"بنات ادخــــــــــلوا ضـــــــــــروري"

هاي صبايا كيفكم ان شاء الله بخير,,

صبايا,, انا تقدمولي ناس وخطبوني والمشكله ان شعري قصير مره وعملت تسريحه غطت قصر شعري
وزواجي قريب يعني باقي شهر بنات بلييييييييييييييييز ابي حل لشعري مع انو مايطول بسرعه اواذافيه توصيلات شعرطبيعي بالكلبسات ياليت تدلوني عليه؟,, واكون شاكره لكم
وربي يوفقكم ان شاء الله ماتتجاهلوني

فمان الرحمن"""

يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤيؤؤؤؤؤؤؤؤؤؤؤؤؤؤؤؤؤؤؤؤ

بعد شهر عرسج اشلون وكيف الله يعينج

حنا نقعد فوق سنه سنتين ثلاث اسنين بلكثير هههههههههههههههه

شوفي حبيبتي ادهني شعرج كل يوم مويوم وترك كل يوم

وانشالله يطول شعرج

بس ماانصحج بتوصيل لأن الله يلعن الوصل والمصتوصل

بس مادام ان عرسج قرب جعل ربي يغفرلج اذا ركبتي

انا سمعت بهربل مساج اللي برقعي يوصلون الشعر
وفي صالون بعد بس ماادري شسمه اخت رفيجتي اموصله شعرها وطاااااااالع روعه
بس العيب اللي فيه انه حررررررااااام يمكن اربع شعرات توصيل 70 دينار غالي حيييييل صح

صالون شرمل اللي بلفرونيه اللي برلعربيد بلازا توني داقه علي رفيجتي وقالتلي
هههههههههههههههههههههههههه امبيه فشلا كانت نايمه وتقولي حدج فاضيه هههههههههههههههه

هلابك حبيبتي يسلمو يالغلا على ردك مع ان اللي دخلوا 5 بس يلا مومشكله المهم انوانا من السعوديه مومن الكويت
وانا والله ماكنت افكر بالزواج عشان كذا قصيته وبعدها ربي كتبلي الزواج بس المشكله ابي اطوله موقادره لانو تقريبا قصه البوي" والسعوديه قليل تلاقين توصيل شعر لانوحرام ومافيه وقت اروح للبحرين اودبي..!!
اللع يعين بس والله محتااااااااااااااره؟
وربي يوفقك على مرورك نورتيني يالغاليه

انتي الحين بلكويت ولا بسعوديه ولازوجج سعودي ولاكويتي؟

مافهمت

مرحبا اولا لعن الله الواصل والموصول حرام روحي سوي تسريه بعرسج فيها تركيبات شعر لمده يوم واحد بس وانتي قبل عرسج ادهني شعرج كل يوم والله يوفقج حبيبتي لا تخافين ولا شي بعدين خليها مفاجاه عروس وشعرخا قصير شالمشكله يعني

حبيبتي اول شي التوصيل حراااااااااااااااااااااااااااااااااااااااااااااااا ااااااااااااااام واللهم اني بلغة اللهم فشهد
وبعدين تقدرين تحجزين عند صالونه شاطره بانها تحط لج خشوات على الاقل 3 او5 وتقطي فيهم الشعر او بس تهتم بالرفعه اللي جدام واللي ورا ترفعه بالسبريه وتحط الطرحه علشان تغطي الشعر وما يبان انه قصير انا مسويه جذي حق اختي كان شعرها ليمن اذنها تخيلي قامة تبجي يوم اخطبوها مع العلم انه كان طويل ليمن ركبها ونفس اليوم اللي قصته العصر المغرب دقوا علشان يا خذون موعد والله يوفجج ويرزقج الزوج الصالح

يارا حبيبتي لا انا سعوديه وزوجي سعودي يسلمو يالغلا ع المرور

انا شكلي بغرقه دهن لين يطول شوي ,,
تسلمون يالغاليات فيكم الخير يابنات الكويت وعشتو والله ويسلمو عالمرور

شوفي حبيبتى اذا تبين توصيلة انا اعرف بالكويت خوش مكان صالون اب هوليدي ان اسمة كامي البان يسون توصيلة بالكلبسات بس مثل ما قالو البنات التوصيل حرام ولعن الله الواصلة والموصولة اهم شي انى ادرى وانا بعد جم يوم بسوى توصيلة لانة عرسي قريب وانا مثل مشكلتج قاصة شعري بوي بس انا من 4 سنين وانا اقص بوي وعندى لج حل ثانى فى زيت اسمة بنت النور معروف اكيد عندكم بالسعودية يطول شعرج 5سم بسبوعين واذا ما لقيتية عندكم بسعودية هذا رقم السركة الى تبيعة بالكويت اسمها شركة لارسيا وهذا رقمهم 4312945او 805566وهذا مضمون ومجرب واذا تبين اى استفسار راسلينى على الخاص والله يوفقج ويوفق الجميع

هلا اختي miss يعطيكي الف عافيه على وقفتك بس انا مثلك لي كم سنه ماطولت شعري والزواج جاء فجأه
وانا عارفه انو التوصيل حرام بس انا شعري وايد قصير طيب الصالون يوصلون لسعوديه؟؟ واذا ماتعرفين ياليت تكلمينهم وترديلي
والزيت مره مضمون لانو شعري اي زيت يطيحه ؟؟!!!!!!

هلا حبيبتى لا والله الصالون ما يوصلون السعودية لاسف وانا فاهمة شعورج لانة انا الحين مارة بنفس الموقف فحاسة فيج تعودت شعري بوى والزواج يالي فجاة فقلت مالي الى التوصيلة ادرى ان حرام بس استغفر الله شسوى هذا الى اقدر اسوية والزيت والله مضمون الكل يمدح فية انتى سالي عنة بالسعودية عند الحواى عندكم اكيد موجود لانة معروف من زمان او وايد زين ويطول واذا حصلتلج فرصة وتقدرين تين الكويت تعالي وانا اضبطج ادليج على الصالون الى يسوى توصيلة لا وروح معاج بعد افا عليج بس انتو اهل السعودية نقوم فيكم قوم واذا ما قدرتى تيين مالج الى الزيت الى قتلج عنة طيحي فيية طيح والله يساعدج حبيبتى ونشالله وباذن الله يطول

حرام لا تفكري في التوصيل الله يوفقج

حياتي انتي ترى حراام التوصيييل وحديث الرسول >> "لعن الله الواصله والموصله " وترى محد يدخل الجنه الا برحمة الله وهالاعمال اللي انسويها كلها سبب لا اكثر ولا اقل .. ولا تنسيين من ترك شيء لله عوضه الله خيير منه ..

ويمكن لو درا ريلج بالواقع اتصير مشااكل ما تنتهي ورااح ينعدم الصدق بينكم الله لاااا يقووله ان شاء الله وخليج واضحه من البدايه مو حلو اللف والدورااان بس يمكن لو قلتيله ادري انه زينة المرا بشعرها وانت اتحب الشعر الطويل وانا عشانك نويت اطوله ولو مو التوصيل حراام جان حطييته لعيونك ومن هالكلاام رااح تكبريين بعيينه صدقيني ولا تنسين ترا اغلب الرياييل احبوون الطبيييعه ما يحبوون التصنع .. وعسى الله يوفقج ويسعدج ويهنييج ويباركلج ويجمع بينكم بخييير قولي آميين =)

أول شي "لعن الله الواصله والموصله "

شلون الله يوفقج اذا عصيتيه !!!

شوفي حبيبتي تقدريت تحطين الطرحه من جدام بحيث ما يبين الا القذله والبف والباجي يتغطى بالطرحه

وبشعرج القصير تقدر تتفخه بالحشوات وتخليه مثل شكل الكبه

بس نصيحة لا تبدين حياتج بمعصية عشان الله يوفقج

ومن ترك شيئاً لله عوضه الله خيراً منه

انا نصحتج وانتي على راحتج