اقنعة بالطلعات

بنات – انا بنت عمي توها متزوجه وبنت عمتي هي اللي خاطبه بنت عمي حق هالشخص معاها لأن بالدوام وتمدحه

بس ماشاءالله كلا يطلعون مع بعض بنت عمي وزوجها وبنت عمتي ( هو معاها بالدوام )

بس اشلون اتخليه او تقنعة ان كل يوم يطلعون وسينمات ومطاعم معاها ومع خواتها

يعني عنكم فكره اشلون اقنع الريال ان نطلع ونستانس لأن الرياييل راسهم يابس والطلعة من وين لي وين معاهم

الله يتمم عليها انشاءالله

والله اهي مشكلة كل الكويتيات يعني شوفي الشارع كل مره مع عيالها او مع السايق
والله ما نشوف الا الوافدين الا يترسون السيارة مع حريمهم وعيالهم
احسن طريقه الاقناع بهدوء وبدون حنه وخلي اول شي يوديج للاشياء الضروريه مثل الطبيب او الاهل وبعدين شوي شوي كل شهر
وخليها تريحه بالطلعه يعني ما تغثه علشان اهو يستانس معاها
وساعات اختي يكون بيت الريال جذي يعني خواته وامه معتمدين على روحهم بالطلعات وروحات

ترى مافهمت سؤالج بالضبط؟؟؟
بس قصدج شلون الوحدة تقنع ريلها يطلعا دايما؟؟؟
اذا هذا قصدج حبيبتي…..ترى الطلعة مو شي اجباري ولازم يكون بصفة دايمة!!!
حلات الطلعة مرة وحدة بالويك اند مثلا مطعم وسينما….ترى الزواج مو بس طلعات ووناسة…
بعدين لاتنسين ان لو بنت عمج تبي تطلع دايما هذا الشي بروحه ميزانية وتكلفة…كل طلعة يبيلها 30 دينار يعني مو معقولة بالاسبوع تطلع الوحدة 3 مرات ؟؟؟

انزين ليش كتبتي عن بنت عمك ؟؟
الله يتمم عليها ما شاء الله عليها والواحد لا يطالع نعم غيرة لان راح يتعب وكل انسان يشوف النعم الي عنده

ثاني شي الطلعات مو كل شي بالدنيا وكثرة الطلعات اصلا يصير ملل لان الطلعة الي بشوق تونس ويصير القلب فرحان اكثر من كل يوم كل يوم صار روتين ممل خصوصا للازواج مو الي بفترة ملجة

والسلام عليكم