السفر مع ولدي .

انشالله على اول الشهر الياي بسافر مع ريلي وامي وخواتي وباخذ ولدي معاي
ولدي عمره 6 اشهر ومن الحين احاتي اشلون راح يكون الوضع بالطيارة مع الضغط ؟

اختي هالاسبوع سافرت وخذت ولدها عمره 4 سنين وتقول ذبحنا بالطيارة اذوني واذوني مسكين

وانا قاعده احاتي

فمنو اللي مرت بتجربة مثل هذي وتقول واشلون كان الوضع

ومشكورين

اذا ياخذ مصاصه عطيه مصاصه بطياره علشان لا تتصكر اذونه
وشربيه دوا كحه او عطيه نقط فنستيل علشان يدوخه وينام لج بطياره
انا جذي سويت حق ولدي

وبعد لو تسالين طبيبه القسم احسن واخبر

مشكورة حبيبتي على الرد

سالي طبيبه احسن لج و الله يحفطه ياارب

مشكورة حبيبتي

بدون دوا كحه ولا شي

الياهل عمره 6 شهور يعني ما يتحرك من مكانه ولا راح يأذيج .. الكبار اهم الي ايينون بالسفر لانهم مايقعدون مكانهم

انا لمن كان عمر ولدي 5 شهور خذيته معاي البحرين الطريج تقريبا 50 دقيقه بالطياره بس كان نايم طول الوقت .. شربته حليبه ونام

الحين بالصيف راح يكون عمره سنه انشالله بوديه معاي سويسرا .. وانشالله بعد ينام بالطباره

انشالله يكون نايم والله يستر

وااي خرعتييني أنا بسافر ف الشهر الجاي و ولدي بيكمل شهرين بس أنا سألت أكثر من دكتور قالولي عادي ما يصير فيه شي بإدن الله

لول انا اقولج انا الشهر الي فات خذيت ولدي العمره تخيلي
اسم الله عليه من ركبنه الطياره لين وصلنه نام هذا بالروحه ولا حس بشي بالرده كان قاعد اول ماطارت اسم الله عليه ماحس بشي
وتالي بعد ماطارت بنص ساعه هم نام
وكان عمره 7 شهور ولدي الي عمره 7 سنين يحن اذوني اذوني لاتحاتين عادي اهم شي بس تبدي تتحرك الطياره
عطيه مصاصته او اذا ماياخذ شربيه حليبه لانه مع المص والرضاعه تتبطل الاذوون ومايحس بشي
وهذا بس وقت الاقلاع والهبوط تالي عادي

اذا يمص مصاصه خليه يمصها متى ما حسيتي انه بجى او تضايق من الضغط .
و اذا ما يمص المصاصه خلي موعد رضعته على حزه طيران الطياره .. لا ركبتوا زهبوا الحليبه .. واول ما راح تطير شربيه .. و ان شاء الله ما عليه الا العافيه .
انا ما اايد تشربينه دوا و اهو مو مريض .

لا تخبصين في ولد ولا تعطينا دوا حرام

الولد صاحي مافيه شي تقومين تعطيه شي ينومه

انتي ام ولازم تحملين ماراح ياذيج لاتخافين بس خافي الله فيه لانه توه بو 6 اشهر مايتحرك عل قولتهم يعني مايتمشى ومايقعد وياذيج

حليب ووجان وجبه خفيفه ويانم

ماكووو حوسه وركضه ورااه

ماكو الا الخير
والمصاصه او الرضعه وقت النزلة والصعده عشان الضغط يكون قاعد يبلع شي

اذا صغير ماراح يأذي لانه قاعد بمكانه وما يحن ويمكن يدوخ وينام

حبيبتي اشفيج كليتيني انا ماقلت ابي دوا ولاشنو نوع دوا ينوم

قاعده اسال وحده منكم سافرت وولدها ولابنتها عمرهم اشهر واشلون كان الوضع بس وكان الله غفور رحيم هذا السؤال
وانا اصلا مو ناوية اعطيه دوا كلش ملش ارتحتي الحين

مشكورين بنات على ردودكم كفيتو ووفيتو وماقصرتو

حبوبتي لا تحاتين تطمني سهالات انشالله
أولا ولدج عنونو بعده ماراح يأذيج ويمكن ينام بالطيارة
ومدام امج وخواتج معاج يشيلون عنج انشاللله

روحي استانسي وعليج بالعافية