الى نواب مجلس الامه مع التحيه اقتراح هام للنساء

طبعا

لايخفى على الكل ان ثلث الكويتيات ياخذون راتب من دعم العماله

وان هالراتب حرام

وبعدا عن الحلال والحرام الاضطراب النفسي الي يعيشونه هالحريم من انقطاع الراتب ودفع كل المبلغ الي استلموه للحكومه

بحال اكتشفوهم مع شن هالحملات التفتشيه

طيب

ليش عوار هالراس كله

عطو الحريم معاش على حسب شهادتهم

الحكومه على علم ان اغلب الوظائف وهميه وسرقه للمال العام

طيب مدام جذي ليش تدخلون الناس بشبهات ؟؟؟!!!

مشو معاش لكل وحده على حسب شهادتها

ومنها تحدون من البطاله الموجوده عندنا

وتحدون من مشاكل الخدم

والي تحب تربي عيالها وتالي تشتغل هم عادي تكون محسوبه لها سنوات الخدمه لكن بالوقت

الي تكون فيها عند عيالها تاخذ راتب اقل لنفرض 60 % من الراتب

شالفرق بين الكويتيات

يعني المطلقه تاخذ

الارمله تاخذ

دعم العماله تاخذ

ترى حتى ربة الاسره تستاهل تاخذ واكثر وحده تستحق هالمبلغ لاخراج جيل ناضج وواعي ومثقف

ولاحظو تربية الخدم وبذوره الي طلعتلنا هالايام

عيالنا ولبسهم وحركاتهم وعادات دخيله مالها اول من اخر

الحريم قاعد تتقطع قلوبهم على عيالهم عن الخدم ومشاكلهم الاجراميه والجنسيه

مثال

انا سكرتيره او مدرسه

يبت بيبي اتوقف عن العمل لمدة 4 سنوات حتى يدخل طفلي للحضانه بعيد عن ايادي الخدامه الظالمه

بس يمشلي راتب اقل من غير بدلات وبعدها ارد وامارس وظيفتي

دعم العماله مايستفيد منها الا الهوامير

اما الي ياخذونها مايتهنون فيها لانها حرام وتشعرهم بالذنب رغم حاجتهم الملحه لها ولا جان مااخذوها

بتدعمون التجار

حللو السالفه وفكو الخلق من الحرام

خلو الناس ترتاح

يبون فلوس حلال تدخل على بيتهم وعيالهم

الكويتية تحتاج راتب

يكون بمثابة اعانه

ونحد من هالجرايم الي قاعد تصير ونحد من العدد المرتفع للبطاله

ياجماعه مأيديني بهالشغله ولا لا

ناطره ردودكم حبيباتي

حبيبتي أنا معاج

مدام شي يفيدني ويفيد خواتي كويتيات

يا حلونا لا صرنا على قلب واحد

ياريت والله

ذاك اليوم لقيت بولدي بقع يقول الخدامه تطقني

والله تقطع قلبي

لو يمشونا معاش

اخذ اجازه لما يدخل الحضانه على قولتج

ويعورني قلبي اذا صار تعبان او حرارته مرتفعه وانا مو يمه

ياليت يطبقون هالقرار الي فيه نصره للمرأه الكويتية

وفوووووووووووق

موضوع يستاهل المرور والنظر فيه

وياليت هالموضوع ينعرض للنواب

فوووووووووووووووووووووووووق

والله هذا المفروض الي يصير الصراحه الوحده الزم ماعليها بيتها وعيالها يزاك الله خيرا

ياريت والله اقتراح ممتاز

فووووووق

مافي احد يسمع ولا بيعطينا وجه قبل يقولون نفعل ونسوي ويوم نجحوا ما عينا من وراهم شئ

والله برافو عليج بعد انا انا اايد حتى الرياييل يعطونهم مبلغ شهري مع العلاوة الاجتماعية و علاوة الاولاد وغيره قولي 50% من راتب الموظفين
اول شي راح يخف الضغط على الوظايف الحكومية وميزانية التوظيف
ثاني شي نص الي يشتغلون لا قاعد ينتجون ولا الكويت دولة صناعية الي هالموظفين قاعدين يزيدون دخل الدولة
ثالث شي يعطون فرصة حق ربات البيوت انهم يجابلون بيوتهم
رابعا يحفزون الشباب و البنات انهم يكملون دراستهم او يشتغلون بتجارة وهم ضامنين ان في دخل لهم بحال الخسارة لا سمح الله

والله ياليت من البنات الي يشتغلون مع الاعضاء يوصلون لهم هالاقتراح المفيد

لـــــــــــــــــــــــــــــلـــــــــــــــــــ ــــرفـــــــــــــــــــــــع

صح لسانج.

اولا اشكرج حبيبتي ع طرح الموضوع

ثانيأً : الله سبحانه وتعالى قال : [ كل نفسِ بما كسبت رهينه ]
الحكومة مو مسئولة عن ذنب كل فرد أذنبه !!
واللي عايشه اضطراب نفسي خوفا من انقطاع المعاش واسترجاع كل ما أًخذ بغير وجه حق !!
ليش ماتعيش خشيه من الله عن كل دينار حرام حرام حرام ولاعذر لها أيّا كان عذرها !!
لعلمك حتى من شروط استجابه الدعاء : تحرّي الحلال في المال
فأي دعاء سيستجاب لها والعياذ بالله !!
كل فرد مسئول عن ذنبه واهو اللي ادخل نفسه في الحرام مو الشبهه ؟؟؟!!
الشبهه اشتباه اما اللي قاعده تقولينه هذا حرام بيّن

**********

انا معك ربّة الأسره تستاهل اكيد لكن والله وبحكم عملي كباحثه ع المطلقات واشوف الأرامل ,, ان الفئتين هذول اشد حاجه للمال من ربّة الأسره كون الخيره لها عائل وهو الزوج في حين ان الأرمله والمطلقه ع الله ثم ع هالمساعده الشهريه واقولك هالكلام من خلال ماعشته من اوضاعهن ! ( الله يرحم حالهن )

*********

من ترك لله شيئاً عوضه الله خيرا منه ،،

************

في هالشغله انا أأيدك ، ، لأن 50% من الموظفات المتزوجات ،، مايشتغلن !!
طقي كرت وانحاشي !!!
ف هالشغله رح تعطينا موظفات نشطات ومؤديات ممتازات اكيد ..

***

بقى اقولك من خلال عملي في وزارة الشئون قسم المساعدات .. ف ففي مستقبلاَ فئة ( ربّة بيت ) نمشي لها مساعده شهرية 447 دينار كويتي ,

هذآ وتقبّلي مروري !

والله انا ضد صراحة

شنو الكويت سبيل الكل يدور على مصلحته بس

هذا بدال ما نفكر ننتج ونستغل هالطاقة البشرية اللي عندنا بناتج مو نفكر بمعاشات وحنا باجازة

خل نكون واقعيين منو ما عندها شغالة ؟ لو خذيتي اجازة سواء براتب او بدون راتب بتستغنين عن الشغالة وتستشغلين انتي شغل البيت ما اعتقد الا اكاد اجزم انه مافيه وحده فيكم بتسويها

الحين التوجه اللي صاير من الحكومة وأنا أؤيده صراحة هو الأجر مقابل العمل .. يعني مريضة عندج ظرف أمورج صعبة أوكي تاخذين اجازة ونقدر لكن المعاش عن أيام العمل وعلى انتاجيتج بس هني بس تحسين بطعم المعاش وتحسين انه معاشاج حلل من عرق جبينج

واللي ياخذون فلوس هم مو مستحقينها يا ويلهم من ربهم والله اطر عند باب مسجد ولا أخذ فلوس حرام اعوذ بالله بس الناس ما تفكر الا بنفسها

والله اني اعرف وحده زوجها ياخذ معاش وهو قاعد بالبيت وظيفة وهمية يوم قلتلها ليش زين ما يتوظف شنو شهادته جان تقول خريج دبوم بس ما يحب الدوام داوم شهرين وقطع والحين جابله واسطه وحطوه جذي ينام اليوم كله واسمه بس موظف قعدت اطالعها يعني يوكلهم ويلبسهم من فلوس حرام حاله وحال الحرامي واحد !!

ممكن توضحين هالنقطه ياروحي

أبشري يالغاليه ،،

قانون المساعدات عندنااا يدرس وضع ربّة البيت من سنتين !!!!،، وبإذن الله مستقبلا رح يتم اضافة فئة جديده عندنا تحت اسم ( ربّة بيت )
يكون لها مساعده شهرية 447 دينار ،، ويكون التقديم عن طريق وحدة الرعايه الأسرية التابعه لمنطقتك //
لحد الآن ما صار اي شي ،، ،، ولاندري متى التطبيق
وان صار ف ما للشهاده اي دخل ،، يعني الراتب واحد 447 للجامعية او للي عندها ابتدائي نفس الشي //

بصرااااحه انا ضد هالشي اذا جذي محد راح يدرس وويتسواى الكل وهذا ظلم

والله اتعب بدراستي بالجامعه واكرف بالدوام واخرتها وحده تاخذ معاش بارده مبرده

ليش ماتبون طبيبات .ممرضات. معلمات.موظفات يخلصون معاملاتكم؟؟؟؟؟؟

الناس تتطور واحنا نرد لورا؟؟؟؟؟؟

والله انا اعرف شكثر بنات ياخذون دعم عماله والله والله ماتدري عن عيالها قاطتهم على الخدامه؟؟؟شنو اذا حللوا معاشها بتهتم فيهم

مااااعتقد هذا منطق ناس تتعب وتكرف وناس مرتاحه

الموظفه كم راتبها كلش اذا طار 500

والي تاخذ دعم عمالة وصل راتبها 400

تتوقعون هذا عدل؟؟؟؟؟

احنا نشووف الاجانب اقصد الغير خليجيات يعني حتى العربيات يشتغلون ويكرفون وعندهم عيال وماعندهم خدامه شلووون مو انسانه؟؟شلووون قدرت ترتب وقتها؟؟؟؟؟ ومع ذلك تربيتهم للولد ما شالله اخلاق وصحه زينه ؟.؟.؟.؟.؟.؟. هذا ان دل يدل على انه مو شي مستحيل المره تشتغل وتربي عيالها

عموووووووووووووما اشكرج على طرحج الموضوع لانه بصراحه موضوع مهم تقبلي رأي بصدر رحب