اليوم رحت السلام اليديد

بنات اليوم رحت السلام اليديد ليلحين مابطل راح يبطل بعد اسبوعين او شهر

رايي فيه بصراحه ………… مو حلو .. اول ماتدشون مول دورين كفتيريات .. يعني مدخله شرح

بس الغرف كلش مو حلوه ودواعيس دار الشفا وايد احلى

والهادي رحت تنرفزت من طبيبتهم وسستراتهم عليهم نفس جنا ابلاش ..

والراشد مارحتله ولا شفته لان وحده اعرفها ولدت شفطو الياهل غلط انكسر مادري شنو برقبته ومات

والميدان محد يدري متى بيبطل ؟

وبعد سؤال :d
بنات ماتدرون الطاوله الي عند المدخل بالامبراطوري بالشفا انا اييبها ولا اهما اييبونها ؟

هاي شطوورا

لاء منهم لأن كل اللي اعرفهم ولدوا هناك مايابوا طاولات معاهم

بعد دافعه 450 بالليله وطاولاتي انا اييبهم هذا اللي ناقص

كريستاله … ههههههههههههه اي والله صاجه مافكرت فيها جذي كنت ناويه اشتري طاولتي بروحي

استني شطوره
ليش مو حلو انا عاقده امالي عليه
واراجع فيه وناويه اولد هناك انشاء الله
شنو عيب الغرف صغيره ؟ والا ديكوراتها مو حلوه؟

اشوه لأني غيرت رايي بالسلام ماني والده عندهم انشالله ان الله سهل بروح دار الشفا

سوري انا شفت الموظوع فوق وسويت كلك عبالي السلام اليديد مجمع ههههههه

مارحتله بس انا وايد احب دار الشفا والمواساه
انا متعقده من مستشفا السلام اكره كره العما ولا سستراتهم ليلحيني ما انسا يوم يحطونلي البترفلاي نيدل الجلبه قزتها حيل وقامت اتفرها عللابو اتدور العرج احححححححححح هاذا غير الرعايه عندهم زفت مايون ايجيكون عالمريض واكلهم استغفرالله اييب اليهد لمه نمت اهناك كنت اتصل علا ستاربكس اطلب منهم جبح يجبحهم
هاذا غير النهب تدفعين حق الغرفه وتدفعين تأمين وياكلون التأمين عليج كلش ماعجبوني حرمنه عيني عينك بس اليدي مادري عنه جان غيراو ادارتهم …..عمومن عقب الفصل اللي صارلي عندهم كرهتهم ومانصح احد فيه

نفنوف كشكش .. انا ماجربتهم بس كل من يقول عن سالفة الحرمنه .. يقولولج الولاده اب 200 مثلا .. وبعدين تشوفين وصل 400 ماتدرين ليش

فلا .. اي خلج على دار الشفا امس رحت استقبال بنت خالي تقول ياتلها وحده قبل لا يدخلونها العمليات تقولها عن العمليه ولازم ماتخاف وانها بتصير ام
ومادري شنو .. يعني يهيئونج نفسيا .. وبعدها تقول كل يوم اتييلها الدار تعلمها على الرضاعه تقعد عندها 3 ساعات .. ومرت صاحب المستشفى
تدور على كل المرضى لازم وتاخذ اراؤهم .. اذكر بنت خالتي الثانيه والده عندهم من زمان راحت خالتي قاتلتها ان كل الناس يشتكون من طبيب الاطفال
فا غيروه .. يعني يسمعون شكاويج

كوين .. لا مو حلو بس من تحت صاير جنه مول ..بس لي صعدتي فوق اول شي دواعيس مو مثل الشفا مبطل على بعض وشرح
والغرف اكبر وحده اسمها جناح السلام فيها الغرفه وستاير وجبالها الصاله يعني مغمه .. والديوانيه على قولتهم غرفه ومدعوسه كلش ماتصلح
خق استقبال مو مثل الامبراطوري بالشفا الدار شكبرها تشوفين كل الي اييونج .. حتى الملكي بالشفا احلى
ووحده منهم الوانها عاديه تنبلع .. الباجي الوانهم مادري وين يايبينهم .. بس كلهم فيهم نظام مثل قوس بين الصاله والغرفه مومفتوحين على بعض
يعني مغم .. بس كلش كلش موحلو .. خليج على الشفا
الاسعار قالي الليله 375 اكبر جناح .. الشفا 450 امبراطوري .. بس شوفي بيطلعون منج هال75 الفرق باشياء ثانيه

وى السلام لوعة مااحبة واختى قبل جم اسبوع والدة فية اقولها مو حلو لاتولدين فية مو راضية عشان دكتورتها هناك وشفت غرفهم هذا يعنى معدلينها ويييع ولا السسترات نفس خاااااااايسة وماترد عليج كلش مو شى
صراحة انا متعودة على دار الشفا ويريحنى اللهم دكتورة لاكشمى مخربة علية قطع

بصراحه …

ماكو على دار الشفا اليديد

ريما وسارا ديور .. انا وياكم مافي على در الشفا

السلاااام ما ادري عنه حريم حمواني يمدحونة
لكن دااار الشفا شكله صار يديد بس …والرعاية زباااااالة حشاكم كل شي صار الحين عندهم بس الفلووووس
يعني تجاري
قبل لما ولدت في بناتي ايام ما كان قديم رعايتة افضل الف مرة من الحين
وبصراحة الحين الناس يولدون بالخاص حق الاستقبالات وبس
والهون والسهاله من الله
والله يقوم كل والده بالسلامة يارب

ما اوافقج الراي سوسو

أنا ولدت فيه خلودي …. عجيييييييييييييييييييييييب

من كل النواحي ..

الخدمه …

الرعايه …

الخصومات …

كل شي كان بالنسبه لي كامل

أبي عيب واحد ما قدرت أصيده عليهم

وعلى قولتج السهاله من الله سبحانه