|
|
بس للاسف ووولدى من أول ما اخده واهو مو قادر يتنفس وصدره يقفل ويتنك وبلغم ولا يعرف ينام وأنا على باللى من الجو ومن السنترال تعبت مع هالصبى والله واروح المستشفى يقولولى ما نقدر نسويله شئ غير تعطينه كمام ولا يسئلونى شنو تعطيه ولا شنو ياكل ولدى تعب أكثر مع الكمام ومره قاعده احاجى رفيجتى وأقولها على مرض ولدى قالتلى انت تعطينه سيريلاك قتلها ائى قالتلى مرض ولدج صدره والحساسيه من السيريلاك بجميع أنواعه القمح والعسل والفواكه والتمر وحتى سيريلاك الارز داش فيه مادة بروتين حيواني وللاكتوز وطبعا أهم يحطون فيه سكر والشئ اللى عارفته بعدين ان اليهال قبل السنه ما ياخدون شئ فيه قمح لانه يجيبب حساسيه ومو زين للياهل ..انا الحين قطعت عن ولدى السيلايلاك ولدى الحمد لله تعدل شوى بس للحين ما يحب الشئ المالح لازم الشئ الحلو ماياكل حتى المليوبا ما يبيه بس شئ حالى ووديته دكتورة تغذيه قالتلى السيريلاك مو زين ومو كل طفل يقدر يتحمله بس الزبده انه مو زين جان اقولها حتى سيريلاك الارز قالتلى بعد نفس الشئ فيه نسبه من القمح وبروتين حيوانى وقالتلى أبعدى عن اى شئ فيه قمح حتى البسكويت اللى فيه القمح ودايجستف بالقمح …وسئلت كم دكتور غيرها قالولى السيريلاك بأروبا وامريكا ما يعطونه عيالهم.
وانا بسوى بحث على جوجل قريت للبنات يقولون يتصنع بأسرائيل ..بس التفسير انا السريلاك صناعته ايرانيه شلون ما أدرى….
وانا بسوى بحث طلعلى الموضوع هدا لام كانت تسئل بعد
معقوله من السيـــريـــلاك ؟!!!!
الله يحفظ عيالى وعيال المسلمين من كل شر يارب
انا بنتي ماتاكله وقاعده اغصبها عليه وشوي بدت تتقبله بس ماادري اذا يضر
الله يحمي اطفالنا ويخليهم لنا يارب
الله يخلليهالج يارب ويحفظها من كل شر يارب..امين يا عمرى
حتى احنا الكبار وقت المرض و كحه لازم ماناكل بسكوت او شي فيه قمح
صح في يهال يتحملونه و في لا و حتي الي يتحملونه الاحسن ماتكثرون منه
بس حبيبتي صاحبة الموضوع سالفة صناعته من اسرائيل و ايران و يدخلون السياسة حتى باصغر المواضيع خلونا اكبر من جذي و كبروا اعقولكم احنا مو يهال عشان كل شي تقلبونه سياسة !! شكو السريلاك بسرائيل و ايران!!!!!
و السيريلاك موجود من احنا كنا يهال قبل لا نتزوج و انعيل!!
والله يحفظ اعيالنا
شي غريب والله
شكرا عالتنبيه وجزاج الله الف خير
انا عندي قاعدة دايما انصح فيها الامهات
اكل البيت انظف واضمن واحسن من المعلبات مثل سريلاك وغيره
وحتى لو مايضر السريلاك ما ورعه الا المتن
وفي معلومة سمعتها من دكتورة تغذية تقول ان بسكوت فيرلز فيه ارقام تسبب امرراض خطيرة حطو بالكم
وديرو بالكم لان احيانا يشيلون الارقام
خلكم على اكل البيت احسن اشزين اكل يداتنا لعيالهم قبل *
بس السبب مو من السيريلاك من القمح اللي فيه لان في يهال واغلب اليهال ترى يتحسسون من القمح وهالشي يسبب لهم طفح جلدي وحساسية بانواعها الصدر الخشم وغيره
علشان الكل يستفيد من موضوعج
بس ليش يبيعونه بالجمعيات ويعطونه بالتموين مايخافون على عيالنا
فيه دكتورة قالت لي ان السيريلاك مافيه اي فايده
ياريت يقطعونه من السوق
هذا كلام الدكتور
مادري هل له علاقه بالامعاء..وخوفتوني بصراحه..الله يحفظ عيالنا
دكتوره ولدي لما شافت ولدي جهازه التنفسي تعبان عطتني قائمه ممنوعات من بينها السيريلاك وبسكوت اليهال المصنوع من القمح
ودام عيالج يتحسسون منه خليه عنج وقطعيه في وايد شغلات ممكن ياكلونها غيره*