بـاجر أول يـوم لـي بـ 12 علمـي وخاايفهـ ومو قادره انام ساعدوني يـ المتخرجات

صباااح الخير يالغلا ….
[size="4"]انتي روووحي نااامي الحين ولا تفكرين الدنيا سهلات
صدقيني اخذي الامور ببساطة وانشاء الله تشوفين اسمج بالجرايد مع الاوائل
بالعلمي كل شي سهل بس ركزي من الاول مع المدرسة [/size]

حبيبتي بس ابي احد يقولي بالتفصيل انا ماراح انام

انا 12 ادبي
واختي 12 علمي تقول اسهل من 11 علمي
بس انتي ركزي وكل يوم لما تردين من المدرسة بطلي الكتاب ودرسي اللي خذيتيه اليوم وصكي الكتاب وطلعي ورقة فاضية
وكتبي فيها كل اللي فهمتيه او بمعنى اصح شرحي لنفسج مرة ثانية وحلي الاسئلة اللي تكون بنهاية الكتاب وكل درس لزقي عليه ورقة
تكونين ملخصة النقاط الرئيسية والتعاريف والاسئلة ولزقيها على الدرس
واهم شي اهم شي صلاتج وقرآنج ودعواتج
الحين قومي صلي الفجر وسنة الفجر واقري لج قرآن ينفعونج ويخلونج مرتاحة
وكتبي على منظرتج انا استاهل امتياز وماكو شي صعب علي وكل شي سخيف وتافه ومليق بس يبيله تركيز مني وراح اجيب الدرجة اللي ابيها
والله يوفقج ويوفقني ادعووولي هم انا رايحة 12 ادبي

حياااتي انتي تراااا مااا فيه شي صعب بالهدنيااا يا الغااليه مع الدراااسه كل شي سهل صدقيني
وانتي نااامي وارتااحي ولاا تخااافين
وترى الامتحااان كله ورقه ماااا تخوووف فيهااا اسئله والاجوووبه عندج بكتااابج
والله يووفقج يا الغلااا وشدي حييلج

انا توني متخرجه من 12 علمي و حمدلله الحين انقبلت بالهندسه و بعد اسبوع دواماتنا

و ما عليج حبيبتي ترا و الله سهالات
حده 12 سهله و تافه للي يدرس اما اللي ما يدرس فـ لا حول و لا قوة الا بالله

صدقيني ترا حده تافه
شوفي انا كنت الماده اللي شايله همها هي الفيزيا
لان الفيزيا شوي غثيثه مو حيل … و اصلا احنا ابلتنا كانت ما تفهم عشان جذي
اما الاحياء حده تافه و سهل … احلى مادة هو و الكيمياء
الكيمياء تافه بس افهمي كل شي بوقته … يعني اذا حصه طافت و ما فهمتيها لا تنطشين .. لازم تفهمين بالحصه

و الرياضيات عاد حلو و يونس

و المواد الباقي عربي و انجلش و اسلاميه
كله سهالات

بس انا اقولج حطي حيلج بالعربي لان العربي هو اللي عليه اكبر معدل درجات بنظامنا الموحد
و موفقه حبيبتي
و ان شاء الله نشوف اسمج مع المتفوقات

و اي سؤال حبيبتي لا تترددين

اسمعيني حبوبه انا تخرجت نسبتي 92 الحمدلله ما كنت اسوي اي شي مو طبيعي تركزين مع الابله بالحصه عدل مدل تدرسين اول باول هذي حطي تحتها الف خط اوكي تحرصين ان دفاترج تكون كامله على طول و تحاولين تودينها للابله بدون ما تطلبهم عشان تبينين لها انج مهتمه بالماده تسمعين اول باول الدين و العربي و ترتبين وقتج خلي وقت للدراسه ووقت للاهل ووقت للعب ولااااااااا تغيبين الا للضروره القصوى و ضبطي علاقاتج مع ابلاتج ترى الابله اذا حبتج خلااااااااص
اهم شي لا تضغطين على نفسج على بو 12 ترا عاااااااادي اخذي السالفه ببساطه الله يوفقج يارب

حبيبتي لا تحاتين والله إذا حاتيتي ماراح تقدرين تدرسين لا اتحطين ببالج أنها 12 وآخر سنة وصعبة بالعكس
أنا كنت علمي بس النظام القديم واذكر 12 كانت وااااااااايد وااااااااااااااااااايد أسهل من11 بس أهم شي ماتخلين مثال ولا تمرين بالكتاب إلا حالته عشان إذا مافهمتي شي تسألين الأبلة قبل لا تتوهقين بالامتحان
وأهم شي أدعي ولا اتغيبين وإذا حسيتي أبلة ماتفهم وإلا ماتعرف تشرح نصيحة
حطيلج مدرس خصوصي بس شوفي مدرس مظبوط من أول الكورس كل أسبوع تأخذين
حصة بس أنا اللي وهقني كنت مثلج أحاتي وأفكر والله من كثر التوتر صار فيني حرارة بدون مبالغة والله شهر كامل بس طايحه بفراشي وابجي وضيعت نفسي لأن احنا كانوا يعطونا قبل امتحانات الفاينل شهر كامل عطلة عشان ندرس بس الحمدلله تخرجت
وكتبي بأوراق وعلقيهم بدارج أنـــــــــــا أقـدر وورقة ثانية من جد وجد وورقة ثانيه كتبي فيها اسم الكلية اللي بخاطرج اتدشنها وكتبي إن شاءالله راح ادشها عشان كل ماترفعين راسج وتقرين تتحمسين

بالعكس ترى وااايد اسهل من 11 علمي

الكيميا والفيزيا وااايد اخف من السنة اللي طافت والأحياء ليلحين ما صار علينا

وايد خريجات قالوا انه 12 اسهل من 11
وحتى الأبلات الكل يقول انه هالسنة اخف

لا تحاتين وحلي وراجعي ودرسي كلل شي اول بأول

وبالتوفيق

عسى الله يوفقج يارب