|
بما ان الرجال قوامون على النساء حبيت اطرح موضوع
وايد واكثر من مره انطرح
الي اهو مصاريفي ومصاريفك الشهريه
يعني مثال انا انا موظفه ومعاشي دبل زوجي او مساوي قولي مع الزوجيه والاجار واليهال يساوي معاشي
اساعد الريال باشياء طبعا اذا يستاهل مو اذا مو كفو ….
مثال انا ريلي ملزوم بالبيت وملزوم بمصروفي بس انا مو محتاجه اصرف وياه ولا طاف اخش …
الحين اقولكم
زوجي مصاريفه الشهريه من معاشه يدفع الاجار 350 ومعاش الخدامه50 ومكالماتي توصل 30 وحق الغسال 10واغراض البيت بالنصيفه مره عليه ومره علي وعليه قرض 280
وهاذا الي اعرفه
غير مصاريفه الشخصيه طبعا زقاير وبانزين وقطه مزرعه وبر حق ربعه وعشاهم
ومصاريفي الشهريهالي من معاشي ملابس لي ولعيالي ولخدامتي اغراض البيت اغراض تخصني وارد اقول اشارك بمصاريف الجمعيه
تهقون صح الي اسويه ولا غلط انا اشوف ان المعاش لي ولعيالي مو ملزومه اصرف بس من باب المساعده
ولا الي تحط الكرت بايد ريلها وتخليه قوام عليها اهو الصح <<<ممكن وجهت نظر اذا اهو قد الثقه
يعني ممكناذا زياده احط بايده 100 او 50 بس اذا شفته مقحط اخر الشهر بس ارد واقول بمزاجي مو غصب واذا ما عجبني او صكت هوشه عاد يحلم اقط عليه فلس اما عيالي ومصاريفهم لاء يمثلوني جدام الناس فعادي اقط عليهم
احس جذي انا مو مقصره لا بالبيت ولا اهو مقصر معاي
الحين السؤال بكل هالموضوع استفسار صغنن من كويتيات حبيباتي هل اسلوبي صح من وجهت نظركم !!!
واتمنى كل وحده تحط لي شنو مصرفها ومصرف بو العيال الشهري
تحياااتي يا احلى كويتيات بالدنيا ….
بانتظار الردود
يعني تقسيمتكم حلوه ماعدا اني اشوف انه يكون ملزوم بعياله او عالاقل يشارك بمصروفهم وياج
وموفقه حبيبتي
– مصروف الايد ( اذا بتشترين لج شي والا مشتهيه شي )
– مصروف عيالج كااااااامل
– اجار بيته
– معاش الخادمه
– ماجلة البيت ( يعني اكلكم وشربكم انتي وعياله )
– كسوة شتاء صيف
بس
الزيادات عليج
مثلا
اذا تبين تشترين لج :
– ساعه ماركه
– ذهب
– سياره
– اي كماليات خاصه عليج
ولا تعودين الريال تحطين بايده او تساعدينه اجباري
يعني موشرط تخصصين مبلغ وتعطينه
لا بس اذا شفتي شي قاصر خارج عن ارادته سدي مكانه
بس من غير كلام ولا تقولين له عشان ما ياخذ عالوضع
حاله اخرى لمساعدة الزوج
اذا كان الزوج مديون والزوجه عندها اللي يسد بدون مايخل بوضعها المادي
ممكن برضاها تسد عنه
اكثر من جذي
ماله اي داعي
لان الريال اذا اتكل عالمرا تصرف
بياخذ راحته
وتزيد الفلوس بايده
ممايخليه يفكر بالكماليات ( واكثرها السفر على سبيل المثال )
والله يرزقكم انتي وريلج ويتمم عليكم
بس مصروفي انا من ملابس وكماليات علي
وطبعا مايمنع اني اخذ حق بنتي جم شغلة تعجبني
ومايمنع اذا في شهر من الاشهر شوي الحالة كسيفة اساعد بس موكل شهر وموشي اجباري يعني بمزاجي عشان لايتعود
انانيه بس اهو ملزوم كيفه
الراتب يجي اليووم من بااجر مخلص من ملابس لعيالي واغراااض شقتنااا ومنيه ومناااك
ومصااريف الدراااسه طبعاا بنتي حكووومه بس يوميااا طلبااات بس ولدي خاااص
وهااااكذااا …… وما ادري شمصبرني واذا حاجيته قال ميخاااالف ابي منج دعم معنوي عندي التزاااماااات
والله اني اخاااف الله ما ابي ادخل مع منكرااات العشير بس الشي زااااد عن حده
اللله يعييين
حبيبتي الريال ملزوم بمرته بمايلي :
– مصروف الايد ( اذا بتشترين لج شي والا مشتهيه شي ) – مصروف عيالج كااااااامل – اجار بيته – معاش الخادمه – ماجلة البيت ( يعني اكلكم وشربكم انتي وعياله ) – كسوة شتاء صيف بس الزيادات عليج ولا تعودين الريال تحطين بايده او تساعدينه اجباري يعني موشرط تخصصين مبلغ وتعطينه لا بس اذا شفتي شي قاصر خارج عن ارادته سدي مكانه حاله اخرى لمساعدة الزوج اذا كان الزوج مديون والزوجه عندها اللي يسد بدون مايخل بوضعها المادي اكثر من جذي ماله اي داعي لان الريال اذا اتكل عالمرا تصرف والله يرزقكم انتي وريلج ويتمم عليكم |
اتفق معاها
و اذا زوجج ابو عيالج حلو التعاون ما فيها شي
يالله يصفاله شي من معاشه مسكين بس اذا ابي شي غالي مثل ساعه شنطه يعطيني مايقصررر
بالنسبه لصاحبة الموضوع انا ماشوف فيها شي لااساعدتي زوجج دامه طيب وياج ومايقصر وهذول عيالج لاصرفتي عليهم مافيها شي
ومافيها شي اذا ساعدتيه بس لاتحيطنها اجباري يعني متى ما شفتيه محتاج عطيه
سوي لج احساب ثاني بالبنك محد يدري عنه وسوي استقطاع من معاشج .. للظروووف ما تدرين شيصير بالدنيا لاسمح الله
احسن من يضيع المعاش على خرابيط مالها داعي
هذي نصيحه من اخت لوجه الله ,, انا بسويها ان شاء الله اذا توظفت
شلون نخلي الزوج يصرف ع زوجته خاصة اذا هي تشتغل؟؟؟يعني يعطيها مصروووف اليد؟؟؟؟
حبيبتي الريال ملزوم بمرته بمايلي :
– مصروف الايد ( اذا بتشترين لج شي والا مشتهيه شي ) – مصروف عيالج كااااااامل – اجار بيته – معاش الخادمه – ماجلة البيت ( يعني اكلكم وشربكم انتي وعياله ) – كسوة شتاء صيف بس الزيادات عليج ولا تعودين الريال تحطين بايده او تساعدينه اجباري يعني موشرط تخصصين مبلغ وتعطينه لا بس اذا شفتي شي قاصر خارج عن ارادته سدي مكانه حاله اخرى لمساعدة الزوج اذا كان الزوج مديون والزوجه عندها اللي يسد بدون مايخل بوضعها المادي اكثر من جذي ماله اي داعي لان الريال اذا اتكل عالمرا تصرف والله يرزقكم انتي وريلج ويتمم عليكم |
صح وانا معاها