اووف البنات هم ما تترس عينهم الا التراب

البنات فعلا بالديرة صايرين مثل المثل الي يقول

ما يعجبهم العجب ولا الصيام برجب

اذا تقدملها طيار قالت حريم ومضيفات

اذا تقدملها لاعب كورة او ممثل قالت معجبات وبنات

اذا تقدملها دكتور قالت عنده خفارات ويشكف على حريم

اذا تقدملها ضابط مابي عسكري يقلولون مو زينين

تقدملها مطافي قالت اخاف يدش حريجه يموت وأترمل

اذا تقدملها طالب يدرس قالت وييه من وين يصرف علي

اذا تقدملها موظف بنك قالت دوامه حريم وطويل

اذا تقدملها غني قالت فلوسه يمكن حرام

اذا تقدلها فقير قالت ماعنده يوكلني ويصرف علي

اذا تقدملها جيكر قالت مابي أصلع وجيكر

اذا تقدملها حلو قالت مابي واحد أحلى مني

اذا تقدملها واحد كبير بالعمر تقول مو حلو يقولون عني جنه ابوي

اذا تقدملها واحد أصغر منها قالت مو حلو يقولون عني جني أمه

اذا تقدملها واحد من نفس عمرها قالت مو حلو واحد من نفس عمري

اذا تقدملها واحد طيب قالت عنه وييه ماعنده شخصية وامه تمشيه

هذا طويل هذا ضعيف هذا أصلع هذا خشمه كبير هذا دمه ثقيل

هذا ما يحط جيل بشعره هذا مو ستايل هذا سيارته ترك وانيت

هذا فيه وامه فيه واهله وطوايفه فيه
انا مابي واحد يكون البجر او الجعده او يكون رقم 2 بين اخوانه

انا مابي واحد عنده خوات انا مابي واحد يطلع الحداق

انا مابي واحد ………………………(انتو عبو الفراغ)

هاااااا شنو هالمنطق

تدرون متى البنت ترضى

اذا تقدملها واحد مصرقع خالص مينون ما يناسبها ولا يناسب أهلها يمشي ويكفخها ينومها بطراق ويقعدها بشوته من فراش
ويكلم عليها الف بنت وفيها خير خل ترفع صوتها عليه

اهني تقول الحمدلله يا رب هذا نصيبي!!

بالله عليكم هذا العقل ؟؟
هذا النصيب؟؟
لا يبااااااا مو نصيب الا قلة عقل وتفكير

ويقولون الريال ما تترس عينه الا التراب

عدال احنا الحريم مقصرين