الله يعطيكم العافية أبي تجاربكم حق أبرة الرئة للجنين صج بعدها ما يعقد بالشيشية؟

السلام عليكم

الله يعطيكم الصحة والعافية

بسأل عن أبرة الرئة للبيبي هل لها آثار سلبية ؟ وشنو أسمها ؟
يقولون إذا الأم أخذتها وولادتها صارت مبكرة مايحتاج الطفل للشيشة ( الحاضنة ) بعدها ، صج ؟

الله يعين جميع الحوامل ويسهل ولاداتنا بكل خير وبأطفال بتمام الخلقة والصحة والعافية إن شاء الله

اهو شوفي حتى لو البيبي مكتمل نموه ووزنه اقل من كيلووين لازم يكون بالشيشة
ابرة الرئة اهي اجراء احتياطي بس ماتدرين شنو ممكن يصير
الله حدد فترة الحمل ٩ اشهر لحكمة منه واقل من جذي بيد الله
انا ولدت وانا توني داشه التاسع واحتلجت بنتي للشيشه
في حين وحدة من اهلي ولدت بالسابع ماحتاجت للشيشة
كل شي بيد الله

الله يسهل عليكم

هلا اختي
انا أخذت ٤ ابر لرئة البيبي لأني ولدت بالأسبوع ٣٣
والحين البيبي بالحضانة لان وزنة كيلو ونص والرئة غير مكتملة
باسمك اللهم الشافي وباسمك اللهم المعافي انك تشفي بنيتي
اللهم ااامين

الله يعطيكم الصحة والعافية

الله يشفيها لبنتج ويحفظها لج من كل شر إن شاء الله

أنا بنهاية الإسبوع 32 وزن البيبي بحسب كلام الدكتورة 2 كيلو . لكن من نهاية السابع والحين قربت نص الثامن وآنا عندي أعراض ولادة مبكرة . الدكتورة قالت إذا إستمر الألم راح تعطيني أبرة الرئة ، والحين أعتقد لازم آخذها لآن تعبانة حدي من أمس لليوم ألم وضغط مستمر .

الله يسهل عليج

الوضع يختلف حسب الحالة

حبيبتي الابره مافيها شي توكلي علي الله

والله يسهل عليج

اخذتها و الحمدالله فادت ويا ولدي
الحين اخذت وحده بس و ما كملت !!
اعتمدت على اني خلصت السابع !!

اخذيها حبيبتي مامنها ضرر
بس هم اذا احتاج للشيشه يحطونه بالشيشه حتى لو خذيتي الابرة

الله يعطيكم الصحة والعافية

براجع الدكتورة إن شاء الله وأقولها إذا لازم آخذها متى بالضبط أعتقد مبجر يكون أفضل . والله كريم .

اخذيها وانتي مغمضه انا ولدت بالاسبوع ٣٤ كان وزن البيبي ١٨٠٠ و الحمدلله قهد اسبوع بالشيشه
ماحطوه كلش علي جهاز تنفس اطلاقا
نصيحه اذا عندج بوادر ولاده مبكره روحي اخذيها

ماتضر الابره اختي خذتها عادي

اب اب اب