انا وزوجي نوينا على " الحمل " فيدوني

السموحه عالقطاعه الطويله بس ظروف الدراسه جبرتني

ادخل لكم بالموضوع على طول

انا تزوجت شهر 5 .. ومن اسبوع من دخل علي زوجي ابتديت اخذ حبوب منع حمل اسمها diane35

احنا ايام الخطبه اتفقنا ان ما نبي ظنا اثناء فترة دراستي لان الوضع بيكون صعب
وقلنا نمنع الحمل لي حد هذا الشهر
على اساس ان انا باقيلي كورس وميداني واتخرج انشالله وبهالفترة بيكون الظنا انشالله موجود على اخر فترة دراستي او بعدها اذا الله كتب

وانا من الاساس كنت مضطره اتعالج بحبوب للهرمونات لان عندي مشاكل بالدورة .. قالولي ان الدورة بعد الزواج تتعدل بس ما صار شي

كنت اعاني وقت الدورة بطني ينتفخ حيل وما تنزل علي وايد حدها يومين او ثلاثه وتقطر ما تنزل عدل
ودايما بطني كبير ..

لما راجعت دكتورتي وسويت سونار بعد الزواج عرفت منها ان رحمي كبير وان المبيض اليسار فيه تكيس بويضات ( يعني البويضات ما تروح اثناء الدورة وتظل موجوده وتتزايد شهر بعد شهر داخل المبيض مما يسبب انتفاخ المبيض ويمكن انفجاره ) وعندي بالمبيض اليسار دم الدورة ينزل داخله ما يطلع برا وهم هذا الشي خطر
عطتني حبوب تنظم الدورة واللي قلتلكم اسمها .. وتنظمت دورتي وااايد وحتى الام الدورة خفت وانتفاخ بطني راح .. لكن هالحبوب تمنع الحمل غير انها تعالج حالتي

والحين انا وزوجي نوينا اني اوقف هالحبوب على اساس ننطر الظنا باذنه سبحانه

لكن مادري خايفه لو تركتها ان الدورة ترجع تتخربط .. حزتها راح احتار .. لان انا بعد سامعه ان الحبوب مو زين اطول فيها فوق السنه

المهم

السالفه لو بختصرها بقول اني ابي احمل .. وراح اترك الحبوب

منو عندها فكره تفيدني لو تركت الحبوب شنو التغييرات اللي ممكن تصير او اذا وحده مجربه حبوب شنو صارلها بعد ما تركتها
واللي تدرس وعندها عيال شلون حالتها .. لاني اشوف الامهات بمكان دراستي يتعبون حيل بتقسيم وقتهم

وجزاكم الله خير
ناطرة ردودكم