|
سلام عليكم ورحمة الله وبركاته
بتكلم عن الاكل الجاف للــــ قطط .. و ترجمته من موقع اجنبي للي حاب يكتسب معلومات
.,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,.,.,.,.,.,.,.,.,.,.,.,.,,.,.,.
على الرغم من اعتماد الناس على الاكل الجاف كـــ وجبة رئيسيه لــقططهم ,, الطعام المعلب أمر لا بد منه لتطوير قوة العظام والعضلات ,,
للاكل الجاف ايجابيات منها :
1- لا يفسد بسرعه
2- مناسب للقطط
3- اغلب القطط تحب الاكل المقرمش
ولكن ايضا له سلبيات :
1- القطط التي تعتمد على الاكل الجاف تفتقد للتغذيه الاضافيه التي تحصل عليها من الاكل المعلب
2- معظم الاكل الجاف يكون تجاري ويحتوي على كربوهيدرات مصنعه مثل الذره
3- المكونات التي تكتب على العلبه عادتا ما تكون منقسمه مما يعطي المستخدم انطباع خاطئ عن النسبه الحقيقه للكربوهيدرات او البروتين
4- غذاء القطط الجاف يمكن أن يسهم أيضا أو تكون له صلة مباشرة لظروف صحية معينة :
( مرض السكر التهاب الامعاء الفشل الكلوي المزمن البلورات البوليه الاسهال الجفاف )
لذلك .. أليست الأغذيه النيئه أفضـــــــــــــــل ؟
بمعنى الكلمه, نعم أفضل
فإن لم تستطع توفير الطعام النيئ لقطتك , فالطعام المعلب هو ثاني افضل خيار .
تحــــــــــــــــــياتي ^^
آهلين جوجو
عاد تبين الصج لا الني زين ولا جاف كثرته زين ومثل ماذكرتي الاسباب
على حسب تقبل القطط النوع الاكل في قطط تحب نوع واحد واذا غيرتي لها تتعب منه وتسبب الاسهال اعزكم الله
والبورات البوليه
وبخصوص يقول الاكل نيئ زين هذا اكبر خطا
تسبب لها الديدان وتخلي القطوه من اليفه الى متوحشه وتسبب امراض لها
ومثل السمج لو كان نيي يفقد فى الشهية يسبب لها الارتعاش وبعدها الموت
يعني حلات الاكل مطبوخ افضل شي والجاف نص ونص ومايعتمد على كوجبه اساسيه يفضل كامكمل غذائي
وتسلم ايدج على الترجمه
انا ماحب الني اصلا مستحيل اعطيها
بس الخلاصه من الموضوع ان المعلب مو مضر مثل ما سمعت
انا الحين بخلط لها بين المعلب وأكل البيت
ومثل ما قلتي " الدراي فود يكون مكمل غذائي "
snacks ^_^
يعطيج الف عافيه جوجو
شخبار قطيوتج وحشتني
تمااااااام قطوتي
وأبشرج اذا تبين مثلها روحي سوق الحمام لحقي عليهم ,, " ملاك زوجي " تقول شافت مثل قطوتي بس لونهم بيج جنه
بنفس المحل
وكــــــــــوكـــــــيتي نايمه ^^
الله يحفظهاا يارب
الرائـــــــــــــــــع ’’
يثلمــــــــــــــــــــــو’’
حياكم الله
يعني اللي بالغابات شياكلون ؟؟؟؟
مادري القطوة تعيش بالغابه ؟ هههه المهم ان اللي ساكنين بالطبيعه
مو اللي ساكنين بالبيوت شياكلون ؟؟
اكيد اكل ني و كاهم عايشين و االله ماراح يفطرهم على شئ يموتون منه !!
اهو صح يخليها وحشيه بس ما اتوع تموت هاذي طبيعتها
تذكرين القطو اللي كان بحوشنا.. هذا مليون بالميه كان متربي داخل بيوت.. لأنه مستحيل مستحيل ياكل من الزباله .. تخيلي يموت جوع ولا يروح للزبايل وما يعرف يتهاوش مع القطاوه ولا شي وما ياكل الاكل الني ولا يصيد الطيور ولا الفيران.. مو مثل باقي القطاوه اللي بالشارع.. ابوي لما شاف انه جذي كسر خاطره وقال كل يوم تطلعون له اكل والخدامات الحين توديله اكل .. يعني القطو ما ياكل شي الا اذا متعود عليه..