|
|
تزوجت من 7 سنوات يابنات أنا بقول لكم قصتى وأبى رايكم أذا أنا غلطانة أولأ يمكن أنا موفاهمة الناس عدل بنات أنا تزوجت وكنت تونى متخرجة من الجامعة توظفت وتزوجت أخذت واحد غريب عن أهلى بس ناس أصايل ومعرفة قبيلتهم وأحنا بعد موهينين وايد معروفين ولنا ناسنا بس أنا قلت مابى من جماعتنا بطلع يمكن أتدلل شوى بس يابنات أخذت واحد حتى النومة مع بعض يقولهل لاهلة تخيلو جبت ولدى الاول عقب زواجى ب9 أشهر كانت مشاكلى عادية ماتوصل يرمى على اليمين
لكن يابنات عقب حملت بولدى الثانى أم زوجى أستخفت ليش عيالها ورا بعض شنو متى تربيهم المهم طنشت عقب ولادتى طلعت نفاسى رديت بيتى كان يصدمنى زوجى ترا أنا خذت بيت شريتة مع أهلى وبننزل عقب شهرين تبين تعالى ماتبين روحى بيتكم أنصدت طلع شايف البيت مع أهلة ومشترى ومنقى وخالص وأنا مدرى المهم عصبت رحت بيتنا ماكو فايدة ولا والمصيبة حاطة بأسمة هو وأنا مدرى طبعا أنا بس للفراش والعيال الظاهر مع أنى مدرسة وصغيرة بس المهم أضطريت أرجع عندى أولاد خذت قرض فرشت بيتى ونزلت طبعا لى دور غرفتين وصالة وحمامين ومطبخ محكر حمام وعدل وفرست ونزلت ونزلو وراى حمولتى من نزلو صار التشيش أشكرة تطفيش خدامات طبعا باقو خدامتى وخذوها لهم بعد ماخلوها تستخف على وحتى فلوس ماعطونى المهم هالخدامة كانت من نزلت توز خدامتى لين تنحاش وجبت غيرها ونفس الشى بعد ماكو حل قلت لة أنا دوام وعيال تبهدلت قول لامك تفكنى منها أو توديها تجيب غيرها أنا قلت هالحجى قلبت على الدنياماخلصت هى تبى تطردنا ماتبينا بكرا تقط أمك بالشارع طبعا هم مأجرين بيتهم وقاعدين عندزوجى هذى البداية وصارو يحاسبونى على الطلعة الدخلة أى أحد يجى لى منو وشحقة حملت ببنتى العجوز أنجنت هذى تجيب عيال تبى تقعد وهم يبون أنحاش حتى يقعد حماى مكانى وولدت ولا أحد عبرنى رغم أنا والله العظيم ماقلت لهم شى رغم مشاكلهم وبلاويهم بس صبرت وطنشت وصلو للسح والشرف وأنا ساكتة وقعدت بنفاسى ببيتى ولاعبرونى الكل جانى الاهم معاى بالبيت ولامرو البنات مستخفين لانهم كبار حيل 40 و38 و29 ولا أحد خاطبهم شافونى أنهبلو رغم أنى مومتهنية والله عايشة بس ما أشتكى لهم ونا صابرة يتحكمون بعيالى بحياتى بكل شى وزوجى سلبى لانة لو تكلم معاهم طقوة وهو يخاف منهم تخيلو ولماتزوج حماى مارحت العرس لانى ما أكلمهم بس وديت عانية لحماى وتعذرت عقب هالموقف أستخفو زيادة ناس مو معبرينى ولايكلمونى من حملت ببنتى وهم قطعو علاقتهم معاى وبلغونى بهالشى عن طرق زوجى وسكت خفت لاسمح الله مايتوفق حماى يقولون أنا سحرتة بعد موناقصة طبعا 3سنين وأنا بشقة بروحى كنت أتهاوش مع زوجى بس ماتوصل للطلاق من نزلت معاهم ومن كثر التشيش لانه ماكو شخصية طلقنى مرتين وغير البلاوى والكلام الوصخ والشرف عندهم هم بس وهم أزبل ناس بس الحظ مقصر بنات أنا من فترة جبت فنى كمبيوتر يصلح جهازى دقو على زوجى قالو لة جايبة رفيجها لهالدرجة وصلت معاهم قلت لة خلص أنا أبى أتطلق مالى عيشة معاك قال خلص نطلع بأيجار ونخلى بيتنا طبعا رفضت لانة قال أنا أشيل الايجار وكل شى هذا رغم أنى شايلة عيالى الثلاثة من كل شى غير الخدامة والجيل بنات زوجى غدر فينى بسالفة البيت وأنا حاسة أنى مابطول معاة شسوى دبرونى والله مخى وقف من المشاكل والبلاوى والهم غير دوام المدرسة والتدريس شنو بصير لحقونى بحل صبرت والله مل صبرى ليمتى وأأتحمل عقد العوانس وأمهم المستخفة والزوج المطقاقة السلبى الحل شنووووو
وييسر امرج ويزيل كربج
جتهم جنه جديده خليها تقعد مكانج وبيلقون ضحيه جديده بدالج وبيتحسفون على ايامج
وطلعي بشقه فرقاهم ابرك عالاقل تبتعدين عنهم يمكن يلتفت زوجج لج وتحسين بالراحه والفرق واشوه البيت باسمه لو باسمهم جان طاردينج من زمان
الله يفرج همج مالج الا الدعاء وادعي عليهم الله يشغلهم بأنفسهم
عورتي قلبي ولا ادري شقول
وايد عورتي قلبيتحسبي الله وكيلج وهو نعم الوكيل وانشالله مايخيب ثناج وبتشوفين الخيرة قريب
هذة مشااكل الحمولة راح تعدىوانتى اصبرى لا تبينين نقااط ضعفج اصبرى واضحكى وعيشى حياااتج وانتى الى راح تكسبين ب االاخر وربج يفرجهااا ان شاء الله
تدرون إن بالاسلام اذا الزوج ما يصرف على زوجته ماله عندها شي ، يعني مو من حقه يطلبي منها أي شي و لا يتحكم فيها
انا اقول لا تأجرين و لاشي
روحي بيت أهلج
و اهوا راح يذل و راح ايي لما عندج وقتها حطي شروطج
فهميه انج تزوجتيه اهوا مو تزوجتي اهله
و انه ملزوم يوفر لج سكن
و هدديه ترا الرياييل الحين ما يبون السنع هدديه ترفعين عليه قضية نفقة و خلع
و الله بيرجع لج مثل ال..,
ترا و الله العيشة بدون مطلقة وااايد احسن من العيشة مع زوج خيخة مافيه رجولة و لا نخوة
شفايدته اذا ما يدافع عنج و لا يصرف و لا يهتم فيج
أهم شي راحة البال سواء مع زوج أو بدون
ربي يسخر لج حبيبتي