|
|
شلوووونكم يابنات جايبتلكم خبر طازج
اليوم رحت مع اختي بسم الله عليكم عندها مراجعات عشان عمليه الفك الي بتسويها لما تولد بالسلامه وسم الله عليكم تعاني وايد بس الدكتور رافض يسويلها العمليه الحين لانها واصله شهرها وموزين لها العمليه
المهم شنو شفت هناك
طبعا اختكم نسمه مرتزة بالريسبشن واطالع خشوم البنات ((فرصه فرجه ببلاش)) ولا تدش مرة كبيره ومعاها بنتها الي مغطيه نص وييها بملفع واهي لابسه تنورة قصيره سفور يعني
هني استغربت وقعدت اطالع البنت ظلت واقفه برا العياده عند الاصنصير والام يت كلمت الريسبشن طبعا انا الكرسي الي قعدت عليه صار بالضبط يم الرسبشن فاجباري بسمع السالفه هههههههههههههه
ولا الام تقول ابي اشوف دكتور خالد ضروري
الاخت الي بالريسبشن سعاد ماشاء الله عليها حبوبه قالت لها اختي في زحمه تحبين تنتظرين بين الارقام او تاخذين موعد جان الام تقولها ولي يعافيج المساله حياه او موت تري بنتي بتنتحر
شوي جان تقوم سعاد ركض علي غرفه الدكتور طبعا في باب اوتوماتيك دشت منه وانا هني عدلت قعدتي وقعدت اشوف البنت شفيها
المشكله اهي واقفه بعيد
قالت لها السكرتيرة نطري شوي يشوفج الدكتور
طبعا هني رزيت ويهي بعرف السالفه بصفتي مدرسه عندي فضول
قعدت يمهم الاستقبال الي برا وسالت الحجيه قلت لها عسى ماشر ياحجيه 0(كنت متوقعه بتقولي انتي شكوووووووو))
بس مسكينه تحجت وقالت لي كلام انا ماكتبته بلاغه شف ولا مجرد نقل لمشكله غيري
انا كتبته نصيحه للاخوات الي يسوون خشومهم عشان ينتبهون لنقطه معينه
شوفو شنو قالت لي الحجيه
تقول بنتي الي تشوفينها طبعا البنت صاده كلشش ماشفتها عدل
قالت بنتي سوت عمليه بايران عند دكتور والله ماذكر اسمه المهم سوا خشمها مايكل جاكسون بالضبط والبنت تعقدت ماخلت دكتور ماراجعته وكلهم قالو نفس الحجي ان خشمها تشوة ومافي اي مجال يتعدل لان الدكتور عفوا القصاب شايل خشمها كله
شوي جان لفت البنت علي ووخرت الملفع الله لايبلانا ويرفع عنها حرام صج تخرع الله المستعان
حرام البنت حللللللللللللللللللللللللوة وجسمها ماشاء الله عليها
بس خشمها مشوة يميييييييييييييييي صج حسيت بقهر عليها ودي اني اكفخ امها الي طاوعتها علي العمليه الله يهديها بس
مادري شنو صار لاني نزلت الجلديه احوس عندهم ولما صعدت لقيت الام ماشيه اهي وبنتها بس الي عرفته من اختي انها شافت البنت تبجييييييييييييييييي وهي طالعه وشكله حتي دكتور خالد ماعرف يساعدها بصراحه ماقدر اوصف لكم شلون خشمها مشوة
امها تقول ودتها عند ماجد تقي وجعفر والنجاده الكل طردها مسكينه والحين الصبيح بعد بصاحه شي يعور القلب
يابنات كلمه اوجهها لكم اتقو الله في انفسكم يعني مضطرة علي العمليه 00علاقل اختاري دكتور زين وله سمعه قوووووووووووووويه مو اي حجي
وثانيا سويها بالكويت اذا مانجحت العمليه عندج الدكتور غصبا عنه يعدل لج وارخص من قبل
وبعد شغله لاتبالغون في طلبات التصغير لدرجه التشويه نظام كيفي بفلوسي والله حرام الشي شفته يخررررررررررررع خشم مايكل جاكسون احلي من خشمها مسكينه
تبين تجملين استخيري واستشيري كذا دكتور وسالي مو سيدا تدورون الارخص
حرام لان مافي نقطه تراجع او عوده بالتجميل يعني الخطا مايترقع الا نادرا
الله يعين البنت المسكينه علي مصيبتها ويهدي باقي البنات ويكفينا شر الاخطاء الطبيه
عمليات التجميل مو هينة يكفي انها تغيير لخلقة الله الا طبعا اللي محتاجها
والامهات صايرين شي مو طبيييييييييييييعي ماتقول البنت شي الا طاعوها اي شي صراحه
وجزاج الله خير
,, هاذي الصراحه واحترامي لكل الاطباء الكوتين ,, يبيلها دكتور له خبره في هالمجال بشكل كبييير ويكون اشطر من الشاطر,,, الحمد اللله مارحت ايران وسويته ,,, ماقولكم ايران فيها دكاتره شطرررر بس يبيج تعرفين تختارين مو كل من سوه في ايران ولا لبنان يعني بتنجح العمليه على الدكتور وعلى شطارته ولازم اتنين وانتي تختارين الدكاتره ….. اناا الحمد الله سويتها في لبنان وراضيه بانتيجه,,, بس صراحه في دكاتره احسهم يبون يسون العمليه وخلاص,, مايفتكرون باللي ايجون من برع,, يقولون هاذي بتسوي العمليه وبتروح… حسب يالله عليهم
؟؟
ملعوناااااااااااااااااات
وحتى دكاترة التجميل ملعونين
البنات يبون جمال مزيف
والدكاترة يبون فلوسهم
والاثنين عارفين انتو طبعا شنو نهايتهم بالآخرة
التشوه اهو بس بالدنيا – الاخرة العذاب اكبر واكبر وبعد اكبر
لا حول ولاقوة الا بالله ..