|
|
والله مادري شنو اساس ولا الهدف من موضوعي بس خلااااااااااص صكت الامور بويهي
وبنات بلييييييز محتاجه فعلا لطاقه ايجابيه وابي نصايحكم لان عندي بالبيت سلبيييين بطريقه فضيييييييعه
انا طبعا قاعده اسوي اوراق توظيفي باحد الجهات الحكوميه ومابقى شي بس ناطره يدقون علي يقوولن لي مباشره عمل ماشي وطبعا بتقووووولووووون شنو المشكله انا متيييينه زاد وزني صار 111,1 زدت وايد
.gif "Eh S(2)")
وطولي 170 الزبده يبيلي 46 كيلو اطيحهم جربت اسوي رياضه ولا اسوي دايت ورجيم ماكو تشجيع طبعا عارفين الحاله النفسيه قلت بسوي عمليه تكميم المعده بالعربي وبالانجليزي seleev طبعا طلعت واسطه ابي اسويها عند الدكتور محمد العجمي بالمستشفى العسكري واليوم رحت اخر شي قالو لي سوي استثناء ورحي حق اللواء ويمكن يرضى دشيت عليه قالي لازم توقعينها من رئيس الاركان بالجيوان الي اهيا بعد مستشفى الصباح مناااااااااك بعيد يعني اهو رئيس الاركان مثل الوزير حاولت ما خلوني لازم عضو ولوووووويه وماقدر اسويها بالخاص لان اعرف انها غالية ومادري شسوي الحييييين ؟ والله نفسيتي اتعبت صارت تحت الصفر اليوم بعد اللويه من المستشفى العسكري لي الجيوان من الساعه 7 الصبح اعابل للساعه 1 اخر شي لا وقعوا لي الورقه وقالو لي مانقدر اخاف تموتين وخرابيط ومامشوها لي جان اطقها بجيه يعني صكت الامور بويهي يعني ودي اسوي العمليه قبل لا اتوظف شسوي ياربي والله ماعرف شاسوي
الحين انا مالي امل الا اروح حق المستشفى الاميري واحاول اسوي العمليه مناك عند الدكتور محمد جار الله بس انا تبع مستشفى مبارك فمادري بنات ابي مساعدكم بكل لو بدعوه او وحده مرت بنفس حالتي مادري تتوقعون المستشفى الاميري يقبل فيني ولا لازم بالمستشفى الي انا اتبعه الي اهو مبارك مادري احس افكاري مشتته والله اكتب لك والدموع اربع اربع.gif "Eh S(11)")
يعني عمري 23 سنه اذا ما الحق على عمري الحين واسوي واهتم بنفسي يعني خل نكون واقعييين اغلبيه الي يتزوجون والشباب يبونهم اجسامهم حلوه ضعاف والقليل صراحه ياخذ متينه وانا مريت بهالتجربه اغلبيه الي يتقدمون يبون وحده ضعيفه شسوي بنات ولي يعافيكم قولو لي شسوي يارب تمشي اموري 
يارب توفقني وتوفق كل من يساعدني والله احس مالي حظ 
واشكر كل بنت تساعدي والله يوفقها ويعطيها الي في بالها
عندج مساجات و غيرها واذا تسكرت بويهج نطري المعاش وسوي عملية بلى مذلة الحكومة
وسويت مساج صيني الي تخسيس يضعف بس هم بعد الطق وادويه ودهانات مو عيشه والله ودي اسوي بفلوسي بس ناطره اتوظف
والله قمت وتعوذت من ابليس وصليت وقلت لازم احاول لا اتحبط جذي مره وحده
مشكوره حبيبتي على اهتمامج الله يوفقج دنيا واخره
بنات لا تدشون وتطلعون من غير اي معلومه
والله لا يحطكم بهالموقف
مشكورين
وين سوتها وبجم وعند منو الدكتور
والي تعرف دكاتره بالحكومه يسووون زين تقولي عفيه محتاجه هالشي ضروري عفيه بنات
يعطيكم العافيه
قولي الحمددالله يمكن ما مشت الاوراق لانها خيره لي والله يحبني وجعلها خيره لي ان الاوراق ما تشمي … انا انصحج لا تفكرين بالعمليات حبوبه خطره ولها اعراض جانبيه على المدى البعيد … سوي رجيم والتزمي فيه وصدقيني بس تلتزمين من البدايه راح توصلين لين النهايه وانتي مرتاحه وواثقه من نفسج .. الله يوفقج ان شاءالله 
دشي قسم التغذيه نقي الرجيم اللي يعجبج
واذا تبين تابعين عند دكتور هم احسن لج
واول شي الرجيم يعتمد علي الارادة
اذا عندج ارادة بتضعفين انشالله
يعني بنات لو شايفه نتيجه من الرجيم والرياضه جان والله مسويه وخالصه بس الاراده ماكو لانها شغله نفسيه ويبي لها تشجيع وانا مو شايفه التشجيع عندي بالبيت واهم اقرب ناس عندي عشان جذي قررت اسوي عمليه ولا منو يحب يروح مستشفى ومخدر وحياته بين ايد دكتور ودكتور مخدر وما يندرا يقوم يعيش ولا يموت كل شي بايد ربي انا اقول لو مت هذا يومي الله كاتبه لي بس ان شاء الله تمشي الامور والله يعطيني طولت العمر واضعف بصحه وعافيه
وانتي بعدج صغيره,,,,,,,,,,,,,,,,
انا ما اقولج سوي رجيم,,,,,,,,,,,,,,,,,,
بس بعطيج نصيحه من ذهب وانتي كيفج
جربي تعشى 10 ايام روب خالي الدسم بدون ملح وتفاحه,,,,,,,,,,,,,,,,واذا يعتي اكلي قوطي روب ثاني
واخذي من الجمعيه قواطي tea bag زنجبيل ونعناع وجاي اخضر ماركه ابن سينا (ممتازه)
اخذي الثلاث وحطي عليهم مااي مغلي ونطري جم دقيقه وشيلي الاكياس ونطريه يفتر وشربي منه مرتين مره علا الريج ومره عقب الغدا
واذا ماضعفتي انا ما اعرف شي
وبعدين حاولي تقوين ارادتج حطي جدامج هدف معين وضعفي علا شانه
ترا حتى العمليه اذا سويتها وما خففتي اكلج وتحركتي ما منها فايده ومنتي ضاعفه
وترا دامج بالعشرينات صدقيني تضعفين بسرعه (سألي مجرب ) اسرع من الثلاثينات
هذرت علا مخج وااايد سامحيني
تحياتي
مشكوره حبيبتي والله فيج الخير احسن من الي يدشون ولا يقولون حتى كلمه
اول شي لا تحطين ببالج مده معينه تضغفين فيها يعني لا تقولين بعد اشهر ابي اكون نازله هالكثر من الكيلوات
خلي هدفج ابعد من جذيه وغيري نظامج الغذائي في الحياه وعلى مراحل
يعني كبدايه
الغي الحلو واستبدليه بالتمر
جربي اسبوعين عقبها حاولي تقللين النشويات
يعني العشا ما يكون فيه نشويات
وهكذا
وصدقيني راح ينزل وزنجج وراح تستانسين
وخصوصا الي وزنهم فوق ال 100 بسرعه يضعفون
توكلي على الله وابدي
مشكورين حبيباتي يعطيكم العافيه