|
|
السلام عليكم ورحمة الله وبركاته
النقل أأأأأأأأأأأأأأأأأأأأأأه ياالنقل
أنا كل صيف لازم أسجل نقل وأعابل فيه والعطله بدال ما استانس فيها واريح اقضيها محاتاه وبنات لحد يسألني ليش كل سنه أطلب نقل هذا نصيبي سبحان الله ما ارتاح بالمدارس اللي اروحلها مع اني والله مو طماعه ولا دلوعه أتحمل ضغط وكرف بس على شي يسوى يعني تخيلو بنات تاخذين فوق النصاب وادارتج زفت حشاكم مايقدرون ولا يراعون الله في مدرساتهم وقسمج فتانات وحشاشات ونمامات أمانه شلون تصبرين …… علشان محد يفهمني غلط مو كل المدارس اللي رحتلها جذي بس اول مدرسه تعينت فيها كانت بمحافظه غير محافظتي وبعيده حيل يعني اطلع 6 وربع واوصل تأخير والله ما ابالغ بنات تعبت وقلت اطلب نقل احسن ونقلت للمدرسه المعفنه اللي وصفتها لكم اول سنه طلبت نقل بس للاسف ماتم لان مدرستي فيها نقص والمدرسه اللي انا طالبتها فيها اكتفاء ثاني سنه ماتحملت الوضع تعبت واتعبت نفسيتي معاهم وتخانقت مع الاداره وحلفت ما اداوم وقزرتها غياب وقررت استقيل عقب قالولي شرايج اداومين بمدرسه ثانيه ندب ماصدقت على الله وافقت والمدرسه اللي رحتلها كانت روووووووووعه الناظره عسل والبنات بالقسم ينحطون عالجرح يبرى بس للاسف كانت الوكيله قشره قلت عادي مو مشكله أتحمل مو معقوله اترك المدرسه علشان هالسبب ومافي مدرسه كامله وقررت اثبت نفسي فيها بس اول ما فتح النقل انصدمت من القسم كله كاتب نقل لييييييييييييييييييييييييش طبعا كل وحده وظروفها اللي تبي عند بيتها واللي تبي عند ولدها واللي تبي عند بنتها واللي بالتقاعد والصدمه كانت ان الناظره بعد اخر سنه لها وسمعت ان الوكيله راح تجي مكانها يا الله المنحووووس منحوووووس قررت اكتب نقل وما اثبت نفسي بالمدرسه وهالمره قلت انحاش عن الابتدائي بكبره وطلبت المتوسط بس الصراحه انا ماعندي واسطه ومدرستي الحين عدد مدرساتها صار زين وحدي احاتي والكل يهدي فيني ويقولي يابنت انتي طالبه نقل للمتوسطه نقلج من غير واسطه مضمووون ………..
اكيد كلكم تسألون ليش انا حطيت هالموضوع بنات الصراحه ما ابي منكم الا النصيحه والدعاء اللي عندها شي تنصحني فيه لا تبخل علي واللي ماعندها تدعيلي لو بقلبها مو شرط علكيبورد ان الله ييسر نقلي ونقل كل وحده تنطر الفرج ……
شاكرتلكم تجاوبكم مقدما وانشالله السنه الجايه تكون سنه راحه وسعاده عالكل يارب ……
بس كثرت التنقل موزينه لج …
قبل لا تستعجلين … استخيري وشاوري… وجربي تصبرين ترى الدنيا تتغير و ما تثبت على احد…
وشي تعرفينه ابرك من شي ما تعرفينه….
الشغل شغل بكل مكان … وانا اتمنى لج الخير… اصبري و ان شاء الله خير
حياتي صعب تلقين مدرسة كل شيئ فيها مثالي واصبع ايدج مو سوا ،،،،، فلازم اتحطين الشغله ببالج ومو كل شيئ تتأثرين فيه ترى راح تتعبين امشي سيدة يحتار عدوج فيج ،،، والله الموفق
و ما تلقين مكان بنفس المواصفات اللي تبينها
و كل مكان فيه مشاكل
و الله كريم
و موفقه انشالله
مشكورين عالنصيحه فديتكم وصدقوني انا ما ابي مدرسه كامله لان اصلن من الصعب القى بس ابي ارتاح بقسم انا من النوع اللي اجتماعي حيل احب الناس واحب اخالط
بلازما ياعمري مشكوره عالنصيحه بس النك ترى مجرد نك وانا قلت بكلامي اني اكرف وما اقول لا ومرات انا اطلب الشغل علشان افتك من قسمي مو معقوله كل نك يكون مطلبق لصاحبته يعني وحده مسميه نفسها مزيونه مطير مو شرط تكون مزيونه صج
والله يسخر لج أحسن المدارس
اللهم يا حول الأحوال حول حال مطيرية ماركة لأحسن الأحوال
اللهم يسر لها الخير كله ,, عاجلا غير آجلا يارب العالمين
اللهم سخر لها أحسن الإدارات والمدرسات صحبة صالحة لها تعينها على الخير
اللهم صب عليها الرزق صبا صبا ..ولا تجعل عيشها نكدا نكدا
اللهم آآآآآآآآآآآآآآآآآآآآآآآآآآآآآمين
الله يعين ويقدم الي فيه الخير لي ولج ولكل وحده مهمومه وماطيح الا باردى المدارس
ولاتهينيت بالعطله وكل شوي اتحلم بالمدارس والنقل
الله يرزقنا مدرسه لافيها كرف ولا احزاب وقريبه من بيتنا
معلش حبيبتي ..
الله ييسر أمـورج يارب ..
وان شاء الله تلاقيـن المكـان الزيـن ..
اللي ترتاحيـن فيه يارب ..
والله المدارس حظ الله يعينـنـا ..
ما ننلام اذا كل شوي طلبنــــــــــــا نقــل .. 
وعلى نياتكم ترزقون
الله يسر نقلج ويوفقج ويوفق كل وحدة نتيها صافية
اللهم آمين