التكميم حلم قرب يتحقق من بعد طول السنين

السلام عليكم ورحمة الله وبركاته

شلونكم حبوبات يارب الكل يكون باحسن حال.

يمكن يكون البعض مار عليه اسمي (( عيالي…حياتي…))
كنت كلا اشارك بقروب السمينات وادش تجمعات وارد ع المواضيع المتعلقة بالرجيم وهالسوالف

بس والله والله جد ملييييييييييت من الرجيم اللي بسرعه امل وتضعف ارادتي لما ما الاقي الوزن ينزل عقب حرماااااان تام لمدة ايام واسابيع يعني ممكن اسوي رجيم واستمر عليه شهر كاااامل بس انزل 2 او 2 ونص كيلو
فترد تضعف الارادة ترد مصيبتي لي

المهم كنت كلا احاول اقنع زوجي بالتكميم وان العمليه اهي حلمي واني تعبت ونفسيتي تعبت من المتن
هالكلام كان وزني 80 تقريبا وكلا مو راضي ويقول انسي اني اعرض حياتج للخطر ومن هالكلام وعيالج وراج لا سمح الله ان صار فيج شي محد بيفيدهم وكنت اسكت واكتم حرتي بقلبي

بس الحين صار وزني 90 تخيلو ونفسيتي كل مالها تتدهور وحياتي صارت سوده والمتان يعرفون انا شنو اقصد ,,,,.

لا لبس مثل الاوادم
ولا ولا ولا ولا …………………………..

قبل امس رحت كلمته ودموعي سبقتني بالكلام والله

وحاولت والحمدلله شبه اقتنع بالعمليه

………………………………………….. …………..

الحين انا عندي عندي طلب من خواتي كويتيات

………………………………………….. …………..

تكفون تنصحوني باي دكتور اسويها عنده.؟
وشنو اسوي الحين ووين اروح ووابدي..؟

محتاااره والله.

تدرون ان الدوامات قربت وانا ( مدرسه ) وتدرون ان بنداوم عقب العيد مباشره

يعني بسال عن متي اقدر اقوم وامشي عقب العمليه.؟؟
ومتي امارس حياتي ابدل عيالي واغسلهم واشيلهم عقب العمليه ولا متي بالضبط..

مليون سؤال وسؤال براسي ولا اكو ولا جواب ساعدوني اروح لاي دكتور وعند اي مستشفي برايكم احسن..؟

انا حطيت الموضوع وكلي ثقه انكم بتنصحوني بالاحسن,

وجزاها الف خير من تساعدني..

اول شي الله يكتب لج اللي فيه الخير بس طبعا من غير نقااااااااااااااااااااااااااااااااااااااااااااااش الدكتور خالد العنزي حيييييييييييييييييل البناات يمدحونه واعرف ناس مسوين عنده يقولون تبارك الله حبوب وعنده ذمه روحي عيادته وان شاءلله تحصلين موعد لان تبارك الله كل يوم عنده من 4 لين 6 عمليات واهو يسويها بالسيف او السلام وقبل كل هذا في فحوصات يطلبها ان شاءالله البنات يقولون لج شنو اهي علشان تختصرين الوقت واذا انتي تبين تسوين قبل الدوام حطي اسمج عندهم على الانتظار اذا احد كننسل يدقون عليج وخلج جاهزه اي وقت

قبل كل هذا صلي استخاره ويارب يكتب لج الخيره وتضعفين بصحه وعافيه

مااعرف والله والبنات اكيد بيفيدونك

عليك بصلاة الاستخاره قبل كل شي

والله يختار لك الخير حيث ماكان وانا من رايي اذا كان وزنك لهالدرجه تاعبك توكلي على الله وسويها

طمنينا عليك

بالتوفيق ان شاء الله

ماعندي فكره عن هالعمليات

بس مهما كان هذي جراحه لا تتسرعين بالقرار فكري عدل

ان شاء الله تسوينها و تصيرين رشيقه
و التعب بس 10 ايام
انا و اختي سويناها عند دكتور موسى خورشيد
و رفيجاتي 2 سوها من بعدي عند دكتوري

و الحمدلله كلشي تمام و مستانسين و الوزن قاعد ينزل و الملابس قامت تصير وسيعه ^_^ ونااااسه

بعد قلبي اللي ردوا علي
خالد العنزي الكل يمدحه بس المشكله احس مواعيده زحمة
انا عرفت من المنتدى انه موقف العمليات طول هالشهر الفضيل
وراح يبلش مع الناس عقب رمضان

الله يكتب لج اللي في الخير

استخيري اولا
وعندج الدكتور خالد العنزي
بعد اسبوعين تمارسين حياتج الطبيعيه بس بتتعبين من قلت الاكل
وانا انصحج تسوينهاا كان تعبتي من الرجيم

الله يقومج بسلامه وانطري خالد العنزي لين بعد رمضان عادي اهم شي يكون مضموون لا تروحين دكتور ثاني عشان اسرع لا خلج عليه يمدحونه وحطي اسمج عندهم اللحين والله يكتب اللي فيه الخير

اليوم خذيت موعد حق ريلي موعده بعد شهر تقريبا

بس شوفي ماتوقع العنزي يسويلج لان مايسوي الا حق اللي فوق ال100

اذا تبين روحي حق الشرهان انا رحتله وزني 75 قالي وصليه 85 وتعالي وللاسف للحين ماتوظفت ناطره اشتغل واسويها ولا اذا عالوزن بشهر اخليه 100 بعد مو بس 85

حبيبتي توكلي على الله وربي يسهل عليج وصدقيني بس اول اسبوع تعب وانتي عندج عيال يعني مجربه الولاده والنفاس ترا وايد اهون من التكميم راح يكون شي هين نشالله وانا اقول هالكلام لاني شايفه رفيجاتي الروح بالروح ومشالله سهالاتت لاتخافين

لا اله الا الله محمد رسول الله

بنات عفيه صج الدكتور خالد العنزي يسوي للي فوق ال١٠٠
؟؟؟؟؟؟؟؟

لا لا لا والله حرام عليه يعني اهو يشوف ال٩٠ مو زيادة وزن!!!

منو سوت عنده وكان وزنها مثل وزني. ٩٠ او يعني قصدي تحت ال ١٠٠ كيلو

عفيه بنات ردو علي انا عندي رقم عيادته بس احس غلط لاني طول اليوم ادق ويطلع محد يرد
اللي عندها رقم عيادته تنزله بالموضوع يمن اللي عندي يكون غلط لاسمح الله

ناطرتكم بنات

لا ياقلبي انا اعرف وحده سوت العمليه عند خالد العنزي ووزنها تقريبا اقل من 90 يعني اخر 80 بس تفرق على حسب الكلته (( اعتقد جذي يسمونها * _ * )) عاد انتي هالله هالله بالكلام الطيب عند الدكتور قولي انج زهقتي من السمنه وان الرجيم ماينفع واهو حبوب راح يتفهم بس مثل ماقالت وحده من البنات الصحه مو لعبه لاتسوين الا عند الدكتور قولي انا ماابي اسوي الا عندك وان شاءالله يوافق يسويها لج لو بالامر خيره لج

حبيبتي الوزن ماله شغل .. اهو الدكتوووور يسوي العمليه بعد مايسوي حسبه بين الوزن والطول
وعلى حسب الناتج يسويلج العمليه

انتي جم طوووولج

وصج حبيبتي نسيت ابلغج ترا الدكتور راح يبلش عملياااات من 7/9 دقي عليهم احجزي .. عشان تضمنين الموعد

والتحاليل لاحقه عليهم

وهذا رقم سكرتيرته اسمها ايمان دقي عليها باجر واهي تسااااعدج ان شاء الله

99170019

والعياااده : 22511522

اول شي العملية يسونها حسب كتله الوزن مو امية او اقل من امية مو جذي الحسبه وعلى حسب وضعج الصحي العام

ثاني شي لازم يعطيج تسوين تحاليل سونار ومنظار احيانا المعده ماتكون مستعده دايركت لتكميم فتحتاج مضادات حيوية

ثالث شي مده النقاهه تختلف من مريض لثاني يعني في ناس اسبوع بس تعبها ناس اسبوعين ناس شهر شهرين

رابع شي افضل اطبا للعملية اسامه الصانع برويال حياة جراحته زينه وايد فتره الريكفري وايد زينه متابعه قوية وعقبه خالد العنزي وباسل السميط

والله يكتبها لج اذا فيها خيره لج واهم شي انج تصلين استخاره وتاكدين من قرارج