|
السلام عليكم ورحمة الله وبركاته :
بنتي سوت عملية ثقبين بالقلب بتاريخ 27/2
بواسطة الدكتور أحمد صلاح الدين ماليزي بمستشفى الصدري وبعد العمليه بدأت تنتفخ لدخول الهوا بجسمها وبعد ذلك أصيبت
بالبكتيريا واطلعت نتيجتها ولله الحمد سلبيه وبعدين بدأت تتحسن ببطء ولمدة 22يوم بالعنايه المركزه أشوفها لمدة 10دقائق
وألتقي بالأطباء والممرضات فجزاهم الله خيرا على لطفهم وسعة صدرهم…..
مره طليت على الممرضه وهي ماتدري وإلا قاعده تسولف معها …
فقلت لها لاتصير بنتي هنديه …..
بصراحه أطلع وآنا مطمئنه على بنتي ومرتاحه نفسيتي ……
ويوم الخميس الماضي طلعوها للجناح ورخصونا يوم الأحد ….قامت ترضع عدل بدون شرقه……..
تنام ولله الحمد بدون شخير……
والدكتور محرص أرضعها طبيعي ولكن صدري قل جدا جدا وماتشبع …..
وحليبها نوفلاك إيه سي…..ذبحتها الغازات ….
ودي أغيره وماني عارفه أي حليب أحسن لها …
والله يفرح قلبج فيها
الله يحفظها لج
وحمدلله على سلامتها وسلامة قلبج وقلبها
الحمدلله على سلامتها والله يخليها لك ويارب تشوفينها عروس
بالنسبه للحليب استشيري طبيب اطفال احسن لك
ألف الحمدلله على سلامتها ويارب يبلغج فيها اللهم آمين
عسى ربي يشافي مرضاكم …..
الدكتور عطاني حليب (( إس 26)) …..
يزاكم الله خير خواتي …. وياحلو الأخوه معاكم …. ناس ماشفناهم وقلوبهم معانا …..
عسى ربي يشافي مرضاكم ….. الدكتور عطاني حليب (( إس 26)) ….. |
بالنسبه للحليب انا انصحج بنان 1 والله والله وااايد زين
حتي يوم كنت بلندن والله خذو عينه من الحليب وقالو ممتاز ولا يسبب غازات
واصلا علي حسب معرفتي انه اس 26 اهو يسبب الغزااات
وانا يوم بلندن خذيت معاااي حليب نان 1
والحمدلله علي سلامة عواشه 0000
اختج ام عبد الهادي
يزاكم الله خير خواتي …. وياحلو الأخوه معاكم …. ناس ماشفناهم وقلوبهم معانا …..
عسى ربي يشافي مرضاكم ….. الدكتور عطاني حليب (( إس 26)) ….. |
وبعدين اخاف هالدكتور مو متتخصص حق الاطفال من ناحية الحليب 000 وعلشان ترتاحين سألي دكتور المستوصف اللي تابع لكم وقوليله عن نان1 واحد شوفي شنو راح يرد عليج اننا هادي ولدي الحين قمت اعطيه نان 3 والحمدلله عمره ما شكا من الغزات وعلي فكره انا عطيته نان1 وبعدين نان2 وكمل السنه عطيته نان3
والحمدلله على نعمة نجاح العمليه
ويكمل عليكم بفرحتكم فيها
اللهم اعنا على شكرك وذكرك وحسن عبادتك
ماشالله عليج دايما تفيديني …. ربي يحفظ لج هادي ويشفيه وباقي عيالج …..
شورج وربي يجعله صحه وهنا على معدة بنتي …..
بسئلج: تعرفين شي يدر حليب الصدر لأن بادي ينشف وضايق خلقي …..مابقي شاي الحلبه والينسون والكراويه وحبة الحلوه….وأكل الرهش والبقل..
وليلحين يدر اشويه ولا زاد …. أرضعها من صدري مره ومن الصناعي مره وليلحين اشويه مو مثل قبل العمليه….
والدكتور مصمم إني أرضعها طبيعي مع إنه قليل …..
الله يتمم لهاا وديري بالج عليهاا
وبالنسبه للحليب عندج برجرز ممتاااز ماافيه غازات ويغذي الطفل ويزيد وزنه
اسالي الطبيب عنه,,
وانشالله تشوفينها عروس الدار
حمدلله على سلامتها وربي يخليها لج
بالتوفيـــــج