اللي ابتلشوا بالدور الثاني من عيالهم,,,تعالوا نساعد بعض

السلام عليكم ,,,,,
هذا الموضوع للي عيالهم ماخذين دور ثاني,,,,,,

متي راح تبتدون تدريس,,؟
وشلون راح تدرسونهم,,,(انتم شخصيا,,او مدرس خصوصي,,,او معاهد تقويه)
طيب ,,,كم كلفكم ؟
خلونا نتشارك ,,ونتبادل المعلومات
وعسى ربي يفرجها

وينكم ,,,حياكم ,,,تري عادي ان العيال يروسون<<<<تقص على نفسها

ماشالله شكل طلبة الكويت متفوقين كلهم < لان محد رد

هههههههههه

الله يعينج ويوفق عيالج

انا اخوي 3 ثانوي ودور ثاني بالكيميا والرياضيات

سجله ابوي بمعهد في حولي وبدا دراسة من شهر 7 جنه

وغالي مو رخيصصصصصص بس ناسيه الماده بجم !

والسلام والرحمه .. ياشيــــــــــــــــــــــــــــــــــــن الدور الثاني .. أستغفرالله ساعات أقول لو الواحد ساقط أبركله من إنه يقعد يحاتي الدراسه الصيف كله والنفسيه صفر .. أنا أخوي بالمعهد الديني وعليه دور ثاني بلاغه و نحو .. واليوم كان أول يوم تقويه بمعهد ستارز ( وهذا المعهد يدرسون كل المواد ) من الساعه 6-8 والسعر حسبي الله ونعم الوكيل 150 دينار .. عساه بس ينجح ..

الله يوفقكم ويوفقنا إن شاءالله .

انا ولدي برابعه ابتدائي من الدفعه اللي قرت لهم الوزيره دور ثاني…وانا متوهقه معاه اوف مالي خلق ادرسه بس شاسوي بلشت افتح الكتب واحاول معاه والمشكله ان الجو كلش مو مال دراسه ….وما يشجع بس شاسوي ابي ادزه باي طريقه اعتقد تو الناس على السقوط …لاحقين بعدين شراح نسوي معاه ؟؟؟؟الله يهداها الوزيره جان دزتهم ونجحتهم مالي خلق ادرس كلش ""صج ما ننعطى ويه ""
بس باحاول اشوف له مدرس خصوصي """الله يسامحك يا حسون على هالسالفه """

يعني معهد….اممممم,,,,,معاه طلاب يدرسون ولا بروحه؟
وعسى ربي يوفقه

وانتي بعد معهد,,,عسى ربي يوفقه
انا محتاجه ابلة رياضيات زينه بس تجي البيت

وييييييييييييه,,,صغير على سالفة الدور الثاني,,,حرام يلعب ولا يذاكر,,,عسى ربي يوفقه ويعينج

السلام عليكم
همن انا عندي ولدي بالصف الثامن وعليه دور ثاني يالانجليزي وقاعدة احوس ادور له مدرس عدل مع انه موفاهم شي بالانجليزي
والله يعينا حرام يعدي السنة عشان مادة مع اني تعبت معاه بالامتحانات بس هذا المكتوب
الله يوفقهم ولا ييخيب تعبهم امين

هلا لالا 2 اشلونج ,,,من زمان ما شفتج تكتبين ,,,بالنسبه لولدج انا عندي مو مشكله الاولاد لان المدرسين واجد لكن المشكله بالبنات والمدرسات صعبه يجون للبيوت ,,,,,
على العموم عسي الله يوفقهم ويفرحنا فيهم

أنا ولدي بتاسع وعنده دور ثاني بالرياضيات والعلوم والإجتماعيات ودخلته تقويه بالمدرسه تابع معهد المعلمين بمنطقتنا بس الرياضيات والعلوم وعقب باكر آخر يوم لهم بالتقويه صارلهم شهر ونص تقريبا ومن يوم الأحد إلي فات يدرس اجتماعيات بمعهد التقدم العلمي بالسالمية وإن شاء الله قبل الإمتحانات ياخذ له جم ساعه بالمعهد للرياضيات والعلوم والله الموفق وبإذنه ينجح الله يستر

هلا اماني,,انا بنتي بتاسع بعد,,والله اللي يشوف مصيبة غيره تهون عليه مصيبته,,,الله يعينج ثلاث مواد!!!!
الله يكون بعونج ,,,الله يهادهم العيال لا عطلوا ولا خلونا نستانس بالعطله
لنا لقاء بالموضوع ان شاء الله نبشر بعضنا بالنجاح

آمين يارب العالمين ينجح وتنجح بنيتك وكل بنت أو ولد عليهم دور ثاني والله كل بيت يشكي من الدور الثاني أنا ولدي وايد مهمل ويبي بس يكشخ ويطلع إسم الله حافظه ما يسمع الكلام وتعرفين بعد الربع وسوالفهم مادري منو قايله قزرها وخلص على الراحه ومن بعدها ماله خلق بس يسأل يما إلي بالجيش جم معاشهم مع إني مو مقصره عليه بشي وما يلبس إلا الماركات وأنا كل يوم اجذب عليه شوي اقوله إلي بالجيش يهاوشونهم ويطقونهم ويعذبونهم علشان يشيل السالفه من راسه بعد عمري كان بالإبتدائي من الأوائل حتى بأولى متوسط بس من بعدها وكل سنه يبشرنا بالدور الثاني حتى القرآن الكريم بسابع كان عنده دور ثاني الله يصلحه ويهديه

ياقلبي ,,,الصبيان يعذبون اهلهم,,وربعهم سالفه ثانيه بعد,,,ربي يهديه ويرجع لمستواه الاولي,,انا بنتي هذي ثالث مره تجيب لي دور ثاني,,صبر جميل والله المستعان,,,

لو سمحتى اختى اخوج النظام القديم والا الجديد

ان شاءالله ينجحون والامتحانات بالدور الثاني ماتكون صعبه بالعاده

اذا ما ردت دزي لها خاص لانها من زمان شاركت بالموضوع

اللهم امين,,,وينجح كل الطلبه