|
|
مساء الخير
.gif "Eh S(17)")
الحمدلله رب العالمين ولدت يوم الاربعاء 12-5-2010 ويبت علاوي
قبل ما ابلش بقول لكم نبذه عني الحمدلله عندي ولد عمره 4 سنوات ويبت بعده بنوته ظلت شهرين بالمستشفى وتوفت وهذا ثالث حمل لي
طول فترة الحمل كل شي كان زين الحمدلله وكنت وايد اوسوس ان يطلع البيبي فيه شي مثل المره اللي طافت و سبحان الله من دشيت الثامن فجأة ماي البيبي قام يزيد مع ان كل شي ثاني طبيعي والسكر طبيعي وبطني كبرت لدرجة ان يشوفوني السسترات بالمستشفى علبالهم فيني توم
يوم الدكتورة شافت الماي زايد قالت لي لازم تسوين تخطيط والحمدلله التخطيط كان زين وبعد اسبوع بلش التخطيط يصير اسوأ وانا بس ناطره ادش التاسع علشان اذا ولدوني يكون البيبي بأمان
اخر شي اتفقنا اني ادش المستشفى يوم الثلاثا 11-5 و يوم الاربعا من الصبح ينزلوني الولاده ويحطون لي طلق صناعي ويولدوني انا كنت اراجع بالصباح من بداية الحمل
المهم دشيت يوم الثلاثا بالليل المستشفى والدنيا سعيده , يت السستر الساعه 10 بالليل ركبت التخطيط علشان يتطمنون على البيبي عقب ساعتين البيبي كل شوي يتحرك والتخطيط مو زين قالت الدكتورة لازم ننزلج جناح الولاده نسويلج تخطيط طويل قلت لها اوكي
واضحك اقول حق السستر الليل طويل اشورانا مادري شنو اللي يايني بالطريج
نزلوني جناح الولاده وركبوا التخطيط من الساعه 12 لمن 3 الفير والتخطيط كلللش مو زين قالت الدكتورة لازم نسوي لج سونار ويودوني مكان السونار وانا معصبه اقول لهم صعدوني الغرفه بنام وراي ولاده باجر .gif "Eh S(13)")
سوينا السونار والا البيبي مايتحرك ولا شايفين حركة الرئة حق التنفس على مارجعت غرفة الولاده والا دكتورة مصريه تقول حق دكتور معاها خلص الحاله اللي هناك لان دي كمان سيزيريان
انا عيوني طلعت لي بره لحظه لحظه منو شنو انا ؟؟
الدكتورة : ايوه حبيبتي البيبي تعبان ومش حيستحمل طلق صناعي لازم نولدك بسرعه
جوجي : للحين عيوني مبققه شنو منو قيصريه حق اشحقه
المهم وانا اكلم الدكتورة يت السستر وركبت البربيش تكرمون وانا اخزها اقول لها انا حسرانه خليني ادش الحمام وبعدين ركبيه وتقول لي الدكاتره يقولون ماكو وقت
انزين خل ادق على اهلي اخاف اموت على الاقل عندهم خبر واحترت ادق على منو الفير دقيت على ريلي وقلت له بيودوني قيصريه واهوه مسكين مصدوم جان يقول اوكي كاني يايلج
دزوا السرير وانا معصبه من البربيش وخايفه مادري ياربي شعور لايوصف وقعدت اقرا اية الكرسي لحد ماوصلنا غرف العمليات حسيت جنه احد طاقني طراق
قمت ازفهم بروح الحمام حسرانه ادور اي عذر
دخلوني غرفة العمليات قمت اهلوس مت من البجي خايفه ومرتبكه وبروحي محد معاي بالطبيب واحاتي ولدي والبيبي اذا مت شبصير فيهم وقعدت ابجي ابجي والدكتور مال التخدير يبي يخدر مو قادر امسكوني السسترات وبدقايق حسيت ان ريولي خدرت وسدحوني وبلشوا بالعمليه
وانا للحين ابجي المهم خلال دقايق طلعوا علاوي حبيبي وكان ازرررق وحاولوا فيه ينعشونه انا نسيت نفسي وقعدت اطالعه
ما استجاب لهم الا بعد 20 دقيقه وعلى طول ودوه العنايه المركزه وودوني الافاقه
نطرت الساعه تصير 7 ونص ودقيت على امي حبيبتي
امي : يه يه يه شنو هالنشاط قاعده من الصبح عاد توني موديه ولدج الحضانه
انا : يما ترى انا ولدت
لحظة صمت
انا : يما اشفيج انا ولدت سيزيريان
امي حبيبتي انصدمت ويت المستشفى ويها اصفر ومخترعه
وبس هذي ولادتي التحفه
الف الحمدلله والشكر صج الواحد مايدري شنو مكتوب له انت تريد وانا اريد والله يفعل مايريد
ولي الحين 16 يوم من ولدت ولدي للحين بالعنايه المركزة وبغيبوبه حبيبي
اللهم رب الناس اذهب البأس لا اله الا انت
اللهم شافي ابني علي شفاء لايغادر سقما
ادعوله بنات ان الله يشفيه ويقومه بالسلامه ولايضيع تعبي فيه
الف الحمد و الشكر لك على رب يتربى بعزج انشاء الله والله اقرى قصتج
واقول انتي محظوظه الي ماصار في البيبي شي ولحقاو عليه بسرعه
فعلا القصه فرييييده من نوعها الف الف الف الف الف مبروووووووووووككك
انا كنت استهين بالتخطيط وايد و كنت اكرهه مع انهم قعدوني نص ساعه بس زهقت حديييي
والله يقوم ولدج بسلامه يارب
الحمدلله على كل حال ولله يرزقنا الطفل السليم المتعافي ويرزق كل محرومه بالذريه الصالحه
والله يقوووم علاووي بالسلامه يااارب
انشالله يطلع بسلامة وتفرحين فيه
وتكومين بسلامة