيم أو الجيوب الأنفية واذا ماكو شي وكل شي اوكي روحي دكتور باطنية لان احتمال يكون من المعدة و الجهاز الهضمي .. وإن شاء الله تلاقين الحل اللي يريحج و مبروك على الزواج مقدماااا …

وانا ياية اقولج نفس الكلام
ترى اغلب الاحيان تكون الريحة من الجهاز الهضمي وتزيد اذا كان معاج قبض او اسهال وانتي بكرامة
يعني اي مشكله بالمعدة تأثر على ريحة الفم
وان شاء الله بتلقين لها حل
وكحل مؤقت انصحج علجي حبة مسمار بين فترة والثانية باليوم
يعني عقب كل وجبه
ولاتخلين ريجج ينشف حاولي تكثرين من شرب الماي
وشربي شاي نعناع لانه يطهر المعدة اذا فيها ي او عفونة او بقايا طعام ماتهضم ويسبب ريحة

وعندج شغله حلوة تنباع بالجمعيات بدال العلج
نفس ورقة مستطيلة حجمها 1 سم تحطينها بلسانج وتذوب وريحتها نعناع قوية وتظل فترة طويله تلقينها بالجمعيات خصوصا يم المحاسبين صوب العلج والكاكاو وحتى بمركز سلطان موجودة
في منها نكهات بس انتي اخذي النعناع احسن شي

وان شاء الله يارب مشكلتج تنحل وتتهنين بزواجج يارب

ما قصروا البنات بس ازيد على كلامهم ان نوع الاكل ياثر بلريحه الداخليه الي تطلع بعدين من الفم يعني الاجبان والملفوف ممنوعه
وتقدرين تسربين سفن مع لقاح وماي ورد وزعفران يخلي ريحه جسمج كلها حلوه مو بس الفم
وغير جذي اهم شي تنظفين لسااااااااااااانج وقت غسيل الاسنان سواء بفرشاة ناعمه او بالاداة الخاصه فيها وتلا قينها عند دايسوا
لاني اللسان في فتحات وشقوق صغيره تيمع فيها الاطعمه وبالتالي تتحول لي ريحه كريهه من البكتريا
ومبروك عالزواج مقدما وانشاءالله تنحل مشكلتج باقرب وقت

الامساك

بعدين على طول هيل حطيه بحلقج ومع اعراض العرس حطى مستكه العلج وخليهم يحطونه مع حلويات غرفتج

حبيبتي غسلي ماي وملح 3 مرات باليوم لانها من البلاعيم

شوفي حبيبتي بعطيج شغلة رح تدعين لي من وراها وسهلة حدها ورح تشوفين النتيجة خلال ايام وما في احد ما جربها الا مدحها الا وهي تشربين اول ما تقومين من النوم وقبل لا تنامين عصير الليمون الاخضر الهندي او المصري الليى اهو اللومي تعصرين حبة وحدة بس اكرر الليمون الاصفر ممنووووووووووووووع ولا تخافين ما يحرق المعدة حتى الدكاترة هني بامريكا يدرون عنها

اولا تبتعد عن اكل البصل والثوم والبهار الوايد
ثانيا تغير الفرشا مالتها كل شهرين
ثالثا تفرش اسنانها ثلاث مرات باليوم
رابعا ماتخلي ريجها ناشف كل شوي تتمضمض
رابعا تروح الطبيب وتشوف اذا عندها مشكله صحيه تسبب هالمشكله
خامسا العلج لاتخليه كل خل تتعلج

حبييبتي عليج بعد بخيط الاسنان بعد الاكل لان بقايا الاكل بين الاسنان تسبب هذي الريحه وفرشاة الاسنان ساعات ماتقدر عليها

فرشي اسنانج بعد كل شي تاكلينه وروحي حق انف واذن وحنجره واذا كل شي تمام روحي فحصي معدتج

مثل ما قالوا البنات .. راجعي الدكتور احتمال كبير يكون من الجهاز الهضمي (( المعده ))

وماي الملح يطهر الحلج .. و الليمون الاخضر مثل ما قالت توتا ممتاز .. وشربي ماي دارسين وايد زين ويطهر وينعش

وبتعدي عن البهارات والملفوف والاكلات اللي فيها بهارات .. وان شالله بتنحل مشكلتج لا تحاتين والاهم من كل هذا بكل طلعه حطي بجنطتج حلاو او عليج تغيرين فيه طعم حلجج

التنظيف بالفرشه والمعجون
المضمضمه بالماء والملح
استخدام غسول فم جيد
وشرب شاي اخضر يقتل بكتيريا الفم او اكل تفاحه
وادعيلي

بنت خالتي كانت نفسج وكان فيها امساك راحت طبيب المستوصف عطاها تحليل خروج(عزكم الله) طلع فيها بكتيريا متجمع بالمعده مادري اشلون ماتنزل حطها مسهل قوي والحمدلله الحين زييينه ريحتهاا
انشاءالله اكون افدتج

حبيبتي مرات الريحه من اللوز شوفي د.عبد الله العلي ممتاز وهو اقولج تبع أنف و اذن وحنجره

ماشالله البنات ماقصرو حتى استفدت منهم صدقيني حتى النفسيه تاثر وشوفي بعد العرس
تعرفين شلون عند الوضوء لما نظف الخشم سوي هالحركه مع ماي واجد وشوفي الفرق
ومبرررررررررك ياعروسه