الفراكسل fraxel عند د.عادل قطينه؟؟

السلام عليكم

بنات حبيت أسألكم عن جهاز الفراكسل وأدري سمعته عالمياً طيبه لما سويت بحث بالنت عن الفراكسل وشفت النتايج صج صج رووووووعه بس
بغيت استفسر كذا استفسار

أخذت موعد الاسبوع الياي لجهاز الفراكسل بعيادة د0 عادل قطينه بس وايد وايد أحاتي وخايفه

آنا مافيني تجاعيد بوجهي وبشرتي مافيها حبوب بس ساعات يكون فيه أثر للحبوب بالحنج ولكن حول عيني فيه خطوط
وهي أكبر مشكله بحياتي وكارهه عيشتي بسبتها لأني شريت وجربت وايد كريمات وأغلاها وحتى من عيادات بس ما أرضى اسوي بوتكس أو أغز إبره حول عيوني عشان الخطوط فقلت بعرف يفيدني هالجهاز لمنطقة العين؟؟؟

وطبعاً هو ممتاز إذا فيه آثار للحبوب وقلت فرصه أجرب عالأقل جلسه بس والنتيجة ادعولي تكون روعه

بس ياريت والله يجزاها كل خير دنيا وآخره اللي جربت هالجهاز وتعطيني بس النتيجة اشلون كانت معاها بكل أمانه لأني بحاجة لمعرفة التجارب قبل ما أجرب بعمري وخاصه أهلي مو راضين بس هو مو شي خطر ولا أتصرو إنهم ممكن يشوهوني ولا شي جذي……..والله يستر على كل حال لأني صج صج بديت أخاف من حنتهم علي وأحاتي

بانتظاركم

انا ودي اسويها بعد شوفي شصير معاج وعسى الله يوفقج يارب

مشكورة حبيبتي سنيوره على الدعوة الطيبة وجزاج الله خير ، والله يسهل الأمور وتكون النتيجة مثل ما أتمنى يارب

حابه من اللي جربت تفيدني وتهون علي حالة الخوف والمحاتاة اللي آنا فيها القولون بينفجر لما أفكر بإني بسوي الاسبوع الياي الفراكسل

بليز تجاربكم بنات أو لو في وحده سامعين جربته عند د(عادل قطينه تفيدني وبدعي لها من كل قلبي

انا ناطره على احر من الجمر

انا عندي اثا حب شباب بخدودي

وخاطري اسوي ناطره النتايج والاسعار

وشلون نفسيه الدكتور والسسترات؟؟تفاصيل اكثر عشان اتشجع

رفـع ,

بالنسبة للأسعار الجلسة ب 160 دينار ويمكن ما أحتاج إلا بس جلسة وحده وكل وحده على حسب المشاكل ببشرتها وبكل الأحوال هي عددها ما بين 2 إلى 5 جلسات أو حتى جلسة بس حسب ما شفت وعرفت من المقاطع بالإنترنت 0

والنتيجة دعواتكم بنات تكفون وبس تبين النتيجة بعد الجلسة ببلغكم واللي أعرفه إن أول يوم يكون فيه احمرار مثل ضربة الشمس أو حروق الشمس واليوم الثاني تبتدي البشرة تتقشر واليوم الثالث تصفى البشرة واللون يرجع على وردي شوي لي بعد يوم أو اثنين وترجع البشرة طبيعية مع نتيجة رااائعه (بإذن الله) 0 وارجع أقول كل وحده وبشرتها مثل ما ذاكرين بالمقاطع من الانترنت باليو تيوب

جربت الفراكسل حده اخواره…قاصين علينا

موفقة

بالنسبه لعيادته حطيت عليه اكس لان لما شاف بشرتى قالى يبيلج جلسات
وسويت وسببت لى حروق حول خشمى وطلعت من عندهم وانا بس اعالج
والحين بشرتى احسن بس مو نفس اول يعنى عيادته اى شى
هذى تجربتى

اتمنى تتحرين ورا المدعوا عادل قطينه لأنه معروف انه نصاب كبيير ديري بالج منه حبيبتي ترا ممكن هالجهاز يكون اصلا مو عنده و يقولج اي عندي وهو جذاب بس عشان ياخذ فلوسج ويسويلج باي جهاز ثاني يأدي نفس الغرض اللي انتي تبينه والنتيجه تطلع غير مرضيه والله العظيم هالكلام قلته من تجربه شخصيه معاه