اوركيد ممكن طلب

السلام
اتمنى طلبي يكون خفيف واتمنى مساعدتي لاني مااعرف كوعي من بوعي
اللاصفي مجنني مااعرف خطوات
*المطبخ-ولا المرسم -ولا القصه -ولا التجربه العلميه -ولا المشروع الفني
اذا ممكن تكتبين كل لا صفي وخطواته بالتسلسل وبنقاط واضحه
علشان يكون لنا مرجع
واسفين على الازعاج

اه
اه

انا اليوم سويت نادي علمي تجربه علميه انتقال الصوت

اول شى يكون منبه بسيط وكان تلفون بيت حطيته داخل صندوق وبعدين شغلت صوت رنة التلفون واستخدمت تلفوني النقال بدون مايدرون وخليت يبحثون عن مصدر الصوت لما احضرو لي الصندوق وبعدين تكلمنا عن فوائد التلفون ومنو يستخدمه وبعدها قلت مارايكم ان نقوم بعمل تجربه مشابهه لتلفون
واحضرت قلاصات ورقيه وخيوط صوف وسويت قدامهم الطريقه وبعدين كل طفلين قاموا بعمل التجربه بمساعدتي

اما المرسم يكون في الاول قصه خياليه عن موضوعج
وبعدين تقسمينهم مجموعات تلون ويكون عندها خامات فنيه تزين فيها
ومجموعه تكون عندج تسون المشروع الفني وطبعا انتي تكونين مسويه مجسم لنفس المشروع اللي بتسوينه

والمطبخ سهل يكون منبه بسيط وبعدين تتكلمين شوي عن العمل اللي بتسوينه معاهم واهم تعلمينهم سلوكيات النظافه وغسل الايدي و عدم استخدام الادوات الحاده وغيرها من سلوكيات المطبخ

مشكوره اختي
بس ياليت تضعين نقاط متسلسله لكل لاصفي نمشي عليه بدقه
تكفون بنات

هلا أختي..

بالنسبة للاصفي ..الاتفاق بالمجمل ولكن الخطوات تختلف من توجيه للآخر..

المطبخ ..منبه بسيط..بعدها يتوزعون على الطاولات وكلواحد أمامه أدواته ..ولازم تسوين نموذج أمام الاطفال للعمل المطلوب..

يتخلل الفترة التأكيد على السلوكيات الواجب اتباعها..

القصة..

منبه بسيط..

سرد القصة مع مناظرها ..وبمصاحبة الموسيقى الهادئة والمؤثرات الصوتية..

مناقشة الأطفال بالقصة..

من هي الشخصية المحببه لكم في القصة؟؟

عنوان القصة؟؟

بعدها المنظر المفقود..واعادة ترتيب المناظر ..

طفل يسرد القصة أمام الأطفال ..

العلمية..

نفس خطوات معلمة روضة..

الفنية..

منبه بسيط..

قصة خيالية تحتوي على الاشكال والالوان والاحجام..

توزيع الاطفال على المجاميع وتأكيد السلوكيات في الفنية..

وان شاالله تكون واضحة الخطوات..

شكرا
للفزعه