اللي عندها خبره في عملية تجميل الانف تدخل

اهليييييييييييييييييييييييييييييين بنات

منو منكم سوت خشمها

و عند اي دكتور ؟؟؟؟؟

و راضيه عن النتيجه و لا ولأ

ز شرايكم بجمال الحربي؟؟؟

حبيبه انا مسويه العمليه

توني انا مسوية عند جمال الحربي.. امدحوه والله يستر… معاملته حلوة وتكنيكه مبين عليه اوكي.. انا شفت النتايج على ناس اعرفهم اوكي.. بس انا بعدي للحين ملفوفه..و ما ادري شنو صار خشمي…
على فكرة انا كنت من فترة ادور على احد مجربه وفيه وحدة من المنتدى امدحته لي…ادعي يكون خشمي اوكي يارب…

حبيبتي شنو مضاعفات العمليه؟؟؟؟؟

و شلون اول الايام بعد العمليه؟؟؟؟

لاني بصراحه عندي عيال و احاتي هالشي

شوفي اول شي انا ما عندي اعيال عشان اعرف بس بقولج اللي صار فيني….

عمليتي كانت يوم واحد ما نمت عندهم
بس قعدت من البنج معدتي تلعب بروحها والم بخشمي… لما تكرمين رجعت البنج صحصحت وعطوني مسكن ورجعت البيت بس وحدة من خواتي نامت معايى لاني قعدت الفجر دايخة ما قدرت اروح الحمام بروحي بس مو وايد يعني تحسين باثر البنج..
الصبح قعدت عادي بس احس في دم بخشمي وكان عادي وكنت شوي مالي خلق اكل… واصلا لازم تكلين اشياء سهلة الهضم مو اشياء تقعدين ساعة تعلجين فيهم…
وكان في الم بخشمي مع المسكن يروح…
والتنفس شوي لج عليه من خشمج وساعات من حلجج…ومع الايام تخف الاعراض…

الخلاصة يمكن تحتاجين تباتين بيت اهلد اول يومين بعدين عادي بس ما تنزلين راسج وايد ولا شي يحوش خشمج
وانشالله سهالة…
بس انتي شنو تبين تسوين بخشمج اذا ما فيها احراج؟؟؟؟

يابنات هذا تغيير خلق الله.. مايجوز ..انتي لما تسوينها كأنج تقوليين يارب انت ماتعرف تخلق انا باروح عدل خلقك..لاتركضون ورا الجمال اللي بيضيع عليكم هالدنيا اللي كلها ساعة .. بكرة كللنا بحفرة صغيرة ماراح ينفعج اللي عدلتيه

بسم الله الرحمن الرحيم
﴿وَلَأُضِلَّنَّهُمْ وَلَأُمَنِّيَنَّهُمْ وَلَآمُرَنَّهُمْ فَلَيُبَتِّكُنَّ آذَانَ الْأَنْعَامِ وَلَآمُرَنَّهُمْ فَلَيُغَيِّرُنَّ خَلْقَ اللَّهِ وَمَنْ يَتَّخِذِ الشَّيْطَانَ وَلِيًّا مِنْ دُونِ اللَّهِ فَقَدْ خَسِرَ خُسْرَانًا مُبِينًا﴾
(النساء119)

﴿فأقم وجهك للدين حنيفا فطرة الله التي فطر الناس عليها لا تبديل لخلق الله﴾

انا مسويتها عند جمال الحربي وانصحج فيه واااايد وانصحج فيه وتقدرين تقرين تجارب البنات وتجربتي في الموضوع المثبت عن عمليات التجميل

اولا مشكوره حبيبتي على ردج

بالنسبه لخشمي لا عادي ما فيها احراج انا خشمي كان مناسب نوعا ما مع ويهي

بس يوم ضعف وويهي خق حيل صار ما عندي خدود ابد قمت احس ان حجمه كبير شوي فودي الدكتور يصغره لي شوي يعني يقصره من هني و يضعفه من هناك علشان حتى مع الضعف ويهي يصير متناسق

انا بصراحه في البدايه كنت بتفخ خدودي بس النفخ ما يطول …جم شهر و خدودي ترجع مثل قبل و انا مو حابه ازيد وزني و اخرب جسمي علشان ويهي يحلا

طبعا انا ما قلت الا حق امي في البدايه عارضت و قالت عني حايره بفلوسي و ما عندي سالفه و خشمج ما فيه شي و مينونه و من هالحجي ….. بس اشوه قدرت اقنعها بس الحين المشكله بريلي شلون اكلمه بالموضوع؟؟؟؟؟؟؟

عاد انا قايله حق امي زهبولي غرفه بيي عندكم ثلاث اسابيع بعد العمليه ( حشا نفاس )

انزين حبيبتي بسالج

صج بعد العمليه ما يصير اكل اشياء صلبه و ما يصير اضحك و لا انام عدل و لا اطلع للشمس و لا تحوشني تيارات هوا؟؟؟؟؟؟؟؟؟؟؟

الاكل امبلة اول شي لازم اشياء مو صلبة وايدة.. وشوي شوي لما تضحكين…
اما الشمس وتيارات الهوا محد قال عنهم شي… ما ادري بس للحين انا ما اطلع من البيت

شوفي نصحيتي لج اذا مو مضايقج وايدة لا تجازفين ما يسوى عملية وبنج على شي صغير.يمكن يضبط ويمكن لا…لان بصراحة تصغير الخشم..نفس حالتي ما يعطيج نتيجة وايد قوية بس نرى انا كان متشوه كبير وحاله عقد يعني نفسي فاضطريت اسويها… وانت براحتج بس روحي اول شي استشارة مو بس عند جمال الحربي روحي حق اثنين ثلاثة وشوفي شنو يقولولج.. اذااقتعتي سويها واذا لأ ما تدرين خيرة
والله يوفقج انشالله ويسهل امورج…واموري

الحمدلله على سلامتك

لاتنسينا قوليلنا اخر التطورات معاك

الله يسلج طفوش وانشاءالله النتيجة تسوي.. بس تبين الصج شكلها تسوى لان اهلي يقولون لي تغيرتي بس الصج الصج راح يبين عقد 6 شهور…

حبيبتي ما قلتيلنا شنو مشكلتج اذا ما فيها احراج ؟؟؟؟

بصراحه كلامج لي اثر فيني و خاصه يوم قلتي ان اذا خشمي مو مضايقني
العمليه ما تسوى…. انا بصراحه كنت وايد متحمسه .. بس من قريت ردج خقيت شوي

بس بغيت اعرف انتي شلونج الحين ؟؟؟؟ تلاحظين تغير و لا لأ

حبيبتي راح اقرق شوي عليج تحميلني بس عشان اوصل لج معلوماتي وما تفهمين غلط
انا مو قصدي اخفف حماسج لأ انت حرة برايج وتفكيرج انا عطيتج رايي بقولج الصج، العملية انشالله سهاله لانها من ابسط العمليات بس تدرين بنج وتعب وهالشغلات اذا ما كانت ضرورية ، من رايي بلاها "صحيا". وانا من النوع الخوافة من هالشغلات وانت بالاخير صاحبة القرار. انا نصحت جذي لاني قريت وشفت انت العمليات هاذي ما تعطي نتايج للي يدور الكمال، لان مهما كان راح تلقين عيوب بعد العملية، انا هذا اللي اعرفه فاذا انت معزمة توكلي على الله بس يكون قرار مدروس، ليش؟؟ لان مو الكل يقدر يوصل لشي يريح بالج وترضين عنه، وبالكويت اللي يسوون العمليات هاذي معدودين وخبرتهم ما تماثل اللي برة ، وعمليات التجميل تحتاج خبرة اكثر ،
والمراجعة مع اكثر من دكتور يعطيج فكرة عن عيوب خشمج من مقاييس الدكاترة فاذا كانت خشمج مافيه شي راح تلقين واحد من هالدكاترة يقولج اشكره خشمج ما فيه شي، يمكن يسويها لج من باب انه يرضيج بس شوفي كلامه بالاول وحكمي، انا اعرف وحدة ماشاءالله جميله بس عندها عظمة بخشمها شوي شوي بارزة بس معطيتها ميزة وايد حلوة . كانت كل مرة تهدد بتروح تشليها وتنوي وتروح ، لما شافت واحد من الدكاترة قالها اشكره ما اسويها انت حلوة وما راح يرضيج شي، ما اجازف معاج وشكل خشمي اوكي مع ويهج ..==========> هذا قصدي اخيرا وصلته..
واعرف وحدة سوت العظمة اللي بخشمها وطلع بمقاييسنا حلو بس مرة راحت حق دكتور قالها مو حلو .. المقاييس مو وحدة

اقولج الصج انا فريت على اكثر من دكتور وكل واحد يقول حجي . لازم اسويها اهما اتفقوا على جذي بس واحد قال يمكن ما يضبط والثاني قاللي يضبط بس طلع لي عيب ثاني بويهي.. وجمال الحربي ارتحت له اكثر منهم مع انهم كانوا معرفين اكثر منه بس كلامه بالنسبة لي منطقي واتفق مع اللي قريته عن التجميل للي بحالتي.. وقررت معاه ان اسويها

اللي حواليني واهم اهلي القراب بس لاني بعدي ما طلعت يقولون خشمج تغير بس للحين انا مو حاسة بشي بتغيير كبير لاني اعرف ان شكله النهائي راح يكون بعد 6 اشهر فعشان جذي مو معشمة نفسي الا بعد شهر صج اقول التغيير.. بس الصج الصج مثل ما قلت فوق اهو تغير بس مو الشكل اللي اتصوره، تغيير مو قادرة اصدقه يمكن.

انتي معاج راح تختلف السالفة لان من كلامج حسيت انج حسيتي انج تحتاجين عمملية بعد الضعف وما ادري تقولين شوي مني وشوي مناك فاحسها اشياء بسيطة اخاف تسوينها وما تحسين فيها بعدين فوالله العظيم عطيتج النصيحة اللي بقلبي ولا تزعلين مني ولا يخف حماسج

ارجع واقول لا تهونين وروحي شوفي الدكاترة واي سؤال انا حاضرة باللي اعرفه، وما تدرين يمكن لما تسوينها تطلعين احلى وتصكين علينا. اتغشمر

الله يوفقج وروحي راجعي مثل ما قلت لج وشوفي واذا فيها اصلاح راح تمشي سهاله وانشاءالله يسهل امورج واموري
سوري عالقرقة

بنات أنا توني مسويه العملية عند جمال .

لكن معدتي للحين تعورني وايد ولاعبه فيني لعب .

هل انتم عورتكم معدتكم بعد العملية ؟ وهل مستمر عوارها للحين ؟

ومتى يروح عوار وألم المعدة ؟

وهل هذا شي طبيعي ؟

أرجو الرد