المكياج وريلج

السلام عليكم بنات كل وحده تقولنا طريقة المكياج الي يحبه ريلها خفيف ثقيل اشلون وشنو الوان الحمر والشدو يعني بمعني اصح طريقة المكياج كامل الي يحبها زوجج

_03ba:

انا لو راده على ريلي ما يخليني احط ولا نقطه مكياج من صجج انتي لووووول بس بعد المساحل احط خفيف

يعني شدو بني فاتح وماسكرا وكحل وبودره لونها وردي فاتح او لحمي مع حمره لحميه ومرات حمره على حسب اللبس

يحبني بدون شي بس مخليني على راحتي حبيبي لاني اساسا ماحط واااايد كلش فعاجبه.. مكياجي شدو بني لازم هذا مخفف وكحل وماسكرا والحمر انووووع فيها

انا شخصيا
عادة ناعم بالبيت خاصة فترة النهار
وعقب المغرب احط مكياج اثقل طبعا على حسب بنطلع او لا
اكيد تمر ايام ازهق منه واقاطعه بس بشكل عام احط المكياج

اذا ناعم
بودرة وغلوس وماسكارا
والثقيل استخدم كل انواع الاسلحة!
بس شخصيا احس المكياج اللي يعجب زوجي هو المكياج اللي يركز عالشفايف يعني مكياج عيون خفيف وحمرة لامعة شقاقية!!
ولما يقول انت احلى بلا مكياج اقول قصدك مااعرف احط مكياج!! ماكو فكة يعني

مابحبوووش
واذا حطيت يقول تدرين ماحبه ليش تعاندين؟

حدي حمره لحميه وبس

ريلي ما يواطن المكياج بالمرررره

يحب الثقيل بس انا انوع له مره مكياج خفيف مره وسط مره ثقيل وايد عشان لايمل مني

واااي موضوووعج بالنسبة لي حساااااس

ريلي كله يقوووووللي احب المكياج الثقييييل وانا المشكلة احط بس هم يقوووول خفيييف ، ماادري شسوي بنفسي

ما بقى شي ماسويت ، ما بقى خزامة ما بقة كرسال ما بقى شي بالكبت ماحطيته على ويهي

اللي تعرف فنتق وحركة يديدة تقوللي

ومشكوورة صاحبة الموضوووع

انا خطيبي كل يوم طالعلي بطلعه !!

مره يحب بدون مكياج و مره لما احط بس مسكره و قلوس يقولي تهبلين ! و مره لما احط كحل من فوق يقولي اشحلاتج كل مره سوي جذي !!

و مره ارسم عيني من تحت خط خفييييييييف كلش و من فوق عريض يقول اليوم شكلج واو !!

بس صارله شهرين متنح علي ومو راضي احط مكياج وايد :s

بس صدمني قبل امس قالي يوم الخميس لما تردين من مصر ابيج تكشخين حدج حدج و حطي مكياج !! أبي لما يشوفوني معاج يقولون يا من حظه واقف يم هالقمر اهو صج انتي بدون مكياج احلى بس لأني ضغطت عليج وايد فحطي لووووول

صدمني.. بس يعني اهوا مزاجي ماقمت اعرفله الصراحه لووول

مايواااطن المكياااج كلللللللللللش

انا ريلي يحب المكياج الخفيف
يعني كل ماكان ناعم كان احسن
يحب القلوس الوردي الفاتح او اللحمي حدي هذا
اما بالبيت بايعتها كل شي احط ويحب جذي

بالنسبه لي ريلي يحب المكياج الخفيف يعني الالوان الترابيه والالوان الهاديه
lOoOoOl مره فشلني كنت حاطه ميك اب بنفسجي ومكثره شوي جان يقولي شنو هذا شمسويه بنفسج ؟ ومن يومهااا تــــــــــــوبه اكثر من المكياج

يحب بس الالوان لهاديه يعني الوردي الهادي وبس….

انا ريلي ماعنده مشاكل في اني احط المكياج بطلعاتي ورووحاتي

بس اكتشفت ان مايحبني احط مكياج بالبيت

لي درجه ان لما احط يقولي وين تبين تروحين؟ اقوله ماني رايحه مكان قاعده بالبيت, يقولي عيل قومي غسلي ويهج تدرين اني ما احب المكياج خير شر هههههههههههههههه