|
|
شلونكم امهات … وشخباركم 
بأذن الله تعالى بتجيني بنوته بس مادري شنو الاشياء اللي اشتريها حقها وخاصة ولادتي بالشتا وأبي الاشياء الي ما تطري عالبال التناتيف
عرفتوا الي اروح السوق بس اتوهق مادري شنو اشتري وبقولكم شنو شريت
شريت فنايل التبانه وافرولات ومهادين 
وشريت صراويل طوال اثنين 
احس اني مااعرف علموني عفيه
اول شي لاتكثرين ملابس طلعه
اهم شي التبانات والفنايل وفي نوعين شي تبطلينه من تحت موجود بكل مكان
ونوعيه تتبطل على جنب ومن تحت حق المواليد تلقينهم في سنتر بوينت وh&m
والسداري والمهادات لو تبين تمهدين ولحافين صغار او 3 لان اول فتره
البيبي وايد يزوع المميات وجنطه للاغراض وفوط صغار انا وايد فادوني
لان السدريه على الرقبه بس لما ترضعين البيبي يطلع من حلجه يخر ليييييي الصدريه ويمر
رقبته هالنوعيه الصغيره كنت لما اسدح ولدي احطهم على خده واشربه
وعندج كبابيس حق الطلعه او حتى بالبيت بعد السبوح واما شغلات ثانيه كرسي وغيره
او حوض السبوح نطري ممكن ايونج هدايا لان ماشالله الناس تهدي اشياء وايد
ملابس طلعه خاصه وهذا اللي ذاكرته انا الحين
صح انا ولادتي معاكم شهر 12 بأذن الله
وبعد اللي تذكر شي تقول