الحمدلله ولدت بالسلامه ويبت احلى قطوه

السلام عليكم
شلونكم يا أحلى بطبوطااات وكروشااات ..
ولهت عليكم والله يا أحلى منتدى
بنااات حبيت ابشركم الحمدلله ولدت بالسلامه ويبت احلى ورده عسى ربي يخلها لي ويفرحني فيها عروووس قولوا آآآمين
والفال حق باجي البطوطات ربي يسهل عليهم ان شاء الله ويولدون بالسلامه ويرزق خواتنا اللي بقسم تأخر الانجاب بالذريه الصالحه عاجل غير آجل يارب العالمين .. اللهم آآآميين
انا ولدت بمستشفى المواساه عند الدكتور حيان الاحمد ماشاء الله عسى ربي يخليه ويوفقه يارب على قد ما كنت اقول عنه بمراجعاتي انه هالدكتور بارد واحاتي مادري شلون بيولدني على قد ما الحين ادعيله واقول الحمدلله اني ماغيرته ..
الله يسلمكم ولادتي هذي الاولى ولأني ماعرف شنو الطلق ووين يكون العوار بالضبط فكنت كل ماحس بعوار شلت شلايلي وطرت المستشفى واقول يالله بولد وطبعا كل ماروح يردوني يقولولي انتي اصلا ليلحين مو فاتحه ولا ربع سانتي احبااااااااط مع اني عديت شهري باسبوع
لي اخر مره وكنت رايحه الظهر مع امي وابوي سوق شرق ابي اخذ كفر حق البيت وتوني بالمسافط واحس بعوار خفيف جان اقولهم ابشركم كالعاده عوار و انذار كاذب ههههههههههه
جان يقولي ابوي عيل خروح المستشفى مدام ليلحين مانزلنا وانا جنه صج اقوله لا عادي اقدر اتحمل خل ننزل وابد ابوي يقول لا يعني لا مالي خلق ابتلش فيج جدام الاوادم شلون اشيلج انتي وكرشتج هههههههه

ورحنا ودخلت الطواري وانا كاشخه وحالتي حاله والمكياج والضحكه شاقه حلجي ولا نفس الدكتوره مالت الفحص وتقولي انتي تاني ههههههههه واقولها ترى ماكنت بيي بس ابوي ملزم (( بعد عمري بنته الوحيده وخايف علي ))
المهم فحصتني ولا تضحك وتقول مبروووووووووووووووك 3 ونص انتي دخوووول يالله يالله ولاده وانا
شنو يعني صارت الصجيه لالالالالا مابي برووح السوق ابي الكفر ماحس بعوار (( حدي راهيه ))
ودقيت على ريلي قلتله تعال بولد يقولي اكيد ولا حجي اقوله تعال والله بيدخلوني واضحك يقولي اي خير عطيني امج احاجيها ولا ماراح اييج هههههههه موراضي يصدق لاني اضحك بس والله ماكنت احس بشي مع ان بالتخطيط يبين ان الطلق كل 5 دقايق
والمهم لبسوني بدله الميانين بس شحلاتها ابيض مورده بزرق ههههه وقعدت انطر دكتور ابره الظهر وعطاني اياها وتخدر نصي بس اللي يضحك ان ريلي كل ساعه تفتح بروحها واقولهم صكوها مادري شفيها تفتح وشوي وترد تفتح وانا ماحس فيها ويردون يسكرونها هههههههه طبعا انا دخلت العمليات الساعه 2 ونص الظهر والرحم فاتج 3 ونص ووقف موراضي يفتح اكثر حطولي طلق صناعي وفتح سانتي زياده بس بعد عمري حبيبتي بنتي تعبت وقالولي ان نبض الياهل بدى يقل مع الطلق الصناعي ووقفووه تقريبا ساعه وشي وردوا حطوه مره ثانيه لانه موراضي يفتح ونفس شي نبض الياهل بدى يقل وهني بدت المناحه يوم قالولي بننطر عليج شوي واذا الياهل ردت تعبت مضطرين نسويلج قيصريه وانا هني دكتور مابي تشق بطني واهوي يضحك يقولي ماتخافي انا مو جزااار راح انطر عليكي لحد ماتقولي افتح بطني المهم انتي ارتاحي الحين ونامي وطبعا انا هني خلاص النفسيه صارت تحت الصفر لان من دخلت يمكن يابوا خمس او ست بنات واسمع صراخهم شوي وبعدها اسمع صوت بجي اليهال يولدون ويطلعون وانا على حطتي موراضيه اولد وبعد عمري ابوي وريلي مجابليني وويوهم وجم مره يتهاوشون ابوي يقول حق ريلي اقعد اذيتني لا تحوس وريلي يقول انت اقعد فريت مخنا وانت داش طالع وهذا يقول هذي بنتي وهذاك يقول هم هذي مرتي وامي حبيبتي عيزت تسكت فيهم جان تقولهم ان ماسكتوا انتوا الاثنين راح اطردكم بره وانا من سمعتها شلون زفتهم جان اقعد اضحك بهستيريا وبجي ههههه و قعدت امي فوق راسي وتقرى وتقولي اقري سوره الزلزله والفاتحه وادعلي والحمدلله شوي شوي بدا يفتح الرحم وصل لي 6 وقامو يعطوني الطلق الصناعي كل ساعتين يحطونه شوي ويوقفونه لي الساعه 10 بالليل ياني الدكتور جان يقولي خلاص انتي ان شاءالله عالساعه 6 او 7 الصبح راح تولدين وانا من التعب وتميت طول الليل بس ادعي ربي وامي تقرى فوق راسي والحريم يدشون ويولدون ويطلعون وبنيتي حبيبتي ابد مناظله موراضيه تطلع من كرشتي الاخت ماكله وشاربه ونايمه ابلاش لي الساعه 6 ونص وكنت انام واقعد على تحلطم ابوي وريلي وشوي ولا ايون يفحصون ويقولون يالله استنفار ولاده دقوا على الدكتور والله ماقصر 10 دقايق واهو عندي طلعوا ابوي وريلي وقلت ابي امي وخلوها والحمدلله سهالات الكل كان يقولي يالله بوش بوش وانا فيني النوم اقول انزين لاتزفون واحاول اسوي بوش بس مادري شقاعد يصير لاني ماحس بجسمي من تحت السر ونازل ومره مرتين ولا اشوف ارنوبتي قاطينها على سملله عليها لونها رمادي وتبجي وانا ابجي على بجيها وامي تزفني تقولي مابجيتي بالطلق والولاده تبجين يوم شفتيها هههههههههههه والحمدلله ربي سهلها علي والاهم ان الولاده كانت طبيعيه والدكتور لي اخر شي يقولي ارتحتي الحين مافتحنا كرشك الاخ شايفني خروف العيد وانا مادري هههههههههههههه
هذي قصتي ادري طويله بس احس فيني هذره وايد من زمان ما دشيت المنتدى لان مالي وقت العنونه ماخذه وقتي كله فداها