|
|
بسم الله الرحمن الرحيم
السلام عليكم ورحمة الله وبركاته
هذا اختبار بسيط عطاني اياه دكتور خاص انا وايد احترمه واحب كلامه
الكل عارف مشكلتي الاخيره مع ريلي وبعدها رديت رحا للدكتور هذا
ونبهني على شغله جد مهمة في اول خطوات تغيير مشكلتي الزوجيه
واللي اكتشفت انها مومشكله اصلا ماهي الا سوء تصرف
عموما نطلع من موضوعي
الموضوع اليوم اني يبتلكم هذا التمرين عشان تستفيدون منه
وعشان نشجع بعض
اولا التمرين هذا تمرين برمجي اكثر منه نفسي
ثاتيا : لازم تكونين مقتنعه انج مرنه وتبين تتغيرين
ثالثا : لاوم تحطيم عيوبج بكل موضوعيه وصدق
رابعا : لازم تكون عندج الاراده للتغير
بسم الله الرحمن الرحين نبتدي
حطي عيوبج :
مثال انا بحط عيوبي انا
– متسلطه
– قاسيه
ما اغفر او اسامح بسوعه
– عمليه جدااا ماحب الاجواء الرومانسيه المبتذله
– عنيده
– ما اقتنع بسرعه
مميزاتي
– هاديه
– كتومه
– بالي طويل
– مهتمه جدا بنفسي
– مبتسمه طوووول الخط
– صبورة
– عصاميه
– قويه في الشده وما اتقوقع بمشكله ايا كانت بالعكس كنت اقضي عالمشكله واقطها ورا ظهري
– ما كنت اعرف الانكسار ( اطيح بموقف او مصيبه احاول استفيد منها واكمل )
– ابتعد عن اي احد يعكر مزاجي
الحين حطي المواقف السلبيه اللي بحياتج :
– موقف ريلي لما صرخ علي
– موقف ريلي لما كان سلبي مع اهله وما وقفهم عند حدهم من البدايه
حطي مواقف ايجابيه بحياتج :
– موقف ريلي لما قطيت ( اجهضت )
– موقف ريلي لما كان يساعدني بشغل البيت لما كنت تعبانه
– الدلع اللي دلعني اياه من اول ماخذاني
الحين المخ سوا اعادة تشغيل ( العقل الباطن وهو المسؤل الاول عن اطلاق اشارات السعاده والحزن وغيرها مهيأ ان يستقبل اي برمجه جديده)
فقط استرخي واطلقي اي اشارة
الخطوات
" أربع ملاحظات " فقط تذكرها وتمرن عليها في أي وقت تشاء .. وفي حال التوتر لأي سبب كان ، تذكرها وقم بها مباشرة .. وستجد نفسك مسترخياً ومسيطراً على نفسك .. وتستطيع أن تجابه المواقف المزعجة .. وأن تكون ردود فعلك عادية تماماً ..
(1) سمّ بالله ( أو استعمل أي كلمة أو جملة مريحة لك ) وخذ نفساً عميقاً نسبياً إلى البطن لمدة 4 ثوان ( 1..2..3..4..) ، احبسه في صدرك لمدة 4 ثوان ( 1..2..3..4.. ) ، ثم أخرج الهواء من صدرك ببطء لمدة 8 ثوان ( 1..2..3..4..5..6..7..8..)
أعد ذلك وتنفس بعمق بدون أعداد أو زمن ..
(2) لاحظ الكتفين وأنزلهما إلى الأسفل قليلاً وأترك الكتفين بحالة استرخاء لطيفة ..
(3) لاحظ أسنانك والفكين المشدودين وأفتح فمك قليلاً تجد أنه بحالة استرخاء لطيفة ..
(4) لاحظ التجاعيد والتوتر في جبينك وبين الحاجبين وأتركها تسترخي وهي مرتاحة ..
أنت مسترخ الآن .. نعم .. واثق من نفسك .. نعم .. مسيطر على أعصابك تماماً .. نعم .. أقوالك متزنة وهادئة تماماً .. نعم ..
الحين قولي اي عباره تحسين انها راح تقربج من السعاده
مثال ( احبه – هو يحبني….. الخ ) بصوت مسموع لج
وهاذي البرمجه راح تتم اوتومانيكيا بمجرد ارسالج اشارة فيها
اتمنى اني فدتكم وشكرا لكم
ترى صج الحياه جذي لازم نصير وقعين ان مافي انسان كمال انا بعد فينا عيوب
الحمدالله على كل حال
والله ذاك اليوم لمن كتبتي مشكلتج ضاق خلقي ودعيتلج من كل قلبي الله يبرد قلبج ويزيح عنه كل هم
وانت تستاهلين كل خير
والله يوفقج مع ريلج يارب
سويت نفس ماقلتي عليه ,,
وانا قاعده احاول قد ما اقدر اتغيير من الداخل ,,
تسلمين والله يجزاج الف خير
اولا مالي شغل بسوالف الزوجيه لاني للحين انسه
ثانيا انا دخلت سيده لما شفت اسمج لاني ذاك اليوم قريت بدايه مشكلتج وما شفت شنو صار فانا داشه اتطمن عليج بشريني ان شاء الله انحلت المشكله؟؟؟
ثالثا انا اموت على العلاج النفسي الداخلي والعقل الباطن والتامل والايحاءات وقوه الجذب وغيره << << جني سولفت وايد
بس تكفين طمنيني هاا
بشري ان شاءالله نحلت مشكلتج مع ريلج ضايق خلقي عليج واايد
مشكورة حبيبتي
وانا قتلج باجر ابتكتبني موضوع انج رديتي الف مبروك والله اسخركم لبعض
يعطييييج العافيه
هذا عيبي الوحيد
ما اثمن كلامي قبل لا اقوله وهالشئ متعبني بحياتي الزوجيه والعامه
وعليا زوجي يطوف بس الاوادم ما تطوف
خخخخخخ