انا والاعمال. المنزليه

السلام عليكم

انا لي سنتين. ونص. متزوجه. والحمدلله. اعرف اطبخ. مكرونا بانواعها وصواني. ومرقوق

كله. تعلمت من. نفسي و وكنت اشوف امي وانا صغيره. واسال. والحمد لله مع التجربه. صرت. اعرف. بس. وسط. مو لهناك.

بس المشكله اني بعض الاحيان. ما اطبخ. لزوجي. وانا عايشه مع. امه. وابوه. يعني هو ولد عمي.

بعض الاحيان. تطبخ. الخدامه. وكثير. يعصب علي. يقولي. ابيك انتي. تطبخين. واذا. شفت. الخدامه. تطبخ. راح. تصير مشكله. كبيره. يمكن توصل. للطلاق. الله. يستر.
وبعض الاحيان. تروح. علي. نومه. واتاخر. بالغدا.

وزوجي. يقولي. اذا شفتك. ماطبختي. راح. انفذ كلامي.

بس المشكله. اني اذا. طبخت. بعض الاحيان. يمدح. فيه. وايام. يذمه. انتي ماتعرفين. وانتي وانتي.

قولولي. ايش. اسوي. والله. كثير. خايفه. اخرب. زواجنا. بسبب مشكله. تافهه. وانا. بعض الاحيان. اكون غلطانه ما كذب. عليكم.
بس اللي. قاهرني. اني اذا سويت. حاجه. طباخ او غيره. يقولي. الحمدلله. صرتي. تعرفين.

ودايم. يقولي انتي اغسلي. ورتبي. كل. شي. يخصني. واذا شفت الخادمه تسوي. شي.بنفذ كلامي.

صراحه. ابي. نصيحتكم.

انا راح. ابدا. اهتم بكل شي يخصه. حتى الغسيل. ماراح. اخلي. الخدامه. تلمسه. وحتى. شقتنا. ماراح اخليها. تدخلها. وكل. شي. انا. بسوي. والخادمه. بس. لامه. وابوه. بس

هذا هو موقفي. والله. يتمم على خير. ويخليلي. بنوتي. الحلوه.

تكفون. ادعو الله يهدي قلب. زوجي. يارب. تسامحني. اذا. كنت مقصره. معه. وتسامحه.

والله قلبه طيب. بس الله. يهديني. وياه. للخير.

صراحه. ابي. نصيحتكم.

اسنتى. ردودكم. الحلوه.

هلا بالدوحه و اهلها الطيب
وااايد وايييد احبكم

يااااااااااا بختك زوجك يحبك

و تبين نصيحتي ……. انتي دلوعه و كسلانه
عندك هالزوج الطيب و تتشكين
عاد المسكين شنو اكله شخص واحد مو عزيمه رجال و بوفيهات
من بكره
عدلي جدول نومك و عن الكسل
بالمنتدي في قسم الطبخ يجنن
شاركي معاهم و استشيريهم
و جربي من هاالاكلات و صفات
ما تاخذ منك ساعه بالمطبخ
هههههههه

ابي تسويلي جريش قطــــــري

و جابلي بيتك و جوزج و بنتك
و تركي النوم ترا المخــــــده ما تنفعك باجر

والحـــــــــــــــــــــل

خلك عضوه في هالقسم
وكل يوم تفننني و تدلعي علي حبيبك زوج الغالي
وبسك نوم ههههههههه

وهذا حلك يا الشيخه

https://www.q8yat.com/f56.html

و عقب المطبخ تكشخي و رتبي نفسك
و رتبي شقتك و رتبي بنيتك
لزوجك
و شوفي شلون يحطج بعيونه

ربي يتمم عليكم و يفرحكم بعيالكم يا رب

.

الله يسخر لج زوجج ويهديه ان شالله
هو حاب ان انتي اللي تسوين له كل شي من ايدج يا قلبي
يمكن أسلوبه ناشف شوي بسالفة راح انفذ كلامي بس ما عليه
انتي حاليا لا تقصرين معاه واذا شفتيه طاخ كلميه فهميه بحب وبهداوة
ان لا تشد معاي واللي تبيه بيصير ومالي غيرك
ومو معقولة بموضوع بسيط مثل هذا تتخلى عني ومن هالكلام بس بمحبة حبي
والله يخليكم لبعض

عندنا المرا في المغرب اذا ما طبخت لزوجها وغسلت ملابسه ونضفت غرفته وكشخت له يضحكون عليها الحريم وما يحترمونها وكمان زوجها يعتبرها رجل و مايحبها ولا تحلى النومة معاها ولو تكون عندها 10 خدامات لااازم هي تطبخ وتشوف امور زوجها

بنت النوخذا الصورة عجيبه

اي معو حق انتي يلي لزم تتطبخيلو لأنو زوجك لو ما بحب طبخك ماطلب منك
نظمي وقتك راح يكون عندك وقت لكل شي
موفقة بحياتك

حلو انج تسوين كل شي بنفسج و انظف من الخدم بس زوجج الله يهداه طريقته مو حلوة وياج بالتهديد يعني هم انتي بشر و من حقج ترتاحين شوي
انتي طبخي و سوي حق زوجج احتياجاته بس التنظيف خليه على الخدامه اذا ما عندج وقت
موفقة يا رب

عزيزتي زوجك يحبك عشان كذا يبي كل شي يخصه من يديك حاولي شوي شوي تتعودين تزيني امورك بنفسك لا تتكسلين بعدين تندمي..الله يوفقكم ويخليكم لبعض..

الله يوفقك. ياحبيبتي. مشكوره. على النصيحه الحلوه. وراح اترك. المخده. واقابل. زوجي. مالي غيره.

والله. يوفقك. حبيبتي. ورح. اسوي جريش لعيونك. ههههه.

مشكوره.

مشكوره على نصيحتك. حبيبتي. امين. الله يقبل. منك. والله. يرزقك. الذريه. الصالحه.

الله. يوفقك. مشكوره. حبيبتي.

مشكورات. والله. يوفقكم. في حياتكم. راح. اعمل. بنصايحكم الحلوه.

والله يوفقنا مع ازواجنا.

شنو كل كلمه والثانيه انفذ كلامي صج مايستحي اشدعوه عليه توصل لطلاق شمسويه انتي مأكله حلاله!!!حتا لو نفرض مؤ من صجه بس جذي اتوقع عيب ولازم يوقف عند حده ويصير لج موقف ! عشان لا يتماده

بصراحة معاه حق
تعلمي هذا ريلج