|
|
مرحبا ابلات
بما ان الدوامات قربت قمت احس اني مالي خلق واتمنى يزيدون العطله ولو اسبوع
احس مالي خلق اداوم 
انا حطيت هالموضوع واتمنى تتفاعلون معاي موتدخلون وتسكتون
ابي اعرف شنو الاشياء الجديده اللي صارت بمنهج الرياض يعني صج بيضيفون لاصفي 2 او لا
وصج في معلمات متخصصات للتربيه الحركيه او بيكرفونا كالعاده
وبسالكم عن شي باط جبدي : بنات اشرايكم بالفترات المشتركه مثل الحلقه والاركان انا اشوف مالها داعي ولازم يوقفون هالمهزله يعني شكو اقعد مع الابله اللي عليها الحلقه والاركان ليش الوزارة تشوف ان احنا موكفو نقعد بروحنا بالحلقه ؟
واحس ان اللي عليها فترة اللاصفي اهي اللي تاكلها لانها بتكون مشتركه بالحلقه والاركان ولما توصل اللاصفي بتكون خلصت طاقتها
يابنات شوفولنا حل بالفترات المشتركه تعب عالفاضي
بس انشاءالله ماكو وانشاءالله يسوون لهم لويه مثل السنه اللي طافت..
ليش احنا يهال يحطونه ولي شافونا احتجينا شالوا يسكتونا تالي يرجعونا مره ثانيه!!
بالعكس انا اشوف ان الابله الثانيه تقعد معاج احسن.. خصوصا اذا كانت حليوه معاج عالأقل تساعدج بالحلقه تشوف اليهال وياج .. وحتى بالأركان ماشاءالله 9 اركان و22 ياهل كل واحد يناديج من صوووووب وااااااي لأ تصير مأساة .. غير انج تكتبين السجلات الخايسه اللي مالها اي داعي بس اوراق وتغليف وآخر شي لزباله!!.. صج وجودها يريحج.. يصير الشغل نص بنص 
وصح راح تاكلينها بللاصفي بس شتسوين..
انشاءالله ايبون لنا ابلات حركيه.. وصج المفروض امينة المكتبه اهيه اللي تمسك هالفتره مو قاعده من الصبح وماتبي احد يحاجيها
وانشاءالله هالسنه تكون سنة خير علينا جميعا وخاليه من القرارات العشوائيه اللي ماتفيدنا
زين مايقهركم ان احنا اللي نسوي لوحة الخبره للنشاط ؟ شنو وظيفة ابله التقنيات مو مفروض مسؤؤله عن اللوحات في الروضه ؟
بس انا مع خواتي انه الابله الثانية تقعد وياج وخاصة بالاركان..
وبالنسبة للحلقة لازم تقعد وياهم علىالاقل حق الحمام اذا طوول الطفل ولا اذا يتلج الفراشة تقولج مام وقعي على تعميم ولا علىالغياب
يبطون جبدج اذا يابوه وقت الحلقة
حلاة الدرس يكون بينكم ثنتينكم تسألينها وترد عليج …تمثل معاج ..تكلم الاطفال …
والاركان نفس الشي …بتجابلين منو ولا منو …!!!!! طفل بالحمام ..وواحد برا بالرمل والماي …والصف لوية..وانتي شغالة بالتقويم 
بالنسبة للحركية…موجهتنا العام قالت لنا انهم اقروا مدرسات الحركية ..
ودزوا طلبات للمدارس …ماادري عااد الحين شلون بيكملون ولا بيهونون!!!
بس المفروض..فترة المكتبة والموسيقى المشتركة مع ابلات الفترة …مو احنا …..خلوا الابلة ترتاح شويه .gif "Eh S(2)")
لوحة الخبرة …تختلف من ناظرة لي الثانية..احنا مشرفة التقنيات اهي اللي تسويها …
والله يجعله عام دراسي مبارك علينا وعليكم
انا كل سنه بالأقتراحات اللي يخلونا نوقع عليها أكتب تخصيص معلمه للحركيه
هههههههههههه
والعالم طناش ما جنه نتحجي
الله المستعان
.gif "Eh S(3)")
انا اكره الفترات المشتركه تطلع الى معاج تتصيد الاخطاء وسده تنشرها للمعلمات وخصوصا لما تدخل الناظره
ياليت يخصصون معلمات حركيه تكون المسؤله عنها
ومعلمات مكتبه مسؤله عنها
والمنفذات ياخذون المطعم عنا.gif "Eh S(22)")
والفرصه مو كل وحده تشرف على صفها ياليت تكون انه وحده تناوب عليها وكل يوم وحده
الضاميه اشكرج كلها اسبوع ونعرف مصيرنا المقرودخخخخخخخخخخ
وابلة المكتبه شنو وظيفتها بالروضه غير الريوق وطلبات المطاعم ومجابلتنا واحنا نحوس بالمكتبه
موعدل ياوزارة التربيه
وكله بصوب والابداع بصوب ودلعي الاطفال وجابلي كل طفل بالله عليكم اشلون ادلع الاطفال واجابلهم وانا كل شي فوق راسي
احنا بشر مو الات
اتمنى هالشي يوصل للموجهات لانهم ساس البلا
البنات اغلبهم نفس رايي..عموما انا اشوف اذا اللي معاج كانت حبوبه وعسل اكيد راح تحبين الفترات المشتركه بعكس لما تكون اللي معاج نسره
.gif "Eh S(6)")
بالنسبه لي اول ماتعينت ما كنت احب المشتركه لأني احس انها تطلع اخطائي للي معاي بس بعدين تعودت عاااادي كلنا بشر وكلنا نغلط….وياحلات الفترات المشتركه لما تكونين عند وحده مبدعه تتعلمين منها وتستفيدن .
بصراحه انا ما اعرف سوالفكم هذي اللي تتكلمون فيها لووول لاني ابله الموسيقى
بس بنت خالتي موجهه بدنيه وكنت قاعده اسولف معاها مرة فقالت واااااااايد قاعدين يسوون اجتماع على سالفه ابله الحركيه وانهم وزعواا اوراق للخريجات اللي يبون يشتغلون في رياض الاطفال
بالعكس الموضوع جدي واعتقد انه هالسنه في رياض بتكون فيهم معلمات حركيه في الرياض واذا على هالموضوع اتاكد منها باجر واقول لكم