|
|
السلام عليكم
أخواتي فرج الله همومكم انا في هم لا يعلمه الا الله وعندي حسد ارجو منكم الدعاء
فدعوة المؤمن لاخيه المؤمن بظهر الغيب مستجابة أرجوكم لعل منكم من هي دعوتها مستجابة
ربي يفرج عنكم لا تنسوني …
بس ابي منج تسوين هالشغلات وادري احتمال كبير انج قمتي فيهم بس يمكن اهملتيهم :
١- داومي ع الرقيه الشرعيه ( مهما طالت المدة )
٢- اذكار الصباح والمسا ( علي طول ) مع استشعار معانيهم اذا تبين لهم تاثير اقري معانيهم
٣-داومي ع البقرةً ( بتركيز شديد ) اقريها ٤٠ يوم
٤- حبي ادعي لنفسج محد ينفعج الا نفسج عليج بالدعاء خصوصا بعد الصلوات المفروضه و بعد الاذان وقبل الفطور وبالثلث الاخير من الليل
٥- اقري القران وتدبري معانيه لرضا الله فقط
٦- اكثري استغفار باستشعار معانيه وتذكر ذنوبج
٧- اكثري حمدلله علي بلائج ، لا تستغربين الله يحب العبد الي يشكره ع البلاء
٨- خلج متوكله وثقي ان امورج كلها خير مهما طالت مدةً المرض الله يحب المتوكلين
٩- خلج علي وضوء طول اليوم مو بس وقت الصلاة ( الله يحب المتطهرين )
١٠- قولي حسبي الله ونعم الوكيل واستشعريها الله وكيلج واهو حسبج ولا يظلم من كان الله حسبه
١١- صلاة الضحي خليها شي دايم وثابت
١٢- خليج متيقنة ان بعد صبرج فرج ولا تحددين مدة للفرج
١٣- لا تيأسين و اذا يأستي دوري باليوتوب قصص ومحاضرات كثيرة عن الصبر وقيمته
وعن البلاء والدعاء ولذة الفرج والمناجاة 
١٤ – الصدقه حبيبتي ( داوو مرضاكم بالصدقه )
١٥- احرصي حيييل انج ترضين الله مهمن صار ومهمن كان ( واحرصي ان الله يشوف الرضا بقلبج ) مهمن كانت النتيجة
١٦- كوني لله كما يحب يكن لك فوق ماتحبين
١٧- لا تهملين الدعاء يوم الجمعه ولا سورة الكهف ولا الصلاةً علي رسول الله ، و لا تنسين سبحان الله وبحمده سبحان الله العظيم تثقل الميزان ويحبج الرحمن بسببها ..
سبحان الله وبحمده سبحان الله العظيم
اول شي التزمي في قرات سورة البقره كل يوم لمدة ٤٠يوم مع اكثار الاستغفار و استخدمي الخلطه الروميه و اقري الاذكار كل يوم و تصدقي لو بشي قليل و اهم شي ثقي بان الله بيشفيج
الله يفرج لج