السلام عليكم ورحمة الله وبركاته
بنات انا بقولكم مشكلتي واتمنى تساعدوني بالحل
لاني جد حدي متضايقه مو عارفه شسوي لاني مظلوومه
السالفه اني سكرتيره في احد المدارس ومعاي وحده زميلتي بنفس المدرسه وحاطه دوبها ودوبي
من سنه وهي على هالحاله وانا اسكت واطوف لها لانها راعية سحوره وبلاوي وحدها هيلقيه
واشتكيت عليها عند الوكيله بعد ما وصلت حدي منها وخلاص سوت حركه ماني قادره ابلعها كلشششششششش
وطبعا الوكيله تخاف منها لانها تدري بسولفها من جذي قالت انا بحولكم لتحقيق واهم يتصرفون بالموضوع
وبعدها بجم يوم راحت للوزارة وتبلت علي بكلام ماينقال انا تعبت وماني عارفه شسوي وربي ظلمتني عسى ماتعداها
حوبتي ولا ظلمها لي ….
انا وحده حدي مسالمه وعمري مارحت تحقيق ولا عرف شلون وضعه …
ادري طولت عليكم بالحجي بس بليز ابيكم تساعدوني شلون اتصرف ؟؟؟؟؟؟ وشنو الحل ؟؟
حبيبتي اذا انتي على حق ثقي بقدرت الله سبحانه و المظلوم الله بينصره عاجل او اجل و اتمنى انه يكون عاجل بنصرته لج الله ما يرضا بالظلم ولا بالغلط و اهيه طال الزمن ولا قصر مردها راح تندم و تحسر مليون حسره والله يهديها يارب ويبعدها عنج و عادي قوليلهم انج مو قايله هالكلام خو مو سجن لا تخافين من شي و انتي على حق خليج واثقه من نفسج لانهم اذا شافوج منكسره و ساكته ما تحجين و هم خايفه بيقولون انج انتي الغلطانه ادعي ربج ينصرج عليها و مرد الحق راح يبين بالاخر بس توكلي على الله و ثقي بالله طيعيني انا مريت بالمواقف و توكلت على الله قولي معاي سلمت لك امري يا الله وانا عند بابك يا كريم و انت ياربي رب المستضعفين بيدك الامر كله و الخير كله و انك على كل شي قدير اني توكلت عليك بامري ……….. و اني بين يديك و واثقة بك ياربي و طبعن قبل هذا الدعاء لازم الحمد و الشكر والثناء على نعم الله و طلب مغفرة الوالدين عشان الله يوفقج و التحدث باللغة العربية الفصحى بالدعاء و بعد هالكلام اللي قلتله لج تحمدين الله و تشكرينه و تصلين على نبيه و اتعوذين من ابليس و اتقولين آمين 3 مرات مو اتقولين انشالله لا آمين لانها اشمل من ان شاء الله بوايد و ياليتج اتقولين هالدعاء عند السجود بوقت استجابة مثل بين الاذان و الاقامة او عند الفير والله يوفقج و يسهل عليج امورج ادعيلي معاج بليز