|
|
شلونكم بنات
شخباركم …
قبل فتره كان عندنا عرس اختي
والحمد لله خلص العرس على خير .. بس بعد طلعت روح !!
رحنا اتفقنا مع المصمم خالد الدريعي
قريت عنه جم موضوع وو رحنا شفناه
اول مارحنا حطلنا الشمس بايد والقمر بايد
وامرو وتدللوو وكل شي راح يصير راح اخلي الناس شهر تتحجى بالصاله !!
ورانا بطاقات على بو انه اهوا مسويهم
وتفقنا على كل شي
والله يا بنات البطاقات ماتوزعو الا قبل العرس ب3 ايام
سواهم لنا اول مره الخط كبيييييير وطالع برى الضرف
والاسامي والعوايل غلط هالحجي قبل العرس باسبوووع !!
ويوم يعني عدلهم
وطلع عينا على مايابهم حرب اعصاب .. والا هم كاتب العايله اللي برى غلط
وحاط ستراس ولله يمكن مال المحاميد يلمع اكثر
وقعدنا انشلع وانرقع بس طلعو البطاقات حلوين .gif "Eh S(13)")
وكان واعد اختي انه ايسوي بروفه حق الكوشه
وطبعا ماشفنا شي
وعذره انه الصالات زحمه !! اكيد خو موسم عروس المفروض يكون حاسب حسابه 
قبل العرس ناشب امي الا يبي فلوووسه كامله مع انه كاتبين بالعقد النص عقب الكوشه
يدري بسواد ويهه !! المهم امي عطته النص ..يعني بقا عندنا ربع المبلغ
ويه خذاه قبل العرس بيومين الساعه 11 بليل تخيلو !!
يوم العرس طبعا صارت هوشه ونجره الساعه 7 واهوا قايلنا اهوا يودي الصواني وايب الحلو
وماصار هالشي ابد !!
والكوشه باليالله خلصت 7 ونص !!
واهوا واعدنا بالكثير 5
وايد وايد شغلات بالصاله كانت ناقصه مو شوي
وفي اماكن وايد مكتوبه بالعقد انه اتزين وماسواها حر امي حسبي الله عليه 
حته اخر شي امي زفته ويت وحده من اهل المعرس وطردته برى الصاله
وراحت كملت باجي الشغل عنه
تبا له
اتفقنا يحط كشاففات وماحط
اتفقنا على وايد وايد شغلات بالعقد ماحطهم
بنات ديرو بالكم تغلطون غلطتنا
الكوشه كانت حلووه بس مو مثل مانبيها
والمشكله المبلغ اللي ماخذه مو هين
حسافه فيه والله
سامحوني بنات طولت وايد
بس ادري كلكم عرايس واتجهزون
ماحبيتكم تغلطوون غلطتنا
.gif "Eh S(17)")
نخاف نعتمد عليهم بكل شي
يالله الكوشه ووايد عليهم بعد
انا عاد رفيجتي اهوا مصمم عرسها كان وااايد حلووو
بس سبحاان الله الظاهر ما ضبط معااج كلللش
وييي الله يعووووضج لا يضيق خلقج والله
اصلن بنت خالت ريلي سوت عنده كل شغلها وكان عجيييييييييييييييييييييييييييييييييييييييييييييييي يييب الكوشة خيال الكروت ذربة وكل شي اهو مسوي حلو ومضبوط
يمكن اختي رحتوله واهو مضغوط ؟؟ مادري بس صج حظوظ فرق بينها وبينكم بس الحمدلله ان عدى عرسكم على خير وافتكيتو 
توووووبة اتروحون له
عجيبه
مع انه مصمم معروف
انا مرة كنت رايحه له مع رفيجتي
شفته بنفسي يشرف على العمال و الكوش و كان حريص على ادق التفاصيل ؟؟؟
غريبه صراحه
والكل شغله حلو وشغله مضبووط
الكوشه يت واااااااايد شغلات ناقصه
كل شي كان ناقص
انصدمنا والله
لا وفوق هذا عنده عرسين بنفس اليوم !!
حته صارت الساعه 7 ونص المعازيم يو واهوا حظرته يتمشى داخل
ليما طردته وحده من البنات
والله حيييييل حيل انصدمنا
وايد وايد شغلات بالعقد كانت ناقصه !!
اساسا حته يوم نتفق معاه يوم ايي بيتنا يوم يودينا صالت الشيخ صباح
اللي بحولي
ماكان عنده مكتب مادري شقصته !!
والله حسبي الله ونعم الوكيل
خله اختي تبجي
حته صينيه العصير مايابها !!
الله يعين
صج غريبه !
تدرين يمكن ليش ماخذ عرسين بيوم واحد .. وكان مضغوط .. وانتوا العرس الثالث .. صج لي قالوا الطمع مو زين ..
وهو طمع بهالثلاث عروس …
بس المفروض ما تسكتون !!
تروحون وبيدكم عقودكم وتكلمونه عن كل شي ما حطه .. هذا حق والحق ما ينزعل منه