المناوبـــــة هل هي اجبارية؟؟؟؟؟ و النقل ؟؟؟؟؟

[CENTER]سلام عليكم
يعطيكم العافية ابلات
بسال عن شي مهم و خطير حيل حيل سؤال المناوبة اجبارية ولا لا؟
و هل من الممكن اقولهم ما ابي اخذ مناوبة الحين ؟ في مجال اخلي المناوبة و اقولهم ما ابي استلم مناوبة ؟
لانه سمعت ان عليها فلوس غير المعاش و قالولي مو ضروري تاخذين حسب رغبتج ؟ لان الفلوس هذي مثل اجر زيادة حق اللي تقعد مناوبة ؟ تدرون ليش اسال ؟ ؟؟؟؟ لان بطو جبدي اليوم انا بنتي تعبانة و ماخذه مرضي و بنتي وديتها الطبيب الصبح و الناظرة اتقولي ما تدرين ان عندج مناوبة و ممنوع الغياب؟؟؟؟ بهالحرف قالتلي جذي والله ما زدت حرف على كلامها و اقولها ان انتو وصيتونا ما نغيب بيوم المناوبة و انا من داوموا اليهال ما غبت و اليوم مضطره اغيب ما اقدر اخلي بنتي تعبانة و اروح مناوبة ….. جان تقولي باي طبيب بنتج قلتلها مبارك قالتلي يبي ورقت الدخول بس بنتي مو دخول اسم الله عليها قاعده بس بالملاحظة خذت كمام و طلعنا يعني شنو تبيني اعطيها ما عطوني ورقة شسوي ؟ و شكو ابنتي اهيه بطت جبدي صج ؟

و هم ابي اسال عن النقل تكفون فيدوني انا سنة يديده و تعيين يديد توني فابي انقل داخلي قالولي ميصير ينقولنج اذا روضتج فيها نقص راح يرفضون و خارجي زوجي ما يرضى يعني وين اروح خارجي فيدوني الله يعافيكم انا منطقة حولي انصحوني حدي مضااااايجه وايد بليز انا اختكم فيدوني بنصيحه تكفون زوجي ما يبيني اروح مكان بعيد انا ودي اطلع من منطقة حولي اذا خارجي و اذا داخلي ابي اروح عن روضتي التعبانة بس لا تسالوني عن اسمها لان ما اقدر اقول بليز طلبتكم بنات [/CENTER]

اشدعوه بنات ترا صج حدي مضايجه و ودي اشك اهدومي وايد مو مرتاحه بروضتي من دشيتها و انا هواش مع زوجي و ابلتين اطلقو فيها و بقيت اطلق بعد و سويت حادث قوي و بقيت اموت فيه و زوجي صار يوديني و ييبني يعني الروضة فقر حدها و قبسه وايد علي و على كل الابلات اللي فيها حته مشرفتنا يديده مسكينه كاسره خاطري كل يوم تاخذ لها 3 هوشات من الناظرة و طبعن الناظرة عبالها احنا عبيد ابوها بس تهاوش و بس ما تعرف تحجى مثل الاوادم عبالها احنا خرفان عندها و لما احاجيها عدل تصرخ جنه فبها يني الحمدلله و الشكر على اشياء تافه و ما تسوي يعني شنو تقولي ما تدرين ان عندج مناوبة و الغياب ممنوع فيها و تدري ان انا من اول ما داومو اليهال ما غبت ولا حته اتاخرت و شايله الصف كله على راسي و انا تعيين يديد شهالمعاملة صج تحسسني ان احنا خدم من المكتب يايبتهم وحدي مضايجه بليز ساعدوني لو بكلمة تريحني بليز

النقل مفتوح الحين وليما 313 .. وعادي كتبي رغبتج ويودونج المكان الي تبينه وفيه نقص واذا رغباتج رياضهم فيها اكتفاء يقولون لج واتوقع يدلونج على الرياض الي فيها شواغر عشان تروحين لها

والمناوبة تقدرين ماتاخذين .. اتفقي مع الي معاج وخلاص .. وايد ماياخذون حسب ظروفهم عادي

بعد قلبي

هونيها وتهووون

حبيبتي انا حاسه فيج والله ويارب تتعدل امورج

اول سنه تعيين حدهااااااااا قثيثه وذكريات مؤلمه والله يعينج بعد إذا الناظره قشره

نصيحتي يا حياتي سوي اللي عليج وبس والباقي بالطقاق

المناوبه الصبح ماعليها فلوس لكن التأخير اهو اللي عليه فلوس

يعني الصبح انتي لازم تروحين اما التأخير اتفقي مع البنات اللي يبون الفلوس باخذونها عنج

وناظرتج حقريها لما تقوول لج ورقة قولي لها ان شاء الله وعطيها طاف وإذا سألت قولي اي ورقه قصدج؟؟؟؟؟ ما عطوني ورقه واظن كلمتي كافيه يا ابله إلا اذا مو مصدقتني هذا شي ثاني!!

حياتي انتي لاتتكدرين ولا يضيق صدرج لا بارك الله في اللي يضيق صدر المعلمات واهم شي اهم شي يا حبيبتي ريلج وبيتج وبعدييييييييييييييييييين الوظيفه لا تاكلين من عمرج عشان الامتياز لأن المشووووار طوووووووويل على الترقيات للاشراف فأهتمي في بيتج اول شي