الله يوفق اللي ترد علي وتساعدني ويرقيهاا يااارب شلون ارفض الترشيح

بناااات انا طلع تعيييني في جهه حكومية والخميس الامتحاااان عاااد انا ابي ارفض وارووح اسجل بالوزارة التربية يوم الخميس

شسوي شلووون ارفض لان كل ما ادق على الديوان يطلع لي انت مرشح في …………. وانا ما ابي هالجهه ابي اروح التربية

بليييييز ساعدوني الله يبارك فيكم ويوفقكم بشغلكم يارب ولا يسلط عليكم احد

ما عندج سالفة ترفضين ترا الناس قاعدة تنطر
المهم دقي على هالرقم 23333333
اثنينتين و6 ثلاثات
هذا رقم الديوان وراح يفيدونج

نصيحة لا ترفضين

فيه اكثر من طريقة وطريقة

اول شي روحي للوزارة اللي تبينها وسئلي إذا يبون موظفات أو يبون تخصصج

ترا الديوان ما يسويلج شي ويقصون على الأوادم يقولون الوزاراة عندهم اكتفاء ولا رحتي للوزاراة يبون موظفين

المهم ياقلبي لا ترفضين الناس ما تصدق يطلع ترشيحها ,, وإذا كلش ما نفع مالج إلا واسطة تحطج بالمكان اللي تبينه

السلام عليكم
حبيبتي اذا تبين ترفضين الجهه اللي انتي مرشحه لها لازم تروحين الديوان اداره الاختيار فوق او صاله المراجعين و تقوليلهم ابي كتاب رفض و تودينها عند المدير في اداره الاختيار يوقعها و تردين صاله المراجعين و بس تكونين خلصتي.. و تنطرين الترشيح بمكان ثاني بس بالتلفون ماينفع

اخصائه نفسيه كلامها عدل هذي طريييقة الرفض بالضبط ما ينفع بالتلفون لازم تروحين

نصيحه اذا بيحطونج مدرسه بالتربيه لا تروحين للتربيه
بس اذا بالتربيه راح تكونين اداريه عادي روحي
والله التدريس معااااااااااااااااااااااااناه

مشكوووووورييييين والله يوفقكم يارب

انا ليلحين رافضه مرتين .. تروحين صاله المراجعين بالدور الارضى .. تاخذين دور ويكون كاونتر 11 و 12 اداره الاختيار .. ودي معاج صوره بطاقتج المدنيه عشان مايقولولج صعدي وصوريها ولويه .. تعطيج ورقه توقعين انج رافضه وتعطينها صوره البطاقه وبس .. ماتاخذ منج دقيقه .. وبعدها تنطرين الترشيح الياي

أنا رحت امس وسويت نفس كلام فطوم واخصائيه نفسيه بس علا فكره شكله وزارة التربيه عندها اكتفاء موظفين(اداريين) بس مدرسين عادي يبون لان لما رحت حاطين اوراق مكتوب فيها: لا يوجد ربط لوزارة التربيه.

الله يوفقج ان شاء الله

الله يووفقج ياارب