|
|
شرايكم بفاطمة نذر تربية قبل مدرسية
وتنمية لغوية صالح اسماعيل
بسرعة بلييييييييز
بس لو تكتبين انتي وين يعني جامعه او تربيه
عشان البنات يفهمون
وموفقه يا حلوة
يابنات التربية بليز ساعدوني لان تسجيلي الحين وماعندي فكرة عن هالدكاترة
اب
اب
ومالقيت اسم الدكتور فاطمه
لقيت الدكتور صالح وهذي تعليقات الطلبه ..
المـادة: تنمية لغوية+سيكلوجية النمو
الصراحة دكتور صالح مافي منه اثنين بالكلية دكتور من احسن الدكاترة، أسلوب وتعامل راقي مع الطلبة شرحه جدا ممتاز امتحاناته تعتمد على الفهم ,محاضراته ما تطوف ، انصح الكل ياخذ عنده صراحة اللي يطلع من الجامعة موماخذ عنده حسافة(:
المـادة: تنميه لغويه
دكتور للامانه ممتاز باغلب النواحي
الا من ناحيتين ظالم..
اللي هو كل كورس عن كورس..له مزاج !؟
يعني احنا كانت محاضرتنا 8 وقاعدين من صباح الله ودايسين بالسياره
ونتاخر بس دقيقه نلقى الباب مصكر !!؟ ومايسمح لنا ندش
لكن الكورس اللي بعده اعرف من البنات انه عنده التاخير عاادي !!؟
وخسف فيني بالغيا..كان تاخير وحسبه غيابات
الشغله الثانيه عرفت انه يحاسب عالغياب بشكل مو طبيعي
يعني اول غياب ناقص 5 درجات اما باقي الغيابات درجه !!؟
خسف فيني والله
اما باقي النوااحي ممتاز والله
شرح +محاضره عجيبه + امتحان متوسط
المـادة: تنمية لغوية
بكل صراحة و كلام فعلا ينوثق فيه .. هالدكتور من الدكاتره المتميزين بكلية التربية .. من حيث الشرح ممتاز .. يلتزم بمحاضرته و ساعاته المكتبيه .. يقدر ظروف الطالبات و تعامله راقي مو جاد حيل أو يستهزء بالطلبه مثل اغلب الدكاتره عندنا .. الدراسه للامتحان ماكو اسهل منها بس تنصدم بالامتحان اسئله يبيلها فهم و متابعة لكلامه بالمحاضره .. مايقصر اخر شي يرفع الكل ..( الغياب عليه درجات ، ماكو تقرير او بحث بس الدرجات تعتمد عالامتحان )
انصح به .. و عموما اهوا محتكر الماده 
المـادة: تنمية لغوية , وسيكولوجيا النمو
دكتور روعة ومحترم ومذكرته 40 صفحة تقريبًا وحقاني كل بنت وحقها ما يدخل أحد وراه وامتحاناته سهله من المذكرة
المـادة: تنمية لغويه
الدكتور اول ما يدخل بدون سلام على طول يبدي بالموضوع
محد يدخل بعده و ما يرضا يكون بالمحاضره مستمعين
ما يرضا احد يسولف
امتحاناته متوسطة الصعوبه بس ما تتوقعين الدرجه عبالج يايبه درجه زينه و اهيا اي شي
لما يشرح يضيع مادري شلون شرحه
يعني بالمذكره بس نقاط و اهوا يشرح كل نقطه ولازم تكتبين معاه و لما تروحين البيت و تقرين انتي شنو كاتبه اتضيعين ما تفهمين شي جنه بدليات
المـادة: سيكلوجيه نمو
شرح ممتاز
وسوالف من واقعنا التربوي
المادة مو معقدة
كثر ماتحتاج مذكراكرة وكابه مستمرة
مع الدكتور اثناء المحاضرة
وابصرحه يعطيه العافية حده طيب
ويقدر الطلبه ويحترم رايهم
والاحلى انه حياوي
المـادة: سيكلوجية نمو
شرح ممتاز سواااااااااااالف
لان الماده تتكلم عن نمو الطفل ومراحل عمره
فيذكرلنا سوالف عن الجهال وشلون اهلهم تعاملوا معاهم
الماده سهله ونوت الدكتور اسهل عباره عن 40 صفحه تقريبا
الامتحان الاول كان سهل وجبت عنده 24 من 30
والفاينل كان متوسط الصعوبه
بس انصدمت لما شفت درجتي عنده c+
كنت متوقعه اجيب a او b على الاقل
رحت له لمكتبه بعد الفاينل بس ما كنت احصله لحد ما لقيته معلق الدرجات ومو كاتب متى نراجعه
بصراحه الماده سهله المفروض الواحد ياخذ فيها a
المـادة: سيكولوجيه النمو والتنمية اللغوية
دكتوووووووووور قمة الأدب والأخلاق والأحترام محترررررررررم بطريقة ما تنوصف دكتوووور ممتاز بالشرح ويعطي الشرح حقه ولا زيادة بس امتحاناته يبيله اشوي وإذا عندج أحد ماخذ المادة فبلج سأليها شنو عطاهم لان نفس الشي تقريبا وأهم شي كتبي كل كلمة يقولها ومذكرة مرتبه حييييييييل وحقاني بعد وكل شي زييييين ترى فيه بس ها لا تقلين احترامج ولا تستخفين دمج وخليج محترمه معاه يحطج على رأسه والله خوووووووووووش دكتور
المـادة: سيوكولوجية نمو231
شرحه ممتاز لكن امتحانه صعب حيل ويحاسب على الغياب بشدة ويطرد البنات اللي يدشون وراه..
المـادة: سيكلوجية نمو
دكتور ممتاز و يراعي ضميره في تدريسه و طلبته. صج طيب و متفهم وايد و مرن بالتعامل، لكن أيضا هو شخصية قوية و شديدة المراس و لا يمكن خداعه. يطرد و يحرج البنت إذا تسولف بالأحاديث الجانبية، تكلمي كثر ما تبين بالمحاضرة حول موضوع المقرر و يسمع لج بشغف، لكن بتسولفين مع رفيجتج ؟ أحسن لج لا تحضرين لأنه يخليج تتحسفين إنج سجلتي بالجامعة.
يفرق بين الطلبة الجادين و الطلبة اللعوبين. يساعد الجادين بدون ما حتى يطلبون
المـادة: سكيلوجية نمو
الصراحة اولا كان دكتور زين لكن بعد فترة تغير ما ادري شصار فيه وبعدين حتى اسلوبة متغير لأني كنت ماخذة عنده قبل هالمادة مادتين لكن آخر مادة خذيت عنده كان اسلوبة زين بس اللحين متغير وصار ما يحترم البنات وييزف فجأة ما تدرين اذا كان راضي عليج او لأ
اتمنى اني ساعدتج . .
واتمنى البنات اللي يعرفونه يقولولي رايهم فيه