المعلمات حديثات التعيين في وزارة التربيه متى يدقون علينا عشان المقابله ؟

بنات انا رشحني الديوان معلمه في وزارة التربية , ورحت وزارة التربيه عند مراقبة التعيينات و عبيت الطلب

وقالي مراقب الطلب ان راح يتصلوووون علينا عشان يسوون معانا مقابله ؟

في احد فيكم اتصلو عليها حق المقابله ؟؟؟ و متى يتصلون ؟؟ ؟ ومتى نسوي الفحوصات و الاجراء الباقيه للتعيين ؟؟

حبيبتي رووحي المنطقة التعليميه في بنات خلصوا الفحص
و راح يباشرون عمل على كلام المنطقة
روحي منطقتج و يعطونج اوراق الفحص الطبي لا تنطرين احد يدق ما يدقون انتي راكضي على شغلج

حبيبتي مشكوره

بس انا خريجة قسم علم النفس جامعة الكويت وراجعت وزارة التربيه مبنى رقم 2 وسجلو بياناتي وقالولي انتي مرشحه معلمه وفي منه مرشحينهم اداريات , وراح ندق عليج للمقابله ……

يعني الحين شنو اسوي بليييييز حدي خايفه ما افهم شي

ومنطقتي التعليميه اشلون اعرف اي وحده

انتي بطاقتج المدنيه على اي منطقه ؟؟ قوليلي وانا اقولج تبع اي منطقة تعليميه انتي
تروحين منطقتج معاج اوراقج الي اهيا
شهادتج الاصليه و 3 صور عنها و اذا عندكم بالجامعه شهادة الدرجات صوره عنها
و البطاقه المدنيه 3 صور
و الجنسيه 3
و شهادة الميلاد
و اعتقد الجواز
و 4 صور شخصيه لج و خلي معاج زياده احتياط