الماجستير .عندكم فكرة عنة؟

انا خريجة كلية التربية الاساسية رياض اطفال

انااا صارلي 4 سنوات مدرسة روضة…..وبصراحة حبيت اكمل دراستي واخذ الماجستير ؟؟؟علمااا باني تخرجت بامتياز.

انا ماعندي اي فكرة عن الماجستير حبيت اللي تعرف احد او هي ماخذة ماجستير تعلمني اشلون اقدر اخذ الماجستير من جامعة الكويت ؟؟والواسطة تمشي بسالفة القبول ؟

وبما اني رياض اطفال ؟؟؟ بشنو اقدر اخذ الماجستير ؟؟

وشلون بخصوص جهة العمل ؟؟؟ اي اذا اخذت الماجستير هل ممكن اصير استاذة بالكلية ؟؟

وشنووو التوفل ؟؟؟ولازم اخذة ؟؟؟او لا

والله مالي غير الله ثم انتم واناااا احب اسمع كلامكم حيل .. امانة لا تطنشوني اللي تعرف احد تسالة لاني ما صدقت اقنعت زوجي بسالفة اكمل دراستي

وانتظر اجاباتكم

اختى العزيزة انتى تعيشين نفس ماساتى

ماجستير بالكويت ما لج أمل
جامعه الكويت حاطه شروط تعجيزيه لطلبة التربيه الاساسيه

روحى قسم التسجيل بكلية الدراسات العليا بالخالديه وانتى تعرفين

اول شي مالج امل بتخصص تربيه او علم نفس لانه بس لطلبه الجامعه

تعرفين شنو الموجود ؟؟؟؟ أدارة اعمال فقط ولما سالتها يعنى شنو اصير استاذه بالكليه
قالت لى لا تدخلين بيانات على الكمبيوتر

تخيلى ادرس ماجستير عشان ادخل بيانا ت

وعموما اصلا اهم حاطين اختبار تعجيزي التوفل
صديقتى متفوقه بالانجليزى وارسبت فيه

الحل واحد فقط وهو اللى سوته رفيجتى انا بصراحه ما قدرت اسويه

وهو انها راحت قدمت استكمال دراسه بمصر
يعنى انتساب بس تروح حزت الامتحانات

ادرى حبطت معنوياتج بس للاسف هذى الحقيقه المؤلمه
وانتى تقدرين تستفسرين بنفسك من قسم التسجيل بالكليه

والله حبيبتي عندنا وحده هم مدرسه متخرجة من اداب علم نفس مثلي وراحت كملت ماجستير بالبحرين مشالله عليها … التخصص حلو بس مانفعها بالكويت فالحين مشالله لا اله الا الله قاعده اتكمل ماجستير ارشاد نفسي وقالت ان هذا ينفع اكثر بالكويت واهي قاعد اتكمل بالكويت

وهم قاعد اتدرس معانا الله يعينها بس تقول الوحده لازم تاخذ تفرغ عشان اللي قاعد تدرسه واهني الدكاترة صعبين
مو مثل البحرين سهاله مشالله

بالنسبه للتوفل جنها اسقطت فيه لانه صعب

وهذا اللي اقدر افيدج فيه

ام الجوري بعد عمري انااا عارفة انها صعبة ؟؟؟ بس اتوقع لو اصير استاذة بالكلية ارحم من مدرسة روضه؟؟؟

اوكي انا ممكن اسافر لدول الخليج وقت الامتحانات مثل البحرين او بحاول بمصر بس شنهي التخصصات الموجودة واللي تتوقعين انها تفيد بالكويت ؟؟؟ وهل اذا بغيت ادرس برااا لازم بعد توفل والا عادي ؟؟

مومو والله ارشاد نفسي حلوو بس رفيقتج مسافرة ومكملة على حسابها ؟؟؟

انتظر اجابتكم؟؟

وينكم بنات ؟

لا والله على حساب الحكومه وتقول انه صج كانو يقصون منها بس همن كانو يعطونها بعد بس مادري جم
باجر انشالله دوامنا واسئلج ولا يهمج

اي صج تذكرت اللي درسته بالبحرين يقول مونافعها الحين الارشاد نفسي احسن بوايد

بانتظارج مومو

شوفي الله يسلمج اهيا سافرت على حساب الدوله تقول معاشي اول ما اشتغلت 580 دك قصوا منها بدل مادري جم بس هم ذادوها صار ينزلها 700 تقريبا والله هذه اللي قالته لانهم يعطون انا قريته يتنه نشرة امس عن الماجستير في البحرين اتقول انه بس بالبحرين يعطون ولاحظي انه نشرة مالت ماجستير البحرين مكتوب فيها بدل كتب … بدل طباعه ماجستير شغلات جذي وانشالله اكون افدتج

اشلج بالتدريس الروضه كملي دراستج وانا اوخيتج

اي والله زين تسوين يا بنت الأحمدي ,,
انتي تربيه اساسيه اعتقد تكونين تابعه للهيئه العامه للتعليم التطبيقي ,,
فتكملين دراستج عن طريقهم طبعا لازم يكون عندج توفل ,, بس روحي لهم بالعديليه مبنى 3 على ما اعتقد ادارة البعثات ,, اهم على شهر 3 مادري اوله او آخره ينزلون حق البعثات ,,
وا نا اذا ما نسيت ان شاءالله اسأل لج و اتأكد ,,
و مشالله دام تقديرج امتياز انشالله امورج سهله و ما تحتاجين واسطه ,, و بعدين تقدرين تصيرين معيده بالتطبيقي و اذا تكملين دكتوراه بعد وايد احسن مميزات الدكتور حلوه حيل ,,, الله يوفقج ان شاء الله

مشكورين كلكم على الردود

flana بصراحة كلامج حلوووو وشجعني واسلوبج روعة انتظر ردج وراح اشوف انا بعد العديلية وجزاج الله خير…