الله رزقني بعد خمس سنين ونص الحمدلله

الحمدلله رب العالمين حمداً كثيراً طيباً مباركاً فيه

بنات انا متاخره عن الحمل خمس سنين ونص …ومابقا شي ماسويته ثلاث مرات حقن مجهري واطفال انابيب..ست مرات تلقيح صناعي…غير الحريم والمشايخ وكل شي يطري عليكم

وحملت مره من الحقن المجهري بس ما الله كتب وسقطت

هالمره الحمدلله انا حامل لي ثلاث شهور طبيعي من الله

الشي اللي سويته اني اولاً غيرت مكان غرفتي النوم…وثانياً الرقية الشرعية والاذكار وثالثاً حجمت عند مره اول ماطهرت من الدوره والشهر نفسه الحمدلله بفضل الله حملت

المره صراحه اسعارها غاليه ومبالغ فيها بس قلت افيدكم والله جعلها لي سبب..يمكن تكون سبب لكم ..تحجم ب 300 دينار بس للامانه انا ارتحت على الحجامه حيل وحجمتني من راسي لي اصابع رجولي حنا ورا اذوني كل مكااان

انا قايله اذا سويت شي وحملت بعلمكم لاني يا ما استفدت منكم وعشت معاكم قصصكم والله يرزق كل محرومه ياااارب

والله العظيم واللي رزقني هالحمل اني ما اعرف المره واصلن رايحتلها جذيه قلت اجرب وسبحان الله كل شي بيد ربي..حجمو بنات حتا لو عند اي احد ترا مذكوره بالسنه وتعدل الهرمونات

وهذا رقمها للي حاب ام محمد 99405335

مابي منكم الا الدعاء والله

ادعولي الله يتمه ويرزقني بولد صالح كامل الخلقه دون زياده ولا نقصان يااارب

بنات نسيت لا اقولكم وكنت اكل فوليك اسيد وجلوكوفاج بس اسبوعين تقريباً مادري اذا هم السبب ولا لا او يمكن ساعدو بالحمال….مادري بس حبيت افيدكم وكله من ربي سبحانه…الحمدلله

الف مبروك يالغاليه حدي فرحتلج عسى الله يتمم حملج ويرزقج البيبي السليم ويقر عينج فيه ويرزقج باخوان وخوات له او لها

مشاءالله حمدلله ربي عطاج

الله سبحانه قادر على كل شي

وجزاج الله خير على بذل اسبابج

الله يرزقني ويرزق كل متاخره

ماشاءالله الله يتمم لج ع خيرر يارب
صاجه يمدحون الحجامه حيل وان شاءالله ناويه اسويها

مبروك قلبي والله يتمم عليج ويرزق كل محرومه

مبروك وعسى الله يثبته وتقر عينج فيه يارب ويرزق ككل محرومه يارب