انا و ام عبدالله السالمين خواتي لا تقصرون معانا :(

السلام عليكم

خواتي انا يوم الاربعا ارتفعت درجة حرارتي حيل و ما قدرت اداوم و بدت معاي كحه و نشله
فما داومت
و اصلا اعاني من الم بالعزيزو من شهر ما اقدر اجندس و لا امشي !
فرحت المستوضف
قال لي ادول حدج و العوار مال الظهر عادي !
و كل ما حت حق عوار ظهري قالو عااادي !!

بالليل نايمه قعدني ريلي قالي قاعده تبجين و انتي نايمه تقولين يما ظهري يعورني !!

الصبح قعدت اجهز هدوم ريلي و ريوقه حسيت جنه الدوره نزلت علي !!
ركضت الحمام ولا دم عزكم الله !!

واااااااي شصار فيني دم دم مو شويه
دم وايد فقمت اصرخ من قمة راسي انادي ريلي خليته يشوف الوضع كله !!

طرنا على مستشفى خاص
جان تقولي الطبيبه هذا اجهاض و انا ما اقدر استقبلج روحي الحكومه !
بس اللهم بجيت ترجيتها تسوي لي سونار اشوف البيبي

و الحمدالله شفته يتحرك و سمعت قلبه ارتحت بس هم بين بالسونار المكان الي ينزف
سوت لي تقرير ( المشميه ناازله حدها و تنزف )

طرت على الصباح قالي دخووووول على طول هذا اجهاض !!
و صار من ذاك اليوم نايمه بالمستشفى وقف النزيف بس مشيمتي ما تصعد
و حرارتي ما تنزل
و بدت فيني التهابات قويييييه و فرازات غريبه
فسو لي مزرعة بول و انتو بكرامه و مسحه من تحت و لين تطلع النتيجه ماراح اطلع

و كل 6 ساعات يعطوني ابره مضاد حيوي تذبح من العوار
غير التحاميل و المثبتات

طبعا طلع عوار الهر انذار بالاجهاض و الاطبا تاخروا بعلاجي لين نزلت مشيمتي حسبي الله عليهم
و زارتني حبيبة الكل فديتها و اهي اصلا تعبانه و عندها موعد عند الطبيب و ماخذين منها دم
ياتني و متعنيه بهديه حلوه مثلها صج ارتحت من شفتها و كل يوم نتكلم ماشالله الله لا يحرمني منها

ام عبود فديت قلبها اول امس اقولها عن حالتي و لا اهي بعد قلبي نص مي البيبي نزل
و فيها عوار و قايل لها الطبيب ترجع البيت متى ما نزل ماي او تقاربت الطلقات تركض المستشفى

حبيييييييبتي ضيقتي خلقي والله
ماتشوفين شر – انا اشوفج مختفيه وماتدشين وايد قمت احاتيج – انشالله ماكو الا الخير وريحي عمرج كثر ماتقدرين عادي ترى انا قبل 3 اسابيع طحت ونزل دم والدكتوره قالتلي راح تجهضين – بس حمدالله مع الابره والحبوب عدت على خير – وانشالله يارب تقومين بالسلامه والبيبي سليم – بس ديري بالج لايعطونج مضاد حيوي قوي

عسى الله يتمم عليج يالغاليه وماتشوفين شر وان شاء الله ماكو الا العافيه وعسى الله يثبت اللى البيبي يارب

مادري والله لولو
انا سألت الطبيب هذا ما يأثر على الجنين قال لا
و الله يستر
يارب يثبته و يحفظه لي

امبيه احس احبه وايد

يارب يا حبيبي
و ما ادري الجو مطر و لا لا بس بدعي والله يتقبل مني ان شالله على فراش المرض
يارب يرزقج بالذريه الصالحه الباره السليمه
مشكوره خيتي على الدعاء

حبيبتي الله يثبته لج ويتمم عليج

وتقر عينج بشوفته

لا تخلين سورة البقره

و الله يطول لي بعمرج بدوره

حبيبتي ماجورة ان شاء الله
وادعي ربج ترى الدعاء يرد القضاء
الله يثبتلج جنينج سليم معافى يارب ويقر عينج بشوفته انتي وام عبدالله سالمين وكل مسلمة يارب

بحق اللي ماتنام عينه يثبت حملج يااااااااااااااااااااااارب
والله عورتي قلبي مع اني ما اعرفج
انا غريبه ويقولون دعاء الغريب مستجاب
لج مني اختي بعد شوي بيطق مطر عندي راح ادعيلج ان شاء الله والله يتقبل

فَاِلَيْكَ يا رَبِّ نَصَبْتُ وَجْهي ، وَ اِلَيْكَ يا رَبِّ مَدَدْتُ يَدي ، فَبِعِزَّتِكَ اسْتَجِبْ لي دُعائي ، وَ بَلِّغْني مُنايَ ، وَ لا تَقْطَعْ مِنْ فَضْلِكَ رَجائي ، وَ اكْفِني شَرَّ الْجِنِّ وَ الإنْسِ مِنْ اَعْدائي .

يا سَريعَ الرِّضا اِغْفِرْ لِمَنْ لا يَمْلِكُ إلاّ الدُّعاءَ ، فَاِنَّكَ فَعّالٌ لِما تَشاءُ ، يا مَنِ اسْمُهُ دَواءٌ وَ ذِكْرُهُ شِفاءٌ وَ طاعَتُهُ غِنىً ، اِرْحَمْ مَنْ رَأْسُ مالِهِ الرَّجاءُ ، وَ سِلاحُهُ الْبُكاءُ ، يا سابِـغَ النِّعَمِ ، يا دافِعَ النِّقَمِ ، يا نُورَ الْمُسْتَوْحِشينَ فِي الظُّلَمِ ، يا عالِماً لا يُعَلَّمُ ، صَلِّ عَلى مُحَمَّد وَ آلِ مُحَمَّد ، و َافْعَلْ بي ما أنْتَ اَهْلُهُ ، وَ صَلَّى اللهُ عَلى رَسُولِهِ وَ الأَئِمَّةِ الْمَيامينَ مِنْ آلِهِ ، وَ سَلَّمَ تَسْليماً كَثيراً

واي شفيكم اسم الله عليكم

ماتشوفين شر حبيبتي .. والله يقومج بالسلامة انشالله

يااااارب يطول لي بعمرج و يعطيج الي تبينه
اللهم امين
مشكوره على ياقلبي على الدعاء

ماتشوفين شر… ارتاحي وديري بالج على روحج…

الله يثبت حملج ان شاءالله ويتمم عليج على خير..

والله دمعت عيني
يارب يارب يارب يرزقج من هالدعاء و اكثر ياااارب

ما تشوفين شر

يا بعد قلبي
الشر ما اييج فديتج والله