|
|
السلام عليكم /
موضوع ( جديد أريد أن أتحدث عنه هو موضوع كرامة وهيبة المعلم .. زميلة تعرضت للضرب من قبل ولية أمر في المدرسة .. وكان موقف الادارة المدرسية سلبي بدلا من أن تقف بجانب المعلمة وتمنحها حقها .. طلبت منها الصفح عن ولية الأمر والتماس العذر لها .. ولا تتقدم ضدها بأي شكوى .. لأن امور الضرب والإهانة من الأمور المعتاد عليها . في مدارسنا . والله فوضى ما ذنب هذه المعلمة المسكينة بنت الحمايل تنطق والناظرة تتفرج وبكل برود تقول لها ما فيه داعي تقدمين شكوى ولا تكونين انسانة حساسة .. واحتسبي أمرك عند الله .. الله كريم .. ياخواتي .. ما رأيكم في هذا الموضوع بدلا من أن نقول ش
الفزعة خواتي .. مع اختكم المدرسة .. :
على اني توني متخرجه من الثانويه بس والله هذى لو بمدرستنا كا خذوا حقها ….
الله يستر انا ناويه ادخل تربيه………………..
ولازم تقدم شكوى ضد ولية الأمر الدنيا موفوضى وحقها بتاخذه غصب والا طيب موبكيف الناظره تمنعها هذا حق شخصي موبكيف ناظرتكم
احنا شفنا العجب بمسيرتنا التدريسية
والله كريم
في شي اسمه تفاهم وهالاشكال الي تتكلم بيدها ابد مالها حشيمه والله لاشتكي وابهذله
وبعدين بنته بتقعد تتحجا بالمدرسه ابوي طق الابله راحت اطيح كرامه الابله والبنات كلهم يطاولون عليها
من غير البنت الريال الي طق راح تتعود تصير متمرده على المدرسات لان ابوها على كيفه يطق ومحد موقفه
شكو وين قاعدين
لاتسكت لان محد خسران غيرها ولا الناظره هي المستفيده وينها لما يالها ولي الامر يشتكي ليش ماقالت تحبسب عند ربك ونهت الموضوع بس تفلسف على المدرسات المساكييييين
واي انبطت جبدي
شنو هذا ولي الامر رجال
هذي فيها قبايل ودم للركب
انا ماخليت امي تطقني جايين هالناس بيطقوني
السالفه ما فيها سكوت ابدا
حتى لو شنو الموقف ولية الامر لازم تتحاسب
(( اهانة موظف غي مجال عمله يحاسب عليه القانون ))