|
ما ادري اشلون ابدي
ودي ابجي بس مو قادره
احس بشي طابق في صدري
كنت اراجع بمستشفى السيف والامور حيل طبيعيه وزينه كل شي تمام انا والبنت
اخر يوم راجعت الدكتوره قالت دخول اليوم للولاده واستودعت نفسي رب العالمين
ودخلت وعطوني ابره الظهر وكل شي تمام.
فجاه صحيت لقيت نفسي اصارخ وكمام وحلجي دم واسمع صوت الدكتوره تقول لي وقعي
عمليه ما قدرنا نولدج (للعلم اعيالي 3طبيعي) انا وقعت وانا مو داريه ولا حاسه بشي اضواء ودوران
غريب.
بعدها صحيت وانا في العنايه وكلي وايرات واجهزه وامي وخواتي يبجون والدكتور قال لي اني تعرضت لنزيف حاد
وحطولي 7 اكياس دم والحين لازم ندخلج عمليه ثانيه علشان مجري البول مسدود وانتو بكرامه
طبعا علي طول دخلت عمليه ولما صحيت قال لي الدكتور ان الحالبين خيطوهم بالغلط لما كانو يخيطون
الرحم وانه من كثر النزيف ما شافو عدل وخيطوهم��
المهم قال لازم تروحين الفروانيه الحين طبعا الحجي هذا الصبح وعلي اساس يطلعوني طبعا قالو ما تطلعين
لما تدفعين 4 الالاف دينار ثمن العنايه والعمليه وعلي ما دبر زوجي واهلي المبلغ طلعت بالليل الساعه 8 ولما وصلت
الفروانيه السستر ما رضت تطلع الا لما تاخذ الشرشف!!!!!!!
وانا فيني 4وايرات وابره الدرب في رقبتي
والقصه طالت في الفروانيه من ثاني يوم سولي عمليه فتحه في الكلى اليمين ويطلع منها قسطره للبول
لان الحالب مسدود اما اليسار فالحمدلله دخلت الدعامه طبعا لما تناقشت وضعي مع الدكتاتره قالو لي ماراح نسوي
اي شي الا بعد 3 شهور من العمليه
والله يا بنات خياط العمليه كلش مو شي خيوط العمليه الداخليه طلعت برا وقالو لي ما نقدر نشيلهم خليهم
وانا الحين تحت رحمه الله قعدت شهر في المستشفى واعيالي ما ادري عنهم ولا اقدر اعتني فيهم وغير الياهل الصغيرونه
ما رضعتها من كثر الادويه اللي اخذتها
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حياتي تدمرت ووضعي الصحي تدهور
اعولي يا خواتي
ولا تيأسين الدعاء يرد القضاء ادعي وخلي امج تدعيلج
وانا من رايي تاخذون تقرير عن حالتج من الفروانيه وترفعون قضيه مو بكيفهم يخيطون الحالبين ومنها يتبنون حالتج ويعالجونج على حسابهم اذا لاقدر الله استصعب علا الفروانيه العلاج
وعندي سؤال:
الفتحه اللي عند الكليه دائمه ولا مؤقته
والدكتاره هناك شنو قالوا هل بالامكان ارجاع الحالبين لوضعهم الطبيعي ولا لا؟!
كل مستشفى وفيها اعيوبها… انا اعرف ناس ابكل مستشفى صار فيهم شي.. من ذي يقولون مو اي دكتوره
اتولدج… انا حتن دكتوره مشهوره عندها عياده لعبت فيني ورويال حياة وروني الموت..
اجر وعافيه والله يشفيج انشاءالله
كثرييي من الدعاء والصدقه والله يشافيج
ولازم تشتكين على هالمستشفى..
طمنينا على حالتج حبيبتي وماتشوفين شر ان شاء الله
الله يعينك ويكون بعونك – ربنا معك ان شاء الله
لا حول ولا قوة الا بالله – ( قل لن يصيبنا الا ما كتب الله لنا )
الله يشافيج يارب ويدفع عنج كلا بلا حبيبتي
مستشفي السيف فااااااشل اختي والده عندهم طلعت وهي تتحسب عليهم
يموتون علي الفلوس
حسبي الله ونعم الوكيل فيهم
لاتسكتين عن حقج – اخذي تقرير وارفعي عليهم قضيه
واسأل الله العظيم رب العرش العظيم ان يشفيج
–
انا والده فيه شهر ٨ اللي طاف بس دكتوري كان من برا لان دكاترتهم كلهم خرطي و الكل يذمهم
و ترا كل مستشفى له اخطاء هذي اخطاء طبيه تصير بكل المستشفيات مثل سالفه السلام و سالفه دار الشفا
بس لا تستكتين ارفعي عليهم قضيه مثل ما بهذلوج و يعطونج تعوض مادي مع انه مامنه فايده بالنسبه للي صاارلج
الله يقومج بالسلااامه ياااااااارب
حرام عليييهم
حسبي الله و نعم الوكيل
والله الفتحه ما تتسكر الا لما اسوي عمليه
والحين يحاولون يدخلون عن طريق الفتحه
دعامه اذا فشلت راح يفتحون القيصريه ويقصون
المكان المسدود في الحالب ويوصلونه مع بعض
العمليه صعبه وفيها احتمالات.
وتصورو في الكويت كلها ماكو الا دكتور مصري
يسوي عمليه الدعامه موجود بالفروانيه
ومسويه اوراقي للعلاج برا والله كريم
بس انهم يخيطون الحالبين؟؟؟؟ اثنين مو واحد
ولما دكتور يقول لي انتي كنتي ميته بس سبحان
اللي احياج احمدي ربج.
الحمدلله اللي احياني بس مو جذي بهالاسلوب
الحين اخاف اني انام صار عندي حاله نفسيه