بنات بسآلكم المصاصه لازم؟؟؟

مساء الخير بنات جمعه مباركه

عساكم بخير ؟ انا حامل بالثامن وقاعده اجهز للبيبي والصراحه ماخديت مصاصات ومافكر اخـذ ماحب فكره المصاصه وسالت خالتي اخت امي لاني الاحظ صج انها ماتعطي عيالها مصاصات وتقولي مب لازم لا تعودينه علي هالشي انا كلش ماعطي وان صاح الياهل اعطيه رضعته

وامس وحده من اهلنا تقولي لا اخذي وخليه معاااااج من المستشفي تحملي ماتاخذين المصاصه وايد تهدي اليهال

الصراحه انا احترت بجريه وماعندي خبره وقلت بشوف خبراتكم

في يهال هادين يبجون بس وقت الرضعه او تغيير الحفاضه
مايحتاج تعودينهم على المصاصه

وفي يهال 24 ساعه بجي بدون سبب هني تضطرين تستخدمين المصاصه

الياهل بالمستشفى مايحتاج مصاصه بيكون 24 ساعه نايم
بتعرفين طبع البيبي اول اسبوعين بالاربعين
اذا كان يبجي وايد طرشي احد ياخذلج وحده
ملوت مذركير حلوين ويثبتون بالحلج
واذا تحاتين وايد اخذي وحده من الحين احتياط يكون حجمها صغير 0-3

انا ما احب المصاصه

بس اضطريت اعطيها بنتي عقب عشرين يوم من ولادتها لانها اربع وعشرين ساعه تبجي وتمت تمصها لي عمر اربع سنين

والحمدلله اخوانها اللي بعدها هاديين ما عطيتهم المصاصه بالمره

وبجذي تعرفين اذا محتاجه مصاصه والا لا ،،،،،، انطري ان شاء الله لي بعد الولاده واعرفي نوع الياهل وعقب تشترين والا لا

الله يهون عليج ويرزقج الطفل الصحيح المعافي

انصحج لاتعلمين البيبي عليها

بعدين لوطاحت وهو نايم يقوم من نومته

ادمان بصراحه غير انهالازم تكون نظيفه ومعقمه على طول ولا تنقل الامراض وتملي بطن البيبي بالغازات

مانصحج وايد عيوب

انا ولدي ماكان متعلق فيها بس كانت مريحته و ضرورية ما نستغني عنها ..
و قبل لا يكمل 7 شهور و تنبت أسنانه قطعتها بيوم واحد و الحمدلله ..

نصيحتي اشتريها و شوفي طبع البيبي و اذا كان لابد استخدميها و قطعيها قبل لا يتعلق فيها .. و على فكرة المص يريح الياهل و المصاصة مهمة في غير اوقات الرضعة .. ضروري تنظيم الرضعات مو بكل وقت ..

لا تاخذين حق الاربعيين

بعد الاربعيين

بتحتاجين علشان تنظيم الرضعة

و حق دوامج

و علشان تتفرغين حق ريلج

تعطينه اياها مو على طوول

علشان تقدرين قبل السنة تقطعينها عنه

حبيبتي خلي وحده عندج احتياط انا ماكنت بعطي ولدي بس تخيلي الصدمة بالمستشفى مسوين من راس المميه مصاصه فولدي تعود ويبي مصاصة تخيلي متوهقه معاه انا الحين مايعرف يمسك الا راس المميه و لا مصاصه عرف يمسك 

اهيا تساعد علي ان سرت الياهل ما تطلع لي برا من كثر البجي

كريستال انا مابي اعطي البيبي مصاصه لهالاسباب بالظيط ،الي قالتلي ان المصااصه لازم دايما تشتكي ان عيالها طول الوقت صياح وصراخ بس شكلي باخذلي وحده صغيره علي كلام البنات حق المستشفي ماعرف طبع البيبي بعد ومابي في المستشفي يحطونلي اي شي بحلجه واتوهق عقب

مشكورين بنات عالردود ماقصرتو ووايد استفدت منكم

ومشكورين عالدعاوي الحلوه الله يسمع منكم انشالله

انطحج لااااا والف لااااا

بنتي يالله قطعت عنها اللهايه واهي عمرها سنتين

يننتني لوعت جبدي كل ماطاحت اللهايه عالارض قامت خذتها ..

يعتمد عالياهل

أنا مثلج ماحب فكرة المصاصة وما كنت ناوية أشتري وحدة

بس خذيت وحدة احتياط

ما استخدمها وكنت أرضع ولدي طبيعي

ولما يبجي أعطيه رضعته يرد ينام أو يسكت

واستخدمهت جم مرة بس ما كان يعرف يمصها

وظليت أشهر كل ما بجى أجرب المصاصة معاه وما يعرف يمصها

وما تعلم عليها ولا خذاها

أنصحج تشترين مصاصة وتخلينها حق الحالات الحرجة وإن شاء الله ما تحتاجينها