الرضاعة الطبيعية × العض

السلام عليكم ورحمة الله وبركاته

شلونكم شخباركم

حبايبي آنا بدخل بالموضوع على طول مو عرض

لا تكفخوني

الله يسلمكم آنا ولله الحمد للحين أرضع بنتي رضاعة طبيعية (( ذكروا الله )) بس مو دايماً يعني قبل لا تنام بالليل أكثر شي المهم قصتي معاها قصة بسم الله عليها ترضع وتقعد تلعب بعدين فجأة تعض
(( يذبح من العوار )) ومستانسة بعد تقعد تضحك ومشكلتي أعصب لا شعوري لأن الصراحة شي يكون فجأة (( اللي مجربة راح تفهم وضعي ))

المهم شنو الحل معاها شنو أسوي على قولت حريم قبل مسكي خشمها عجزت وآنا أمسكه سويت لها عملية تجميل من كثر ما أفقص فيه

بحثوا بالموضوع وردولي تجاربكم المفيدة

الله يخليها لج وتبطل عض ماشاء الله لا قوة الا بالله
انا داخله مو عشان اجاوبج لاا
عشان بستفسر منج خخخخخخخخخ
عن الرضاعه
هل فعلا اهي ترهل صدرج انا قبل بولاداتي ارضع بس بلاربعين يعدين اوقف
بس ما ستمرييت هل اذا رضعت ما يرهل الصدر
ان شاء الله ناويه اكمل رضاعه اذا ولدت بالسلامه باذن الله

هلا اختي وروود ما قصرتي على المرور ،، الرضاعة أكيد ترهل الصدر بالنسبة لي صدري خق شويه لأن تدرين إنتي قاعدة تعطين شي من صحتج وعافيتج حق قطعة من قلبج بس نصيحة مني لا توقفين رضاعة بعد الأربعين حرام إذا تقدرين لا تبخلين على نفسج ولا على ولدج أو بنتج بالصحة والعافية ترا هذي نعمة عطانا إياها الله سبحانه وتعالى ولو تدرين شنو أجرها والله تتحسفين إن ما رضعتي وبعدين تحميج إنتي والياهل من أمراض بسم الله عليكم إنتو بغنى عنها،،،، وترا في كريمات وتمارين تساعد على شد الصدر بس شنو عقب ما توقفين رضاعة لأن ما ينصحون بإستخدامها خلال الرضاعة،،، والله يهون عليج وتقومين بالسلامة إنتي مع البيبي يا رب وإذا بغيتي شي من عيوني

وعلى فكرة عندي شكثر شغلات تساعد على در الحليب