|
|
السلام عليكم بنات شلونكم وشخباركم؟
انا اول مرة اكتب واشارك معاكم بموضوع وما كتبته الا لاني مضطرة ومحتاجتكم:
موضوعي عن اختي
الله يسلمكم اختي ماتشتغل وعطت حق ريلها وكاله عشان اهوا عسكري يبي يتاجرصار عنده فلوس تغير عليها وعلى عيالها
كان حنون عليها وعلى عيالها اما الحين صاير مايداوم حتى دوامه وماينام بالبيت يقول انا محجوز بالدوام واهوا نايم بشقه بره
وصاير يشرب واهيا من حركاته شاكه ان ياكل حبوب مخدرة لانه مو طبيعي
المهم انهم الحين متزاعلين واحتمال يصير طلاق لان الريال خلاص مو هامه شي
ووتخيلوا ذاك اليوم داز مسج يقول انا بذبح نفسي وبذبح عيالي عشان اهيا قالتله تعال اخذ عيالك
واللي قهرها لما راحت بتشيل الوكاله طلع مسجل 16 وافد عليها ومشغل خواته وحريم اخوانه عنده باسمها واهيا ماتدري ويمشيلهم كل شهر معاش اهيا ياغفلين لكم الله وكانت تقوله ابيك تشغل اختي واهوا مو راضي واهوا وخواته ساكتين ومستغفلين اختي من اكثر من سنه
اللي ابيه منكم شلون تتصرف معاه وبخواته اللي باسمها وعطوني رايكم بالموضوع كله نصحوها لانها بحاجة لنصيحتكم؟
والله يهدي ريلها ويوخر عن الخرابيط ويسخره لها ويهديه يارب العالمين والله يعينها ويخفف عليها يااارب
وتفهم المحامي قصتها
وانشالله يساعدها
والله يكون بعونها
وتستشيره بقضيتها
والله يعينها ياااااااارب وعسى الله يفرج عليها
واذا مهيا مرتاحه مو ضروري تعيش معاه مو علباله العيال بيخلوونها تصير غبيه عشانهم لا العيال معززين مكرمين بس اهوا لا
فهذا لها قضيه وفوق هذا الغلطه غلطتها لان القانون مايحميها اذا اهي معطته الوكاله بس تروح توكلها محامي شاطر انشاء الله تطلع من الموضوع هذا الله يفرج عنها كربتها
بس القانون لا يحمي المغفلين (سوري عالكلمه بس بحكم القانون اهي جذي للأسف)
بس لازم تفكر بعيالها وتهدي بالها
وأهم شي ما تدخلهم أو تحسسهم , ترى باجر ما يسامحونها حتى لو اهي مو غلطانه
والحل الوحيد تستشير محامي من غير لا يدري ومن غير لا يحس
وهم تستشير دكتوره نفسيه ختروح حق فوزيه دريع مثلا وتطلب استشاره مستعجله
لان احنا مو متخصصين احسن تروح لذوي الاختصاص عشان ما تتشتت
واكيد ما لازم تنسى أضمن طريج ,,, توثق علاقتها بالله سبحانه
وكل يوم تصلي ركعتين طلب حاجه وكل يوم تقط صدقه باسم عيالها
وتدعي حق روحها وتطلب من عيالها يدعولها يستجاب دعائها
وكلنا انشالله بندعيلها